حب واڼتقام

الجزء الأول 
هو انت ممكن متمشيش 
بصلها بسخرية وقال ههه مامشيش انا فارس ابو الحسن امشى بمزاجى او اقعد بمزاجى واحدة زيك متقوليش امشى او اقعد وبعدين انا خلاص كده وقتى خلص معاكى باااى ياانسة تقى  
تقى وقتى وخلص! لا انت فاهمنى غلط خالص انا قولتلك متمشيش مش علشان انت فارس ابو الحسن اللى ابوه اكبر رجال اعمال البلد والملياردير لا بالعكس انا بقول للشخص اللى حبيته للي كان مفهمنى انه شاب بسيط من توبى قولتله ميمشيش مش بقول للشخص اللى واقف قدامى دا الشخص دا انا معرفهوش
فارس بسخرية هه لا ياقطة متعمليش فيها الشيخة اللى مافيش زيها انا عملت دا كله علشان سبب وانتى عرفتيه فبلاش تقولي انك مش زيهم وانك المختلفة عنهم لانكم زى بعض انتوا بالنسبالى تسالى بسلى وقتى مش اكتر 

تقى لفت وشها وقالتله مش كل النااس زى بعضها ومش كل النااس قلبها مليان سواد زيك ومش كل النااس لعبة وقلوب النااس مش للعب والتسالى وافتكر انه كما تدين تدان ولو بعد حين ومشيت
فارس بصوت عاااالى انا بدين بس ههههه وركبت عربيته ومشى 
تانى يوم فى مكان شغل تقى 
موظف الاستقبال انسة تقى المدير منتظرك فى مكتبة 
تقى فى حاجة يعني! 
موظف الاستقبال معرفش ياانسة تقى بس شكله كان متعصب اوى وعينه بطق شرار 
تقى بتوتر طيب طيب انا هروح حالا 
خبطت على الباب 
المدير ادخل 
تقى دخلت وقالت افندم حضرتك عاوزنى  
المدير انتى مطرودة يا انسة تقى  
تقى پصدمة طيب انا عملت اى علشان انطردت حضرتك 
المدير خلص الكلام يا انسة عدى على الحسابات وخدى حسابك وتوكلى على الله ماعنديش وقت  
تقى خرجت ولمېت حاجاتها ودموعها على خدها وخارجة من الشركة فى صوت بينادى تقى تقى 
بصت تقى وقالت ساارة 
سارة فى اى يابنتى المدير كان عاوز اى وانتى واخده حاجاتك وراحه فين 
تقى رمت الحاجات اللى كانت ماسكها وحضنت سارة واقعد ټعيط على كتفها 
سارة اهدى بس فى اى تعالالى اقعدى هنا اهدى كدة وصلى على النبى وقوليلى فى اى  
تقى بنهنه عياط المدير طردنى من الشركة 
سارة يالهوووى طردك ليه اى السبب 
تقى مش عارفه انا ماعملتش حاجه انتى عارفة انى فى حالى دلوقتي مش هعرف الاقى شغل بالسرعة دى وانتى عارفه ان ماما فى المستشفى بتتعالج وانا وحيدتها وماعندناش حد غير ربنا وبابا واحشنى اوى لو كان هنا ماكنش دا كله حصل فينا هعمل اى دلوقتي ياسارة 
سارة الله يرحمه ياتقى اهدى بس كده وروحى وهدى اعصابك وانا هعدى عليكى بالليل وهخش دلوقتي واعرف المدير طردك ليه واحاول اخليه يرجعك تانى  
تقى مشيت 
بليل 
رن تلفون تقى 
تقى الو 
سارة الو ياتقى انا عرفت ليه المدير طردك 
سارة الو ايوه ياتقى انا عرفت المدير طردك ليه 
تقى بلهفة ليه ! 
سارة بصي ياستى المدير مش هو اللى طردك دا صاحب الشركة هو بنفسه هو اللى امر بطردك من الشغل 
تقى وصاحب الشركة يعرفنى منين وانا عملتله اى  
سارة ماهو انا برضو استغربت بس اكتشفت ان النهارده شركتنا اتباعت لواحد اسمه ابو الحسن بس محدش عارف هو طردك ليه وليه انتى بذات ! 
تقى ابو الحسن اااه دلوقتي انا عرفت ليه انا انطردت 
سارة ليه انتى تعرفيه! 
تقى لا معرفهوش انا اعرف ابنه واكيد هو السبب فى دا 
سارة ابنه فارس يابنت الايه دا الواد اللى بنات البلد كلها بتلف وراه عرفتيه منين! 
