وجه اخر بقلم مني

و اتخطي الشعور دا بجد مش كلام قدام الناس وبس
مني ... طيب احكي 
ميرنا ... انا بقا عكس سمية هحكيلك من الاول خالص من وقت ما كانت حياتي مثالية زوج بيحبني و بحبه و طفل جميل بيت هادي و مستقر علاقتي بأهله كانت كويسه جدا و علاقتة هو كمان بوالدتي كانت كويسه جدا كل حاجة كانت مظبوطة لحد سليم ابني ما كمل سنة وبالتحديد كان يوم عيد ميلادة 
فلاش باك...
رقية ... كل وانت طيب يا سولي يا قلب تيتا انت 
ميرنا بحب .. وحضرتك طيبة يا طنط
هند ... اومال خالد فين يا ميرنا من وقت ما وصلنا مش شايفينة
ميرنا ... بيجيب ياسين صحبة هو ومراتة اول مرة يجولنا وتقريبا دخلو من داخله غلط فنزل يشوفهم وجاي ع طول يا هنودة 
محي ... هاتي حبيب جدو دا وحشني اوي ولا يا سولي وحشتني اوي اوي قول يلا جدو جدووو 
رقيه بضيق .. هو لسه متكلمش اي كلمة بردو 
ميرنا ... لا لسه يا طنط 
حنان والدة ميرنا ... يختي بكرة يتكلم لحد ما تزهقو من رغيه وتصدعو كمان 
رقيه ... امتي بس اتاخر اوي
قطع كلامهم دخول خالد ومعاه صحبه و مراتة و ولادهم
خالد ... السلام عليكم جميعا 
ردو علية السلام .. وميرنا قربت منة
ميرنا ... اتاخرت كدة لية ياحبيبي
خالد ... ياسين دخل من دخلة بعيدة اوي يادوب ع ماعرفت اوصلو ونرجع 
ميرنا ... طيب يلا نلحق نطفي الشمع عشان الناس استنت كتير كدة
_طفينا الشمع وسليم كان بيتفرج و مبسوط وبعد شوية الناس بدأت تمشي عدا اهلة و ماماتي
رقيه .. احنا كمان هنمشي بقا
ميرنا .. لسه بدري يا طنط خليكو معانا شوية 
هند .. لا يادوب يا ميمو عندي شغل الصبح 
حنان ... انا كمان يادوب اروح عشان الوقت ميتاخرش عن كدة
خالد ... ماتخليكي انهاردة معانا يا طنط 
حنان ... معلش يا حبيبي سبني ع راحتي ما انت عارف 
خالد ببتسامة... عارف مبتقدريش تنامي وتغمضلك عين الا في بيتك صح 
حنان .. شاطر صح 
رقيه ..طيب تعالي معانا نوصلك في سكتنا
حنان .. هاخد تاكسي 
محي .. ايه الكلام دا بزمتك ينفع يعني
حنان ... مش عايزة اتعبكم معايا
رقيه ... مش هنرد عليكي يلا بينا وفي العربيه هعرفك هتتعبينا ازاي
_ الكل مشي وفضلت انا اروق و أشيل وأحط بس بالي كان مشغول انا كمان بدأت اقلق واحس أن سليم فيه حاجة مش طبيعيه اه كنت كتير بأوح اي حد بس بيني وبين حسه أنه فيه حاجة ... خالد كان بينيم سليم و خرج وفضل متابعني بعينيه و انا بروق وسرحانة وفي دنيا تانيه محستش غير وهو بيشدني يوقفني قدامة
خالد ... ممكن اعرف حبيبي مبوظ ليه في حاجة حصلت حد ضايقك 
ميرنا ... لا مفيش 
خالد ... ميمو قولي ف ايه متقلقنيش
ميرنا ... انا انا عايزة نروح نكشف ع سليم 
خالد بقلق. .. ليه ماله هو تعبان 
ميرنا ... اهدي لا مش تعبان بس بس هو مش طبيعي عدم تفاعله و عدم كلامة وبدء يلعب لوحدة مش مع اطفال و بيعمل حركة غريبة بايدية خلينا نطمن عشان خاطري
خالد ... ميرنا سليم زي الفل وبلاش تخلي اي حد يدخل الكلام دا في دماغك
ميرنا ... سليم فيه حاجة ياخالد خلينا نعرف يمكن نلحقة بدري بلاش نرجع نندم ونقول ياريتنا عشان خاطري 
خالد ... مع اني مش مقتنع بس زي ما تحبي ممكن تفكي التبويظة دي انا جاي إجازة وراجع تاني ارجع وانتي مبوظة كدة
ميرنا كشرت ... هو المشروع إلى انت ماسكة دا هيخلص امتي بقا
خالد ضحك ... ياقلبي دا لسه بادء من

شهر واحد بس مش قبل سنتين او سنة ونص علي ما نخلص ونسلم الشغل كمان 
ميرنا ... هو مفيش مهنديسين ف الشركة دي غيرك يعني يسافر 
خالد ... لا فيه بس ما انا مش هناك لوحدي دا مشروع ضخم جدا و شركتنا كسبت المناقصة دي بعد حرب شرسة مع شركات عملاقه ف لازم نقدم احسن شغل وبعدين ما انا بنزل إجازة اهو انا هاجرت يعني
