الجواز بسبب الميراث بقلم هويدا زغلول

سعاد _ ايوه انا هو انت زمان كنت بتيجي مع جدك هنا انا فاكراك 
حسين _ ياه ايام كانت جميله قوي بس انتي كنت رايحه فين كده
سعاد _ ممكن اطلب منك طلب ممكن بس تخليني اقعد في الفيلا بتاعتك لحد ما اشوف انا هروح فين ولا هعمل ايه 
حسين _ هو انا ممكن اعرف ايه موضوعك بالظبط بنت امام الجامع مش لاقيه بيت تقعد فيه  

سعاد _ انا هقولك على الموضوع كله مع اني عارفه ان انا غلطانه ومش عايزه اتكلم في الحوار ده وبعدها لقيته بص پغضب وقالي 
حسين _ معقول ابن خالتك يعمل فيكي كده ازاي يعني ومامتك كمان مش راضيه تدخلك البيت
سعاد _ ماما عندها حق انا غلطانه وغلطت في حقها كان لازم اسمع كلامها بس مكنتش عارفه ان كل ده هيحصل
حسين _ بصي هو انا ما عنديش مشكله خالص ان انتي تقعدي هنا بس انا خاېف لكلام يكتر عليك لما يعرفوا ان انتي سبتي بيت عريسك يوم حياتك ومشيتي
سعاد _ ما هو كده كده الكلام هيكبر علشان خاطر خالتي مش هترجعني البيت ثاني الا لما ماما هتديها البيت وماما مش عايزه تديها البيت
حسين _ على العموم خليكي هنا في الفيلا  لحد ما نشوف هتعملي ايه 
وفي بيت ماما كانت قاعده قدام البيت وخالتي 
راحت وقالت ليها 
الخاله _ بنتك جت عندك بعد ما ابني ما طرادها يوم صباحيتها انا غلطانه ان قولت  استر عليها
الام _ تستوري على مين هو انتي فاكره انك لما تيجي وتتكلمي بصوتك العالي ده قدام الناس الناس هتصدقك انت الناس عارفه ان انتي كذابه وبنتي اشرف من الشرف 
الخاله _ طب ردوا انتوا يا ناس عليها عروسه يوم صباحيتها جوزها رماها في الشارع تفتكروا ليه بقى
وقربت منها ام محروس وقالت 
ام محروس _ اكيد علشان انتى كنتي طمعانه في بيت امها وكنت عايزه تاخديه منها كلنا عارفين ان جواز سعيد من سعاد كان ده ل غرض مصلحه
الخاله _ اخرسي يا وليه انتي انتي اه اصلا دخلك في الحوار
الام _ مش هتقدري تعملي اللي انتي جايه علشانه الناس كلها عارفاني وعارفه جوزي وعارفه بنتي بنتي غلطت يوم اتجوزت ابنك واديها دفعت الثمن
الخاله _ الا هي فين بنتي كان محروسه موجوده جوه ما تخليها تخرج قدام الناس 
الام _ حرمت عليها تقعد في بيتي دقيقه واحده من يوم ما اتجوزت ابنك وامشي من هنا مش عايزه اشوف وشك ثاني انتي ولا اختي ولا اعرفك
وبعدها روحت البيت وكان سعيد قاعد وقالت 
ليه علي اللي حصل 
سعيد _ شوفتي ياما انا غلطانه اني سمعت كلامك  واديني  انا خسړت البنت اللي بحبها طول عمري
الخاله _ حب ايه يا واد انت اسكت  انا مخنوقه قوي بسبب اللي حصل ده يعني انا كنت رايحه علشان افرج الناس كلها عليها الناس كلها وقفت معاها ضدي انا 
سعيد _ قولتلك كذا مره الناس بتحب خالتي وعمرها ما هتصدق حاجه عليها ما سمعتيش الكلام 
الخاله _ انا صحيح يا ولد ان البنت سعاد دي مش موجوده عندها في البيت ومجتش هنا تفتكر تكون راحت فين 
سعيد _ ما اعرفش اكيد طفشت منك ومنها هتصرف انا ازاي دلوقتي 
الخاله _ اسمع كلامي يا سعيد اوعى تطلقها دلوقتي لحد ما نشوف احنا هنتصرف ازاي 
