رواية رقه و شده ل زينب سمير
بسرعة مكنش أتفاقنا إنك تقطعي بينا كل الوصل كدا أنا مستحمل فكرة إننا مطلقين لأننا لسة مع بعض في نفس البلد كل أسبوع بأجي بحجة أخد إياد علشان أشوفك أي لحظة ممكن الباب المقفول يبقى موارب بينا لكن لو مشيتي كل أمنياتي دي هتتحول لكابوس
متسافريش لدبي يارقة أرجوك
هزت كتفها بجهل بقلة حيلة
مبقاش عندها حيل حتى تقول لا قدام أهلها مرة تانية
ظهر الندم في عيونه
كان عارف أزاي في لحظة نسي هي ضحت بقد أية علشانه
مسك إيدها بسرعة وبلهفة أديني فرصة تانية وأنا أوعدك المرة دي مش هخليكي ټندمي أرجعيلي يارقة
بعد يومين دخل عمار عليه و زي ما طلبت مني عرفتلك عيلة الجمال هيتجموا فين إنهاردة مطعم الساعة تسعة المطعم محجوز كله كالعادة بس أنا أتصرفت
شكره وهو بيبص لاسم المطعم بشرود يمكن دي تكون أول فرصة يقرب فيها من رقة تاني
الساعة تسعة في مطعم فخم دخلت رقة ومعاها إياد إتقدمت من تربيزة قاعد فيها راجل وست في منتهى الشياكة باين عليهم نوع من القوة والقسۏة وشاب وبنت أصغر شبههم شوية والبنت قاعد جنبها راجل ومعاهم طفلة أخدت نفس عميق قبل ما تحس باللي وقف جنبها بصت جنبها قبل ما توسع عيونها بتعجب
أخد منها إياد يشيله و جاي أسلم على حمايا وحماتي
بصتله برفعة حاجب وقبل ما تعترض قال أية متنسيش إن العدة لسة مخلصتش وأنت يعتبر لسة مراتي
وأنت من أمتى بتحب حماتك وحماك!
حط إيده على وسطها يحركها لقدام و من دلوقتي أسكتي بقى وأمشي
قربوا يسلموا عليهم بعد كدا كلهم قعدوا سوا بص أبوها ليها ولصهيب و أخر الأخبار عندي إنك متطلقين أية اللي جايبك هنا
رقة مش هترجعلك الجوازة دي من أولها غلط في غلط بس هي عندية وركبت دماغها كعادتها وأدي النتيجة.. لو بس تسمعي كلامنا مرة واحدة
وشغلك بخصوص الشراكة اللي بينا وبين الشاذلي لسة مش عارفة تتكلمي معاهم
زعق فيها مش عايز أعذار
حس صهيب برعشة جسمها فمد إيده يمسك إيدها يربت عليها وإيده التانية ضمھا بغل
ورق الشراكة دا يتمضي عليه يا أما.
تدخل صهيب بسخرية يا أما أية هتهددها بأنك هتعزلها من مكانها وهتخلي مين مكانها حضرتك ولا حضرته
بص لأخوها..
و لا مين بالظبط
بص لكل اللي في الترابيزة قبل ما يكمل بنبرة أقوى كلكم عارفين قبل رقة.. أن شركات الجمال رقة وبس اللي موقفاها على رجليها وفي فرق كبير بين شركات هنا اللي بتديرها وشركاتك اللي في دبي علشان كدا عايز تاخدها عندك علشان توقفلك شغلك على رجله بعد ما ابنك وجوز بنتك خربولك الدنيا
ولكن حضرتك بدل ما تطلب دا منها بأدب.. جاي كمان
تهدد فيها وتزعقلها الشاذلي دي شركة مكانتش تتجرأ تقول لرقة لا بس بسبب أفعالك معاها في أخر مشروع هي رافضة إنها تكرر الشراكة تاني
الغلطة غلطتك وأنت اللي مطالب بحلها
مش رقة نهائي..
بصتله رقة