تقى دى قصة طويلة اووى 
سارة احكيلى ياستى هو انتى هتخسرى حاجة 
تقى على رايك بصى يا ستى زى ما انتى عارفة انا خريجة كلية علوم وكنت دايما الاولى على دفعتى دايما علشان اعرف اخد المنحة اللى بتساعدنى فى المصاريف وصاحب الكلية دى هو ابو الحسن راجل الاعمال المشهور من سنة فاتت بالظبط انا كنت في الكلية فى اخر سنة ليا فى الجامعة كنت دايما بسمع البنات بيتكلموا على فارس ابو الحسن وقد اى هو راجل وسيم وحلو وغنى وبيتكلموا على عربياته وانه قد اي البنات بتجرى وراه بس انا ماكنتش مهتمة بالحوار دا كله وكنت دايما اقول لنفسى اد اى البنات دى تافهه وبتحب المظاهر وبس بس ماكنتش اعرف ان فى يوم الاحتفال غير حياتى كلها 
فى يوم احتفال الكلية 
دخلت تقى المكتبة وكان معها زميلتها مى 
مى يلاه ياتقى نخرج نشوف فارس دا شكله
اى انا ھموت واعرف هو مين 
تقى انتى عارفه انى ماليش فى الاجواء دى ولا بحبها ولا مهتمه مين هو 
مى حقك ياستى واحدة في جمالك وعيونك الزرقا دى الشباب فى الكلية ھتموت عليكى وانتى مش معبراهم 
تقى يا مى انا جاية الكلية علشان ادرس واتخرج علشان اشتغل واساعد امى وبس اما الكلام دا ماليش فيه وبعدين بكره هفكر ان اى واحدة متربطة بواحد هيسبها او لما نتخرج والجمال ياستى جمال الروح 
مى طيب يا حضرتك الدحيحة انا هخرج اشوفه يالاه انا ماشية مغيرتيش رايك برضو وتيجى معايا  
تقى لا يامى انا مغيرتش رايى 
مى يووووه كئيبة من يومك 
مى مشيت وتقى فضلت فى المكتبة بتذاكر وفجاة سمعت صوت بيقولها 
يااا انسة 
تقى افندم مين 
هو انا فارس محمد 
تقى افندم حضرتك عاوز حاجه! 
فارس لا ابدا بس انتى مش بره مع البنات فى الحفلة ليه! 
تقى دى حرية شخصية والله وانا مرتاحة هنا وكل واحد حر يقعد مكان ما يحب  
فارس ليه كدة بس يا انسة زعلانة كدة ليه دا بنات ھتموت بره مستنين فارس ابو الحسن 
تقى بسخرية هههه 
فارس مش عاجبك كلامى ولا ايه يا انسة 
تقى حضرتك انا مش فاضيه للكلام دا 
فارس كلام فاضى يعني الاحتفال دا كلام فاضى بالنسبة ليكى 
تقى ايوه كلام فاضى ومين فارس ابو الحسن اللى عامل نفسه ملك وانا متضطرة انى اقعد فى الاحتفال علشان اشوفه هو بشړ زينا دا كله كلام فاضى حضرتك لو كنت خلصت كلامك تقدر تكمل طريقك لانى مش فاضية  
فارس ههههههه اهدى بس كده وبعدين ايه العيون الجميلة دى بسم الله ماشاء الله 
تقى لا انت شكلك فاضى بجد سلام 
قامت تقى وخدت كتابها ومشيت 
تانى يوم فى الكلية 
مى تقى يابنتى فاتك نص عمرك 
تقى مش عاوزة اعرف اي اللى فاتنى 
مى يابنتى ياخربيت كده 
تقى خلاص الدكتور جه ركزى 
مى ماشي 
بعد المحاضرة 
مى امبارح فارس ابو المجد جه وعارفة البنت لين عارضة الدفعة دى اغمى عليها علشان فارس ابو الحسن سلم عليها هههه 
تقى خلاص وانبى يامى انا عاوزة اروح المكتبة اذاكر انا مش فاضيه للكلام الفاضى دا 
فارس هو انتى ليه ياانسة دايما متعصبة ليه 
تقى بصيت وراها انت 
مى مين دا 
فارس انا فارس محمد 
مى اهلا وسهلا 
تقى خدت بعضها ومشيت 
فارس لمى هى ليه زعلانة كدة 
مى لا هى مش زعلانه هى كدة دايما هى مش بتحب تضحك ودايما متعصبة حياتها مذاكرة مذاكرة 
فارس ههه بس عسل 
مى لا هى ملهاش فى الكلام دا 
فارس ليه 
مى هى ليها افكار مختلفة ومعقدة مع نفسها محدش فى الشباب اللى شايفها دى كلها عرف يكلمها اصلا 
فارس ليه بتعض يعنى 
مى ههه لا ياخفيف بس بطنش اى حد بيكلامها  
فارس طيب 
تقى فى المكتبة بتذاكر 
