وجه اخر بقلم مني

الفصل الاول
الحكايه الأولي 
خذلني مرتين ....
هما كمان كانو متوترين اوي التلاتة نظراتهم ل بعض كانت خوف و رهبه و قلق سلمت عليهم و بدأت انا الكلام
_ بصتلهم و هما بهدوء هزو رأسهم ب لا ف كملت انا كلام
مني ... طيب قبل ما كل واحدة تاخد فرصتها و تحكي لازم نتعرف علي بعض الاول بما اني عرفت عن نفسي ف نكمل بيكم 
.... انا ميرنا شاكر ٣٠ سنة بشتغل محاسبة في شركة استيراد وتصدير مطلقة و عندي ابن سليم 
..... انا احم ا اسمي نرمين محمد عندي عندي ٢٨ سنة ابتسمت بسخريه أرملة و عندي ولد و حديثا مطلقة كمان مش بشتغل 

.... انا اسمي سمية ابراهيم عندي ٢٤ سنة و حالتي الاجتماعيه معقدة شوية و يمكن هي سبب وجودي هنا دلوقتي
كلهم بصولها ب فضول
مني ... طيب تحبو مين يبدء 
سمية ... ممكن انا ابدء 
مني ... تمام احكيلنا يا سمية انتي هنا ليه و مين خذلك ل درجة انك مش قادرة تعدي المرحله دي من حياتك وليه حالتك الاجتماعيه هي سبب وجودك هنا 
سمية بدأت تحكي ٠٠٠٠٠
سمية ... احكيلك من الاخر لأن للأسف اللي في الاول انا مش فاكراه 
مني ... احكي 
سمية ... انا فوقت في يوم لاقتني في اوضه غريبه ديكورها كله اسود في اسود دراعي متجبس و دماغي مربوطة كنت حسه ب صداع فظيع حاولت اقوم مقدرتش فجأة الباب اتفتح و دخل راجل وهو مبتسم اوي 
... اخيرا فوقتي حمدالله على السلامه 
سمية ... انا فين اية ال حصل 
... والله معرفش ال حصل بالظبط بس من شكلك لما لاقيتك أنها حاډثة بصراحة خفت اوديكي مستشفي و ادخل في سين و جيم ف جبتك هنا بيتي و طلبتك دكتور قام باللازم كله وطمني عليكي .. بالمناسبة انا دياب عزيز وانتي 
_ مكنتش مرتحالو و حسيت أنة بېكذب بس اول ما سألني علي اسمي اټصدمت 
سمية كشرت ... ا اسمي 
دياب ... اه اسمك انا لما لاقيتك مكنش معاكي اي إثبات شخصية مفيش غير سلسلة دي كانت واقعه جمبك و عليها أسم سمية
_ ومد أيدية و اداني السلسلة حسيت اني عارفاها بس مش فاكرة
دياب ... يا انسه سرحتي في ايه 
سمية ... انا اا انا مش فاكرة اسمي
دياب باستغراب ... مش فاكرة اسمك ازاي 
سمية پبكاء ... معرفش معرفش انا مش فاكرة حاجة مش فاكرة اي حاجة
دياب ... طيب اهدي لو سمحتي انا هتصل بالدكتور واشوف رأيه ايه ثواني و هجيلك تاني
_ وبعد ما جة الدكتور و طلب اني لازم اتنقل مستشفي و اعمل اشعه علي المخ و عملتها و كشف تاني وسألني تاني قال ال كنت خاېفة أنه يطلع صح
دياب ... يعني ايه يا دكتور 
دياب ... والحل ايه مفيش اي علاج مهما كانت المصاريف 
ماهر ... انا هكتبلها علي شوية ادويه تساعد المخ أنه ينشط و مهم أنها متحاولش تضغط علي نفسها انها تفتكر كل ما هتريح ذهنها كل ما هتفتكر أن شاء الله اسرع 
دياب ... شكرا يا دكتور 
ماهر ... العفو عن ازنكم 
سمية بحزن ... يعني ايه الكلام اللي قاله دا هه انا انا هفضل كدة مش عارفه انا مين لا لا اكيد في حل تاني انا دماغي ۏجعاني اوي 
دياب بقلق ... ممكن تهدي الدكتور بيقول غلط تضغطي علي نفسك 
سمية ... انا هعمل ايه دلوقتي 
دياب ... متقلقيش انا معاكي مش هسيبك ابدا
_ معرفش ليه جملتة دي خوفتني اوي عندي احساس واحد مسيطر عليا اني ابعد

عنة وان في حاجة غلط فوقت من سرحاني علي صوت حد
.... ايه السرحان دا كله بقالي شوية بسالك عاملة ايه دلوقتي 
سمية ...انتي مين 
... انا صفية دكتورة نفسية هنا في المستشفي دكتور ماهر بعتني اتكلم شوية معاكي 
سمية ... هنتكلم في ايه حضرتك انا مش فاكرة اي حاجة 
صفيه ... يا ستي اعتبريني جايه اسليكي
سمية ... انا مش عايزة اتسلي انا عايزة اعرف انا مين و مفروض اعمل ايه دلوقتي 
صفيه ... المفروض تهدي خالص بصي بما أن السلسله كان عليها اسم سمية تعالي نفرض أن دا
اسمك لانه لو مش اسمك اكيد هيكون اسم حد عزيز عليكي صح 
سميه ... بيتهيالي اه 
سمية ...
