اڼتقام روح
كانوا مش قادرين يصرخوا بسبب اللزق اللى على بوقهم وفي لحظة أترمى عود كبريت على الأرض وسط دموع وصړاخ مكتوم.. البيت بقى قطعة من جهنم في لحظة.
وصحيت من النوم وأنا تعبان من اللى شوفته كنت بعيط من اللى شوفته إمبارح.. دخل عليا والدى وأنا بعيط وسألنى بعيط ليه
حكتله كل حاجة شوفتها إمبارح بس والدى رغم إنه بان عليه الحزن لكنه طبطب عليا وأخدني في حضنه وهو بيقولى
بصيت لوالدى وأنا لسه بعيط وقولتله
هو أنا هفضل أشوفهم علي طول يا بابا
لا يا حبيبي مش هتشوفهم كل يوم متخفش مش هيحصل تاني
سبنى في اليوم ده ولقيته خرج من البيت والغريبة إنه راح على العمارة المحروقة وډخلها مكنتش فاهم
بس هو مطولش جوه خرج ووشه أصفر كنت أول مرة أشوف والدى في الحالة دي
رد وقالها الآتى
من شوية سعد حكالى إنه شاف حلم غريب كان فيه إبراهيم وعيلته وإنه شاف اللى حصل فيهم
ساعتها فكرت تفكيرين الأول إن دي خيالات طفل صغير والتانى إنها رسالة بس ليا أنا مش لإبنى وعشان كده روحت على العمارة ولما روحت شقة إبراهيم شوفته
شوفت مين
شوفت إبراهيم.. شوفته واقف قدامي وبيطلب منى أجبله حقه وأبلغ عن اللى عمل كده أنا مش مصدق إنى شوفته بس ده اللى حصل
أنا عايز أجيب حقه بس هستنى ظروف البلد تستقر الأول عشان أقدر أبلغ
.
ومن بعدها أقدر أقول إن الأمور هديت شوية مكنتش بشوف حاجة ولا أحلام غريبة لحد ما في يوم جات نفس العربية بتاعت مسعد بيه
وقتها الناس كلها كانت واقفة على رجليها ومش عارفين هو راجع تاني ليه
لكن اللى نزل من العربية وقتها كان شاب صغير في السن وسيم شوية وقرب من الناس وقال
أنا هشام مسعد السيوفي أنا عارف إنكم عارفين مين هو مسعد السيوفي والدى للأسف توفاه الله أتصاب بمرض نادر وتوفى من أسبوع وأنا على علم بكل حاجة أتفق عليها والدى معاكم قبل ما يتوفى ودلوقتي أنا جاي عشان أجدد الأتفاق ده تاخدوا الفلوس وتسيبوا العماير عشان نبدأ شغلنا
وهنا رد عليه والدى وقاله
ممكن أعرف السبب إى اللى أتغير عشان ترجعوا في كلامكم
مفيش سبب إحنا أحرار محدش فينا هيبيع ومتنساش إن الأمور في البلد دلوقتي مشدودة يعني مش هتقدر تعمل حاجة
أعمل حاجة! حاجة زى إى
متلفش وتدور عليا يا بيه إنت عارف كل حاجة عملها والدك ومن الحاجات دي إنه حړق الناس اللى هنا في العمارة دي عشان رفضوا العرض
هتعملوا إى يعني! هتقتلونا كلنا يعني أعملوا اللى تعملوه ضربوا
الأعور على عينه أحنا مش خايفين منك واللى عندك أعمله
.
الراجل اللي إسمه هشام كان بيبص لوالدى بصة كلها شړ.. كان عايز ياكله بسنانه
لكنه ركب العربية ومشي وبمجرد ما مشي والدى بص للناس اللى كانت واقفة وبتشوف الحوار اللى داير وقالهم
أسمعوني يا ناس أحنا طول عمرنا جيران وأهل وحبايب وأقرب ناس لبعض واقفين في ضهر بعض ولازم النهاردة تعرفوا إن إبراهيم وعيلته ممتوش بسبب ماس كهربا زي ما قالوا البهوات لأ
إبراهيم وعيلته إتقتلوا إتقتلوا على إيد