فارس ياانسة ممكن اعرف ليه متعصبة كدة اهدى بس كده 
تقى استغفر الله العظيم يارب انت عاوز اى دلوقتي يعني جيت ورايا ليه 
فارس لا انتى فاهمه غلط خالص انا مش بعاكس ولا عاوزة اتكلم معاكي انا جاى اذاكر زيى زيك 
تقى واضح اتفضل حضرتك ذاكر 
قامت تقى وخدت ترابيزة تانيه وقعدت تذاكر 
مى جت 
مى تقى هتيجى معنا النهارده عيد ميلاد لين 
تقى انااا مكملتش كلامها وقاطعها فارس هههع بسخرية دى واحده مستحيل تتمنى سنة سعيدة لحد دى واحده منعزلة 
تقى پغضب وانتى مين وتعرف عنى اى علشان تتكلم عليا كدة 
فارس بسخرية ههه انا مش عاوز اعرفك اصلا كفايه وشك اللى مكشر 24ساعة 
مى خلاص ياجماعة 
تقى يالاه يامى نمشى 
فارس اهربى اهربى 
تقى انا مش بهرب ولا عمرى بهرب من حاجه 
فارس بسخرية امال ليه بتهربى من حياتك وبتستخبى فى الكتب والورق دا 
تقى بصوت عالى انا مش بهرب ويامى انا هاجى النهارده عيد الميلاد 
مشيت مى وتقى 
مى بحماس بجد انتى هتيجي ياااه اول مرة هنخرج سوا 
تقى بتفكير انا مش عارفه اى اللى خلانى وافقت او اتعصبت لما قال الكلام دا وليه وقفت على كلامه اصلا هو انا حاصلى اى 
مى بضحك انتى تتحسدى بس الواد فارس دا اول واحد يمسك على عندك ويخليكى تغيرى رايك 
تقى عندك حق 
مى هعدى عليكى بالليل يلا سلام 
تقى روحت وقعدت تفكر هو فى اى ومين دا واى اللى حاصلى 
ماما تقى فى اى ياتقى 
تقى مش عارفه ياماما وحكيت ليها اللى حصل 
ماما تقى بضحك هو بيحاول يخليكى تغيرى نفسك بنفسك 
تقى پغضب ياماما
انتى كمان بتضحكى 
ماما تقى اهدى بس ياحبيبتي يمكن يكون دا الشخص اللي هيرجع الضحكة لوشك المثل بيقول مامحبة الا بعد عداوة 
تقى ماما 
ماما تقى خلاص يا حبيبتى يالاه اجهزى علشان تروحي عيد الميلاد 
بالليل عديت مى على تقى 
مى اى الحلاوة دى اول مرة اشوفك لابسه فستان 
ماما تقى هى لابساه بالعافية يابنتى والله دا انا مشترياه ليها من سنة وماكنتش راضية تلبسه 
مى بضحك الحمدلله انها وافقت ياطنط 
تقى هه لو خلصتى زرافة يلا نمشى علشان نرجع بدرى 
مى بضحك باى ياطنط
وصلوا عيد ميلاد لين 
تقى عيد ميلاد سعيد يالين وعبقال مليون سنوات سعادة
لين اى دا تقى مش مصدقة والله
مى ولا حد مصدق 
تقى انا غلطانة انى جيت 
صوت من وراه عندك حق حتى المكان بقى كئيب لما جيتى 
بصيت تقى وراها لاقيته فارس 
تقى پغضب انت عاوز منى ايه بالظبط! 
فارس ولا حاجه بس اى الفستان الجميل دا يامى 
مى بضحك سلامة نظرك يا فارس انا مش لابسه فستان 
لين ياهبلة دا بيلمح لحد كده 
تقى يوووووه بقا انا هخرج البلكونة اشم شويه هوا 
دخلت البلكونة تشم شويه هوا دخل وراها فارس 
تقى يوووه 
فارس استنى متخرجيش هو انا فعلا بضايقك 
تقى انت شايف اى يعني 
فارس انا اسف مش قصدي اضايقك بس انتى ليه دايما منعزلة عن الناس كده 
تقى انا مش منعزلة انا بس بحط حدود بينى وبين النااس علشان لما حد يتخلى عنى مينجرحش قلبى 
فارس هو فى حد چرحك قبل كده 
تقى بعيون كلها دموع بابا 
فارس بابا! 
تقى انا حبيت بابا كتير وفى يوم صحيت مالقتهوش لاقيته طلع عند ربنا ومقاليش انه فى يوم من الايام هيسبنى ويمشى ماكنتش قادرة اعيش من غيره كنت بنايه حياتى عليه وفجاة حياتى وقفت ومعرفتش اكمل من غيره لانه كان هو اللى بيعملى كل حاجه وساعتها عرفت ان لازم اى حد يدخل حياتى يكون ليه حدود ومعتمدتش عليه علشان لو سبنى ومشى اعرف اكمل بعديه 
فاارس الله يرحمه بس دا غلط 
قاطعت مى كلام فارس 
مى تقى تلفونك بيرن من بدرى