انا ممكن اطلب منك طلب 
صفيه ببتسامة ... اامري
سمية ... الامر لله انا أنا يعني 
صفيه ... في اي يا بنتي اتكلمي علي طول 
سمية ... انا مش عايزة ارجع مع ال شخص اللي جبني هنا مش مرتحالو ومش عايزة اكون معاه 
صفية .... ممممممم ماشي انا هتصرف اديني ساعه زمن و هرجعلك تاني تمام 
سمية ... شكرا 
صفيه ... مش لما اعمل حاجة تبقي تشكريني اية الشكر المقدم دا 
سمية ... كفايه انك هتحاولي 
صفيه ... متقلقيش هرجعلك علي طول
_علي عكس احساسي ناحيه اللي اسمة دياب كنت مرتاحة جدا ل صفيه و من غير ما احس طلبت مساعدتها و فعلا معداش نص ساعه لاقتيها قدامي
صفيه ببتسامة .. خلاص يا ستي حلينا مشكلة مرواحك مع الجدع ال برة دا 
سمية ... ازاي بس يعني عشان انا اجي معاكي اخوكي يطلع من بيتة كدة لا طبعا ميصحش
صفيه ... بقولك ايه بلاش كلام ملوش لازمة هو هيروح فين يعني ماهو هيكون في الشقة اللي قصدانا علي طول 
سمية ... هو عم محسن دا عمكم يعني 
صفيه ... لا عم محسن دا جارنا و كان صاحب بابا جدا راجل طيب وحتة سكرة هتحبية اوي والله احنا عيلة كيوت في نفسينا اصلا 
سمية ابتسمت
صفية ... ايوة كدة فكيها وكل حاجه هتكون كويسة أن شاء الله
سمية ... مش قادرة ابطل تفكير طب اهلي تفتكري زمانهم بيدورو عليا ولا 
صفية قاطعتها .. اتفقنا نريح عقلنا شوية ادي فرصة للمخ يرتاح وارجعي فكري براحتك ممكن 
سمية ... ممكن 
صفيه ... هسيبك ترتاحي شوية ولما تصحي هننزل علي طول
_ لسه هرد عليها الباب خبط و دخل دياب
دياب ... عامله ايه دلوقتي 
سمية .. كويسه 
دياب ... طيب يا دكتور هنقدر نمشي امتي 
سميه باستغراب ... مين ال هيمشي 
دياب ... احنا 
سمية ... احنا مين 
دياب ... مالك يا انسه ما طبيعي جايه معايا تروحي معايا 
سمية ... ليه أن شاء الله ساحب بنت اختك ثم انا فقدت الذاكرة لكن متشلتش يعني 
صفيه بهدوء ... سمية هتيجي معايا 
دياب كشړ و بحدة خفيفة ... انتي اسمك سمية افتكرتي يعني
سمية ... لا متفتكرتش ولا حاجة بس السلسله اللي ادتهاني عليها اسم سمية و الدكتورة قالتلي أن غالبا دا يا اسمي يا اسم حد عزيز عليا ف هتندهلي بيه 
دياب ... اااه طيب يا دكتورة سمية هتيجي معاكي فين 
سمية ... وانت مالك انت كل ال ليك عندي شكرااااا وان جميلك في رقبتي ولو علي ثمن الاشعه. و الجبس و المستشفي ياسيدي هاخد رقمك و وعد هردهم والله 
دياب .. اية اللي بتقوليه دا فلوس ايه انا دياب عزيز اشتري اد المستشفى دي عشرة انا بتكلم لىمصحلتك انتي تعرفيها منين عشان تروحي معاها هه 
سمية ... يعني انا عارفاك اوي زيك زيها وانا موافقه اروح معاها انت ايه مشكلتك بقا مش

فاهمه 
صفية... سمية ممكن تهدي الانفعال غلط عشانك وحضرتك فعلا ايه مشكلتك طالما صاحبت الشأن موافقه
دياب ... صاحبة الشأن مش عارفه مصلحتها كويس 
س 
الفصل الثاني 
الحكايه الأولي
خذلني مرتين ....