ميرنا ... هي مرة في الشهر دي إجازة انا مبلحقش اشبع منك بقا
خالد ... حقك عليا يا حبيبي استحملني شوية صدقني المشروع دا هيفرق في شغلي و مكانتي ف الشركة جدا 
ميرنا ... ربنا يوفقك يا حبيبي 
خالد ... طب تعالي بس كدة اشكيلك همومي في اوضتنا برحتنا 
ميرنا ... زوج نكدي 
خالد ... انا ! طب والله لوريكي بت خدي هنا
_ خالد سافر الغردقة شغله هناك وأنا بدأت ادور علي دكتور كويس كنت متوترة و محبتش اعرف اي حد انا بعمل ايه لحد ما لاقيت دكتور الكل بيشكر جدا فيه و أنه شخص محترم و بيراعي ربنا جدا في شغله حجزت عندة و يوم الكشف كنت رايحة وانا خاېفة خاېفة من مجهول مش عارفاه قلبي وجعني اللي كان بيبصلي ببرائة وانا ضميتة و شجعت نفسي و دخلت ... كان مش كبير زي ما توقعت في أوائل الاربعين تقريبا بس كان شخص مريح كشف علي سليم كتير و قعد تقريبا ساعه كاملة بيسألني أسئلة كتير اوي من اول حملي و ولادتي لحد لحظة اللي بكلمة فيها
ياسر ... تمام اخر سؤال معلش تعبتك معايا 
ميرنا ... لا ابدا اتفضل
ياسر ... كشفتي عند حد قبل كدة ولا دي اول مرة 
ميرنا ... لا دي اول مرة 
ياسر ... طيب مبدئيا سليم عندة طيف توحد و تشتييت انتباة و قدام شوية هيبان فرط الحركة
ميرنا ... ا انت متاكد 
ياسر ... ممكن تهدي عشان اكمل كلامي 
ميرنا بصوت مخڼوق ... اتفضل 
ياسر ... حضرتك كشفتي بدري و أن شاء الله الخطة اللي هنحطها علي قد ما هي متعبه علي قد ما هتشوفي بنفسك مع الوقت نتائجها أن شاء الله خير تفائلي وقولي يارب ربنا كبير 
ميرنا بدموع ... يارب يااااارب
ياسر ... ممكن بقا اقولك علي البرنامج اللي هنمشي عليه من دلوقتي 
ميرنا ... اتفضل 
ياسر انا مبدئيا قبل اربع سنين مبحبش ادي أي أدوية تلعب في مراكز المخ هديلو فيتامين تساعد معانا مش اكتر هنشتغل مع أخصائية تخاطب تكون شاطرة وبالها طوييييل و من سن سنتين هندي نقط تهدي الحركة شوية و نشوف حضانة عادية جدا عشان يختلط مع اطفال كتير طبيعيه ... انتي اهم ضلع في مثلث علاجة العلاج كله قائم ع الاختلاط و الأخصائية وقبلهم انتي الام .. واسمحيلي أسألك انتي المهم عندك أنه يكون طفل طبيعي و يدخل مدارس و جامعه ويشتغل وكدة ولا أنه يكون طفل مبسوط و كويس ومرتاح 
ميرنا ... يكون مبسوط وكويس والله ما عايزة غير سعادتة وبس 
ياسر ... يبقي تشتغلي معاه كتير في البيت بلاش بعد ما تخرجي من هنا تهمليه وتقولي ممنوش فايدة لازم يكون عندك عزيمة وإصرار أنة هيكون احسن طفل في الدنيا حاربي معاه صدقيني ربنا مش هيضيع تعبك ابدا و متسمحيش لحد يهد من عزمتك ابدا تمام وحاجة كمان اخر حاجة هتتحسن عند سليم هي النطق مش هيتكلم دلوقتي نصبر عليه هنمنع الشاشات تلفزيون و موبايل نكلمة كتير و نصبر عليه بلاش تحسي باحباط لو كلامة اتاخر 
ميرنا ... حاضر
_ اتكلم معايا كتير بعدها عن تمارين كتير اعملها مع سليم و تعامل الناس ال حواليه يكون ازاي و اد ايه مهم الأخصائية تكون كويسه و بالها طويل بعد تقريبا ساعه ونص عند الدكتور نزلت طلعت علي بيتي علي طول مكنتش قرة اتكلم مع حد دخلت و نيمتة في سريرة و انا ببص لملامحة پخوف خوف من بكرة و اتملك مني احاسيس سلبيه كتير طيب انا هقدر احافظ عليه هقدر احميه من مجمتع اسهل حاجة فيه التنمر هقدر اكمل واعافر معاه للاخر حسيت اني ضعفيه و عاجزة عاجزة اني احقق ابسط شعور اي ام بتحققه لابنها عاجزة اطمنة عشان أنا خاېفة
الفصل السابع 
الحكايه الثانيه
لوحدي أقوي ...