سعيد _ ماما انا لو سعاد ظهرت تاني انا هاخدها وهمشي من البلد دي خالص انا غلطان اصلا اني سمعت كلامك وعملت اللي انا عملته ده 
الخاله _ وربنا ما هسكت الا ما اخذ حقي منها 
وفي فيلا حسين كنت قاعده في الاوضه 
وبعدها خبط ودخل وكان معاه صنيه اكل 
وحطها  وقال 
حسين _ البنت اللي بتنظف البيت قالتلي انها طلعتلك اكل كذا مره وانتي نزلتيه تاني  مينفعش تفضلي قاطعه الاكل كده
سعاد _ انا مش عايزه اكل ولا اشرب انا كل اللي انا عايزاه بس نرجع بيت امي تاني وتسامحني على اللي انا عملته ده 
حسين _ كل حاجه هتتحل بهدوء واوعدك اني هروح وهتكلم مع مامتك في الحوار ده 
سعاد _ بجد انا مش عارفه اشكرك ازاي على اللي انت بتعمله معايا ده انت انسان محترم جدا وكويس 
حسين _ ربنا يخليك انا كنت بقول يا رب اديني علامه علشان ما ابيعش البيت ده وهي العلامه ظهرت ايه 
سعاد _ وهو انت عايز تبيع بيت 
جدك ليه اصلا
حسين _اصل انا كده كده حاطط في دماغي ان انا هسافر فخلي البيت اعمل بيه ايه قلت يكون معايا فلوس كويسه 
سعاد_ ربنا يوفقك وبعدها بص على الشباك لاقيه مفتوح وقال 
حسين _ سعاد انا مش عايز مشاكل اوعي تكوني بتبصي من الشباك انتي عارفه البلد هنا صغيره وكلها عارفه بعضها ما ينفعش حد يشوفك عندي هنا 
سعاد _ انا اسفه والله ان انا فتحته بس قلت يهوي شويه حاضر هقفله ومش هبص من الدنيا خالص 
حسين _ على العموم انا نازل تحت ولو عزت اي حاجه نادي عليا او البنت اللي بتشتغل هي اسمها سماح 
سعاد _ اه ما انا عارفاها بنت كويسه قوي ومحترمه والله وخرج من الاوضه 
وبعدها روحت سماح. وكان معاها اكل 
كتير وأمها اول لما شافت الاكل قالت 
الام _ايه ده يا بنت يا سماح عقبال ما تديكي فلوس اداكي اكل ولا ايه ېخرب بيت عقلك
سماح _ لا يا ماما ده اداني فلوس واداني اكل كمان مش عايزه اقولك حسين ده باين عليه طيب جدا
الام _ انا يا بنت لما يشوفك كده ما يرضاش يتجوزك ده انا مش عايزه اقولك هيعيشك عيشه ايه هنا 
سماح _ يتجوز مين يا ماما هو انت مش شايفه هو عيشته عامله ازاي وانا عشته عامله ازاي لا طبعا ده عمره ما هيفكر فيا بس اسكتي يا ماما على اللي حصل 
الام _ ايه يا بنت اللي حصل اوعى يكون ضايقك بالكلام ولا حاجه
سماح _ يا وليه حرام عليكي انتي لسه بتقولي الراجل باين عليه محترم تعرفي مين قاعده عنده في الفيلا البنت سعاد يا عيني امها مشيتها من البيت وجوزها كمان 
الام _ معقوله يا نهار ابيض وايه اللي مقعدها عند راجل غريب زي ده يبقى الكلام اللي حماتها قالته عليها صحيح بقى 
سماح _ حرام عليكي يا ماما احنا كلنا عارفين سعاد وعارفين قد ايه ان هي محترمه ولا استاذ حسين ما يعملش كده هو كمان محترم
الام _هو لو كان محترم يا اختي كان قالك بقيتي في الفيلا معاها انما هو وهي يباتوا بدله لوحدهم
سماح _ ماما شيلي الخرافات دي من دماغك انتي عارفه ان سعاد عمرها ما تعمل حاجه غلط الكلام اللي حماتها قالته عليها ده كلام كڈب وهو كمان انسان محترم ده انتي لسه اهو عايزه تاكلي واخده