وجه اخر بقلم مني

بسرعه وجبت حاجاتي و حاجات سليم كلها و خليت مرات البواب تساعدني عشان الوقت ونزلت رجعت ع بيت ماما وبعد يومين جالي محضر ومعاة ورقة طلاقي معرفش ازاي كنت جامدة مفيش اي تعابير بانت عليا وقتها لدرجة أن ماما خاڤت عليا و في نفس اليوم بالليل والد خالد اتصل ب ماما و قالها أن المؤخر بتاعي اتحط في حسابي اللي ف البنك و أن في شهريه هتوصل ل سليم عشان مصاريفة و أن ياريت أن اوافق اخد تمن عفش ال جبتة فلوس عشان خالد محتاج الشقة ومجبش سيرة ازاي هيشوف ابنة أو امتي اتكلمو ف الماديات وبس ... وافقت لان مكنتش عايزة اي حاجة تفكرني بيه و بردو مخدتش اي رد فعل
قاطعتها مني .. ليه كتمتي حزنك جواكي كل دا ليه 
ميرنا بۏجع ... عشان مكنش ينفع أضعف مكنش ينفع اكتئب وازعل علي حب عمري مكنش في وقت لكل

دا الدكتور كان قايلي أن لحد سن
اربع سنين هما الفيصل في علاج سليم و هيحددو حاجات كتير ومحتاجين شغل كتير و تركيز مكنش ينفع أضعف وازعل وانا ابني محتاجلي لو الدنيا كله اتخلت عنة انا لا انا جيشه و قوتة و سندة كتمت جوايا عشان اكمل معاه حاولت اكون قوية ع قد ما اقدر عشانة
مني ... وبعدين كملي
ميرنا ... عدت سنة كمان وسليم بقا تلت سنين ومشفش في خلال السنة دي أبوة و أهله غير مرتين في النادي مفيش غير هند اللي بتحاول تشوفو كتير و بتطمن عليه ديما وعرفت من ناس مشتركة بيني وبين خالد أنه اتجوز اخت واحد صحبة في الغردقة و عايش هناك و بينزل اجازات في شقتنا هو و مراتة و وقت ما عرفت كانت مراتة حامل كمان و للصدف ال معرفش حلوة أو لا نفس اليوم اللي عرفت فيه كان معادي عند دكتور سليم ف كشف مهم هيتحدد عليه حاجات كتير الحزن والتوتر اللي كنت فيهم كانو مخليني مش قادرة اسوق حتي وصلت و دخلنا
دكتور ياسر ... اهلا بالبطل بتاعنا عامل ايه 
سليم ..
ميرنا .. هو بدء يقول حاجات بسيطة اوي 
ياسر ... تمام والحضانة و جلسات أخبارهم ايه
ميرنا ... كويس بياخد منستوري كتير و لزمة بتاعت أيدية قلت اوي وبدء يلعب ب لعبه كويس من غير ما يحدفها أو يقلبها 
ياسر .. تمام جدا وبص ل سليم سليم 
سليم بصله وضحك 
ياسر ... يلا نلعب سوا تعالي
_ خدة و فضل يلعب معاه ويشوف وصل لحد فين و انتباه و حركتة عاملين ايه و الاهم الرفرفه انتهت فعلا ولا لا وبعد نص ساعه رجع تاني قعد ع المكتب وبدء يتكلم 
ياسر ... مالك متوترة اوي كدة ليه 
ميرنا ... لا ابدا بس انتم اتاخرتم وانا عايزة اطمن عليه
ياسر ببتسامة ... لا اطمني الحمدلله سليم كانت درجة التوحد ال عندة ٣ من ٩ عشان كدة قلنا طيف توحد و اللي شايفة قدامي ان الحمد لله مفيش طيف حتي سليم بيستجيب ليا و منتبه معايا و بيسمحلي المسه حركة عينيه بقت طبيعي و رفرفة كمان مفيش الحمد لله كدة احنا هنعالج تشييت الانتباه و فرط الحركة 
ميرنا بدموع ... بجد يا دكتور 
ياسر ... بجد جدا انتي ام قوية و ابنك ديما هيكون فخور بيكي هنكمل السنة دي كمان شغل جامد وان شاء الله ع اربع سنين نشوف الدنيا فيها ايه وخلي عندك تفائل ديما وقولي يارب اشوفة احسن طفل في الدنيا كلها تمام 