طلعت علي بيتي علي طول مكنتش قادرة اتكلم مع حد دخلت و نيمتة في سريرة و انا ببص لملامحة پخوف خوف من بكرة و اتملك مني احاسيس سلبيه كتير طيب انا هقدر احافظ عليه هقدر احميه من مجمتع اسهل حاجة فيه التنمر هقدر اكمل واعافر معاه للاخر حسيت اني ضعفيه و عاجزة عاجزة اني احقق ابسط شعور اي ام بتحققه لابنها عاجزة اطمنة عشان أنا خاېفة
_ بعد ساعتين كنت عيطت فيهم كتير قررت اني اهدي وكنت محتاجة اوي خالد جمبي في الوقت دا اتصلت بيه في المعاد اللي

بنتكلم فيه كل يوم بعد ما يخلص شغله رد عليا بصوت تعبان
خالد ... الو حبيبي عامله ايه
ميرنا ... مال صوتك الاول انت تعبان 
خالد ... لا لا مش تعبان مجهد شوية بس انتي اللي مال صوتك في ايه 
ميرنا ... مينفعش تنزل إجازة قريب 
خالد ... ميرنا متقلقنيش في ايه قولي ع طول 
ميرنا ... انا رحت ل دكتور زي ما قلتلك 
خالد ... تمام وقالك ايه 
_ قعدت احكيلة كل اللي الدكتور قالو بالتفصيل وهو معلقش خالص وبعد ما خلصت خالص رد عليا
خالد ... ومفروض أننا نسلم بكلام اول دكتور نروحلو مش كدة 
ميرنا ... دا دكتور شاطر جدا صدقني 
خالد ... بصي يا حبيبتي لو عايزاني اقتنع يبقا ع الأقل دا راي اكتر من دكتور مش واحد بس 
ميرنا ... حاضر يا خالد هنأجل المناقشه لحد ما اروح ل اتنين كمان تمام كدة 
خالد ... مع أن عارف أنه تعب ع فاضي والولد زي الفل بس عشان نطمن تمام
_ قفلت معاه وانا مخڼوقة زيادة و دورت تاني ع دكاترة و رحت فعلا في خلال تلت ايام ل اربع دكاترة اللي أكدوا المشكلة اللي عند سليم وفي اتنين منهم طلبو مني اعملو جلسات ع المخ و اديلو مهدئات كمان علي قد ما كنت ما مضايقة ع قد ما اطمنت لاختياري ل دكتور ياسر أنة هو أنسب حد ل سليم و كلمت خالد تاني و المرة دي اټصدم و قفل معايا من غير ما يرد عليا كل اللي قاله اعملي اللي شايفاه صح وبعدها ب كام ساعه لاقيت ماماتة و باباه و اختة عرفو رغم اني مكنتش لسه قررت إذا كنت هعرف حد دلوقتي ولا لا و استقبلت اول مكالمة كانت من ماماتة
رقيه ... صحيح اللي خالد قاله دا يا ميرنا بخصوص سليم 
ميرنا ... اه يا طنط صحيح 
رقيه بضيق ... وانتي بتروحي لوحدك ليه مخدتيش معاكي حد مننا لية 
ميرنا ... محبتش اتعب حد معايا 
رقيه ... تعب ايه وبتاع ايه والدكتور بقا