الجواز بسبب الميراث بقلم هويدا زغلول

الخميس الجاي
الخاله _ امال هي فين مش انا قولتلك تكتب الكتاب وتجيبها على هنا يا ابني
سعيد _ سيبيني اخطط وانفذ انا ما تخافيش ابنك هيجيبلك حقك ثالث ومتلت 
الخاله _ تسلملي يا ابن عمري عارفه ان انت قدها وقدود يا واد وهتعملي كل اللي انا عايزاه
سعيد _ اللي تشوفي يحصل يا امي والله ما تعرفي انا فرحان بفرحتك دي ازاي 
وجه  سعيد يوم الاربع ومعاه فستان الفرح 
سعيد _ خذي يا سعاد الفستان ده عايزك تكوني احلى عروسه في البلد يوم الخميس الجاي
سعاد _ مش هنعمل فرح ايه سعيد علشان خاطر ستي انت عارف ماما كانت بتحبها ازاي
سعيد _ بقولك ايه يا سعاد من اولها كده  مبحبش اللي يقولي لا انت سامعه ولا ايه وكفايه قوي احمدي ربنا ان انا سبتك في بيت امك لحد ميعاد الفرح
سعاد _ اللي تشوفه حاضر هعمله بس برده مش عايزاني ازعل ماما مني اكتر من كده بلاش فرح كبير 
سعيد _ اول مره اشوف عروسه مش عايزه تفرح معقول عالعموم هعملك اللي انتي عايزه يا قلبي هتكون حاجه كده علي الضيق
وجه يوم الفرح وامي كانت قاعده عامله 
ټعيط ودخلت خالتي عامله تزغرط 
الام _ بس بس مش عايز اسمع صوت خدوها ايه واخرجوا ما فيش زغاريط هتحصل في البيت ده
الخاله _ معقوله في حد يقول كده يا ام العروسه بدل ما تسلميني بنتك بايدك تقوليلي الكلام اللي انتي بتقوليه ده
الام _ بنتي خلاص راحت ام جدتها ما مشيت والحمد لله شكلي بقى كويس قدام الناس كلها خديها وامشي 
الخاله _ الموضوع لسه ما خلصش ما بينا وحقي انا هاخده منك ثالث ومثلث وهتشوفي وبعدها
مشينا من البيت عند امي وروحنا بيتنا 
الخاله _ تعالي يا عروسه خشي اوضتك يا رب تعجبك وبعدها بصيت فيها لقيتها مليانه فراخ 
سعاد _ ازاي يا خالتي هبات في الاوضه دي مع الفراخ هو ما فيش اوضه ثانيه
الخاله _معلش يا حبيبتي اعمل ايه في اختي اللي منها لله واخده حقي كله والبيت زي ما انتي شايفه ما فيهوش الا اوضتين اوضه ليا واوضه ليكوا هقعد الفراخ فين 
سعاد _ وهو انت موافق على الكلام ده يا سعيد هبات انا والفراخ في اوضه واحده يوم فرحي 
سعيد _ من على طول ببات معاهم مش حاسس بمشكله يعني عدي الليله بقى يا سعاد
المهم اننا نكون معاه بعض وبعدها دخلت لقيت الاكل عيش وجبنه 
الحما _ معلش يا حبيبتي انا عارفه ان الاكل بسيط بس نعمل ايه لامك بقى انتي عارفه ان العشا بيكون على ام العروسه بس انتي عارفه امك بخيله
سعاد _امي عمرها ما تكون البخيله  يا خالتي ولولا  الطريقه اللي انا اتجوزت بيها كانت جابتلي احسن عفش واحسن اكل
الخاله _ ما انا عارفه حبيبتي يلا الف مبروك يا حبايب قلبي لما اخرج انا بقى لو عوزت حاجه ابقى كلمني يا سعيد وبعد ساعه خرج سعيد من الأوضه ودخل اوضه أمه 
سعيد _ ينفع الاكل اللي انت جايباه ده يا امي ما انت عارفه ان انا هكون معاها ما كنت عملتي  فرخه وانا عملت حاجه
الخاله _ اصبر يا واد وبعدها شالت الملايه من على الصينيه ده انا عامله ليك احلى اكل يا حبيبي خد واتغذى المهم اي  