ميرنا ... تمام شكرا شكرا جدا ل حضرتك
_ عدت سنة تاني مكنش فيها اي جديد غير اني اكتشفت أن الحضانة كانو كل شوية يزودو عليا مصاريف وفي الاخر ابني كان بيروح يلعب في الجردن وبس وبطلو يشتغلو معاه و كبرو دماغهم منة عملت معاهم مشكلة كبيرة و سبت الحضانة و دورت المرة دي كتيييير اوي واتعاملت معامله وحشه جدا في معظمهم لحد ما لاقيت حضانة كويسة جدا بس كانت بعيد شوية قدمتلة فيها و اتحسن اوي اوي من وقت ما ډخلها و اهتميت بشغلي اكتر انا بترجم حاجات ل مكتب ترجمة بس من البيت حياتي كانت كلها سليم و ماما وشغلي وبس حتي مكنش عندي أصحاب ولا معارف بس كنت راضيه و مبسوطة و مكمله خالد جاب تؤام ولد و بنت و أهله كانو طايرين بيهم جدا و سليم اتنسي تماما من ناحيتهم ومازلت هند بس اللي ع تواصل معاه عشان تطمن عليه السنة دي ع اد ما كانت صعبه جدا علي اد ما حصل فيها اللي نساني اااااي ۏجع وحزن و خذلان كل دا راح لما في يوم لاقيت سليم بيصحيني الصبح و بيمسعني الكلمة اللي اتمنيت ايام و شهور اسمعها منه ماما
الفصل الحادي عشر
الحكايه الثانيه
لوحدي أقوي
عدت سنة تاني مكنش فيها اي جديد غير اني اكتشفت أن الحضانة كانو كل شوية يزودو عليا مصاريف وفي الاخر ابني كان بيروح يلعب في الجردن وبس وبطلو يشتغلو معاه و كبرو دماغهم منة عملت معاهم مشكلة كبيرة و سبت الحضانة و دورت المرة دي كتيييير اوي واتعاملت معامله وحشه جدا
في معظمهم لحد ما لاقيت حضانة كويسة جدا بس كانت بعيد شوية قدمتلة فيها و اتحسن اوي اوي من وقت ما ډخلها و اهتميت بشغلي اكتر انا بترجم حاجات ل مكتب ترجمة بس من البيت حياتي كانت كلها سليم و ماما وشغلي وبس حتي مكنش عندي أصحاب ولا معارف بس كنت راضيه و مبسوطة و مكمله خالد جاب تؤام ولد و بنت و أهله كانو طايرين بيهم جدا و سليم اتنسي تماما من ناحيتهم ومازلت هند بس اللي ع تواصل معاه عشان تطمن عليه السنة دي ع اد ما كانت صعبه جدا علي اد

ما حصل فيها اللي نساني اااااي ۏجع وحزن و خذلان كل دا راح لما في يوم لاقيت سليم بيصحيني الصبح و بيمسعني الكلمة اللي اتمنيت ايام و شهور اسمعها منه ماما 
_ مش قادرة اوصفلكم حسيت بايه وانا سمعاها منو حاولت اخليه يكررها ضحكلي بشقاوة وطلع يجري علي برة وانا وراة بضحك و بعيط في نفس الوقت ماما وقفتني
حنان .. مالك يا بنتي ع الصبح اتهبلتي ولا اية
ميرنا بدموع وابتسامة ... سليم قالي ماما قالهلي و سمعتها يا امي قالي ماما والله قالها
_ ماما متكلمتش حضتني وفضلت ټعيط هي كمان كانت اجمل لحظات حياتي الدكتور لما حكتلة قالي أنها بداية مبشرة وثمرة جهد وتعب وان ربنا حب يفرح قلبي ف سمعتها منة و مع بداية السنة الرابعة كان لازم ندخل نشاط رياضي مع جلسات و حضانة والعلاج الدكتور وقتها نصحني ابعد عن أي رياضة فيها عڼف رشحلي جمباز و السباحة اخترت الاتنين وقلت هشوف هو حابب انهي و هخليه يكمل فيها دورت ع مكان كويس ويكون الكابتن ال فيه له تعامل مع حالات زي سليم عشان اكون مطمنة و كالعادة ناس كتير عاملوني بقلة زوق وچرحوني ب كلامهم لحد ما لاقيت نادي كويس يدرب فيه الاتنين و اكون مطمنة عليه طبعا موضوع مشاوير التمارين دا ذاد ع مشاوير الجلسات و الحضانة وبدأت أسهر كل يوم بعد ما ينام اضغط نفسي ف الشغل وبالنهار يعتبر كله له و بدءنا التمارين كان أول يوم لسليم سباحة الاول وبعدين الجمباز دخلت و سالت قالولي ال مسؤل عن فريق سليم اسمو كابتن حمزة عرفت مكانة و رحتلة