_ معرفش فوقت بعد اد ايه فتحت عيني لاقيت صفيه جمبي
صفيه بلهفه ... سمية اخيرا فوقتي حسه بايه طمنيني 
سمية وهي مغمضة عينها ... صداع كل ما افتح عيني احس بصداع جامد 
صفيه .. طيب ثواني اندة دكتور ماهر و اجيلك 
سمية پخوف ... لا لا متسبنيش لوحدي ل يدخل يزعقلي تاني مستبنيش والنبي
صفيه باستغراب ... حبيبتي اهدي انا طلبت منة يمشي من المستشفي كلها وبعدين اية كل الخۏف دا ما انتي ډخلتي فيه شمال ليه اول ما صوتة علي حصلك كدة 
سمية هزت راسها بنفي .. معرفش معرفش انا انا خفت اوي 
صفيه بحنان ... طيب خلاص اهدي هو مشي خالص وانا اتاكدت من الأمن أنه خرج من المستشفى كلها اطمني بقا و سبيني اندة ل دكتور ماهر ممكن 
_ هزيت راسي من غير كلام انا نفسي مكنتش عارفه انا خاېفة ليه مكنش عندي اي اجابه وبعد وقت بسيط خرجت من المستشفى مع صفية في طريقنا لبيتها و
احنا في الطريق صفيه حاولت تتكلم معايا في اي مواضيع عشان ابطل تفكير شوية لحد ما سكتت مرة واحدة وبان علي ملامحها الضيق
سمية ... مالك يا صفيه 
صفية ... انا حسه
أن في عربية ماشية ورانا من اول ما خرجنا من المستشفى
سمية ... ازاي دا انتي متأكدة 
صفية ... مش عارفه .. بصي احنا اصلا وصلنا خلاص يلا بقا وربنا يستر
_ نزلت معاها و انا حسة أن ال بيراقبنا دا دياب ليه حسيت كدة مش عارفه زي ما يكون احساسي بس اللي بيشتغل و دماغي واقفة و فاضية تماما ... دخلنا عمارة و طلعنا شقة كانت مريحة جدا الاثاث والألوان بسيط و مريح
صفيه ... نوريتني يا سمية تعالي اتفضلي
سمية ... شكرا انا اسفة مرة تانيه علي القلق اللي سببتهولك 
صفية ... مش اتفقنا مفيش بينا الكلام دا .. تحبي تريحي شوية علي ما اعمل الغدا 
سمية. .. لا انا ريحت كتير اوي ممكن اساعدك 
صفية ... ياسلام ممكن طبعا تعالي يلا لحسن سيف بيرجع من الشغل مېت من الجوع ولو ملقاش اكل ممكن يطين عيشتي
سمية ... سيف دا اخوكي 
صفيه ... اها اخويا و صحبي وابويا هو كل حاجة ليا في الدنيا دي كتير بخاف ل يحب و يتجوز و العلاقة بينا تتغير بس برجع اطرد الافكار دي من دماغي واتمناله السعادة اللي في الدنيا كلها
سمية ... ربنا يخليكم لبعض ديما 
صفية ... اللهم امين ... بصي بما أن اتاخرت انهاردة ف هنجز واعمل مكرونة و بانية وسلطة و السلطة عليكي بقا الحاجات اهي 
سمية ... ايه يا بنتي دا هساعدك اني اعمل سلطة 
صفيه ... طبعا اصل سيف بيحبها اوي وانا مليش خلق للتقطيع دا كلو يلا بس و أن شاء الله نص ساعه وكلة يكون جاهز انا مجهزة حاجات قبل ما انزل 
سمية ... حاضر زي ما تحبي 
صفية ... حطي فلفل كتير عشان البية بيحبها حامية 
_ لسه هرد عليها لاقيت جرس الباب بيرن
صفيه ... اهو وصل اهو استني افتحلو واجيلك
صفيه ... تعالي يا سيف اعرفك علي سمية .. سمية دا سيف اخويا
سيف ببتسامة ... اهلا وسهلا نورتينا يا سميه 
سمية بخجل ... شكرا واسفة علي اللخبطة اللي سببتهلكم دي
سيف ... متقوليش كدة مفيش لخبطة ولا حاجة 
صفيه ... سيبك منها هي من وقت ما