سعيد _ كل اللي انتي عايزاه حصل لو عايزه تقومي لها بقى قومي واعملي اللي انتي عايزاه خليني اكل بقى
الخاله _ لا مش النهارده حرام الجو قليل والناس تقول علينا ايه خليها بكره 
سعيد _ اضربي على الحديد وهو سخن يا امي
الخاله _ كل حاجه بوقتها وانا عارفه ان البيت هيكون لنا يا حبيبي اصبر بس وتاني يوم صحيت 
لقيت حماتي قاعده في الأوضه قولت 
سعاد _ صباح الخير يا حماتي ايه مالك قاعده كده ليه وفين سعيد امال 
الخاله _ سعيد يا حبيبتي راح على الارض نعمل ايه بقى هيصرف علينا ازاي بس الولد من ساعه ما دخلي الصبح وهو عمال يقول لي انا عايزه اطلقها يا امي مش مرتاح معاها 
سعاد _ يطلقني يوم صباحياتي طيب ليه انا والله ما عملتله حاجه وبعدها حصل 
وفي الوقت ده انا قومت من علي السرير وقولت 
سعاد _ معقول يا خالتي عايزني امشي من بيتكم  يوم صباحيتي كيف يعني عايزه الناس تاكل وشنا 
الحما _ لو مش عجبك الكلام ده  يا بنت اختي 
خلاص خلي امك تتنازل ليا عن الميراث كله ليا
سعاد _الكلام ده  انا اسمعه من سعيد هو لا يمكن يوافق على الكلام اللي انتي بتقوليه ده خالص يا خالتي
ودخل سعيد وقال 
سعيد _ كلام امي هيتنفذ عايزه تقعدي في البيت هنا امك تتنازلنا عن البيت كله مش هي كده كده بتقول هيكون البيت بتاعك تعتبر نفسها اديتو ليكي 
سعاد _معقول انت تعمل فيا كده بعد ما سبت امي وجيتلك هنا البيت
الحما _ مش عايزه كلام كثير اخرجي يلا وقولي لامك على الموضوع ده وافقت تعالي  ما وافقتش خليكي عندها. وبعدها خرجت وكانت
البلد كلها عامله تبص عليا ومستغربه 
وروحت بيت امي 
الام _ خالتك مشاتك بالبيت دلوقتي مش كده شفت اللي قولتلك عليه اهو حصل 
سعاد _ ارجوكي يا ماما اديها البيت بتاع ستي دي  عايزه تخلي سعيد يطلقني اسمنا كده هيكون على كل لسان 
الام _وانا مالي انا مش هعمل كده انتي  اللي عملتي في نفسي كده امشي اخرجي بره بيت ومش عايزه اشوف وشك ثاني
سعاد _ ارجوكي ماما تقفي جنبي انا مش عارفه اتصرف ازاي دلوقتي هي مش راضيه تخليني ادخل البيت 
الام _ عمري ما ضرتك بالكلام فاكره يوم قولتلك  بلاش تتجوزي ابن خالتك ده متجوزك بس علشان طمعان فيك وانتي ما سمعتيش الكلام 
سعاد _ طيب انا هتصرف ازاي دلوقتي يا امي بس 
الام _ كل واحد يتحمل ثمن غلطته امشي اخرجي بره ومش عايزه اشوفك عندي في بيتي ثاني وفعلا بعدها خرجت من البيت بس مروحتش بيت سعيد فضلت ماشيه لحد ما 
اغم عليا وجه واحد بعربته ونزل شالني ووداني 
الفيلا بتاعته وفي فيلته فوقت. وقولت 
سعاد _ ايه ده انا فين وانت مين وانا ايه اللي جابني المكان ده 
حسين _ اهدي بس انا كنت جاي الفيلا هنا لقيتك واقعه في الشارع ما عرفتش اتصرف ولا اعمل اي حاجه شلتك وجبتك على هنا 
سعاد _ انا لازم امشي دلوقتي مش هينفع اكون موجوده هنا 
حسين _ اهدي بس لحد ما تفوقي وبعد كده قومي امشي بس هو انتي مين 
سعاد _ انت اللي مين انا اول مره اشوفك في البلد عندنا هنا 
حسين _ انا حسين ابن الحاج سليمان القاضي صاحب الفيلا دي وجيت هنا علشان خلاص قررت 
ثواني هو انت سعاد بنت الحاج سليمان امام الجامع مش كده