ميرنا ... مساء الخير
حمزة ... مساء النور تحت امر حضرتك 
ميرنا ... الامر لله انهاردة اول يوم ل سليم مع حضرتك بس س
قاطعني حمزة وهو عينة ع سليم .. سليم البطل عامل ايه 
ومد ايدية يسلم علي سليم و سليم سلم عليه 
حمزة .. جامد يا بطل يلا روح عند كابتن نهي اللي هناك دي واستناني 
سليم فضل واقف جيت اتكلم بصلي برقلي كدة خفت و سكت ورجع كلم سليم 
حمزة و هو بيوجهه ناحيه نهي ... اللي هناك دي كابتن نهي يلا روح عندها استناني بطل سليم شاطر 
وفعلا سليم اتحرك و كابتن نهي خدتة و وقف مع باقي زمايلة 
ميرنا بضيق ... حضرتك بتبرقلي كدة ليه وكمان مدتنيش فرصه اتكلم عشان افهمك حالتة 
حمزة ببتسامة ... اولا انا اسف بس مينفعش تكلميني قدامة و تشرحي حالتة لازم يتعامل أنه طبيعي زيه زي طفل هو هيكون فاهم ولو بنسبة بسيطة كلامك ودا غلط ف انا حبيت يكون بعيد بس ثم انا عندي فكرة عن حالتة قريت الاستمارة بتاعتة و فاهم كويس انا بعمل ايه اسف مرة تانيه لو ضايقتك 
ميرنا ... لا حصل خير هو بصراحة انت مضايقتنيش انت خوفتني بس 
حمزة ... بقا في كابتن رقيق زي كدة پخوف بزمتك 
ميرنا ... نعم 
حمزة .. احم عن ازنك ورايا تمرينات و اطفال مستنياني
_ ضحكت علي طريقتة و فضلت اشجع سليم اللي كان مبسوط جدا و اندمج بسهولة مع باقي الاطفال واللي حد كبير كان بيفهم اللي حمزة بيقولوا و بينفذة كنت مبسوطة اد ايه احساس السعادة اللي بعد التعب والصبر بيكون حلو اوي وانا في التمرين تلفوني رن برقم هند و دريت
ميرنا ... الو 
هند ... ميمو ازيك عاملين اية 
ميرنا ... تمام انتي عامله ايه 
هند ... بخير الحمد لله اومال فين سولي
وحشني اوي 
ميرنا ... لا سولي مش فضيلك خلاص بقا ديما مشغول 
هند ... يا سلام مشغول ف ايه بقا انهاردة مش يوم جلسات انا عارفه مواعيد جلساتة 
ميرنا ... احنا في النادي عندة تمرين سباحة و بعدة ب نص ساعه تمرين جمباز 
هند بفرحة ... بسم الله ماشاء الله حبيب عمتو ربنا يحقظة 
ميرنا ... اللهم امين يارب
هند بتردد ... يعني انتم في انهي نادي 
ميرنا ... اشمعني 
هند .. يعني لو ا قدامكم شوية كنت يعني 
ميرنا ... عايزة تشوفية 
هند بسرعه ... اه وحشني اوي يا ميرنا و مكسوفة اقولك اجيلو
ميرنا ... هبعتلك لوكيشن بمكانا ياعبيطة انتي بس متتاخريش عشان ع مايخلص هيكون عايز ينام
هند ... فريرة وهكون قدامك يلا باي
ميرنا .. باي
_ وفعلا في وقت قليل كانت وصلت وكان باين اوي أنها مشتاقة ل سليم وكانت مبسوطة وهي شيفاة مختلف تماما عن ماكان أهلها مصورين ليها و لنفسهم هو كمان اتجاوب معاها كان مبسووووط اوي وتاني يوم لاقتها بتكلمني تاني 
ميرنا ... اية دا خير يومين ورا بعض 
هند بتوتر .. ازيك يا ميمو 
ميرنا .. مالك يا هند في اية 
هند