العانس (وليدة المجتمع العقيم ) بقلم نونى الهوارى
في العيال حلو كدا
ضحكت زينب وضړبتها بخفة على كتفها..تستاهلي حد قالك تعملي زعيمة اشربي بقى
نسرين بضحك..ماشي ياستي عندك حق دا اللي يدخل في المشاكل ويحلها بس اكدي على ابنك محمد ليوقع في الكلام مع عصام
زينب ..الصبح هأكد عليه تصبحي على خير
نسرين..وانتي من اهله
مرت الايام سريعا في تجهيز شقق محمد واحمد وترتيب كل شئ
اخذ كل عريس عروسته من مركز التجميل فالعرائس في الفستان الابيض مثل اميرات القصص والعرسان بحلتهم الكلاسيكية مثل امراء القصص خرجت نسرين واماني من مركز التجميل وركبو مع عادل تلبس نسرين فستان ضيق يرسم جسدها ومكياج رائع وحجاب مربوط على الشعر فقط مع خروج خصلة من شعرها وفكانت فاتنة
________________________________________
دائرة وكانت في وسطها نسرين ترقص وعلى وجهها إبتسامة رائعة من ينظر لها لا يحول نظره عنها
كان ادم يجلس في اخر القاعة فهو لايحب مثل هذه الحافلات المختلطة شعر بالضيق وقرر الذهاب وترك العرس وهو في طريقه ذهب لمكتب سفريات وحجز عمرة لفردين هو والدته فهو يشعر ان قلبه مليئ بالحزن ويود غسله بالقرب من الله
نادية بأستغراب من مجيئه مبكرا فهو لم يغيب طويلا..وعليكم السلام متأخرتش يعني هو الفرح لحق يخلص
ادم بضيق ..لا مخلصش بس مقدرتش اقعد
نادية بقلق من شكله فهو يبدو عليه الحزن والألم ..مالك ياحبيبي زعلان ليه
ادم بصوت حزين يملأه الالم..تعبان ياامي حاسس ان قلبي وجعني
ادم امسك يدها واجلسها مرة اخرى..لأ مش قصدي كدا انا قصدي مش مرتاح وحاسس ان قلبي مليان تعب وحزن عشان كدا حجزت انا وانتي عمرة الاسبوع اللي جاي وبالمرة تزوري خالي انا كلمته وقال لازم نقعد معه شوية
نادية بفرح انها هتسافر للعمرة وترى اخيها..طب يابني ربنا يريح قلبك ويتقبل منك العمل الصالح
نادية بأبتسامة هادئة ..ماشي ياحبيبي
ادم تصبحي على خير
نادية..وانت من اهله يارب هون عليه وريح قلبه يارب اه لو اعرف مالك يمكن يكون عندي الحل يابني ووقفت وذهبت إلى الحمام وتوضأت وظلت تصلي وتبكي وتدعي له فهي تشعر ان ابنها حزين
عدى الاسبوع وسافر ادم وترك المكتب مفتوح تعمل فيه اماني ونسرين
اماني نظرت لها بأستغراب من حالها فهي لم تعد نسرين المرحة فارادت معرفة سبب تغيرها وقالت..مالك بقى دمك تقيل كدا لا بتتكلمي ولاتهزري فيه ايه مالك
نسرين هي فعلا لا تعرف بما تجيبها مطت شفتيها بزعل وكأن لا شئ له طعم..مش عارفة بس حاسة ان مليش نفس اعمل اي حاجة اقولك انا هقوم اروح
اماني نظرت لها فهي لا تفهمها..زي ماتحبي
مرت ايام اكثر ونسرين تشعر ان شئ ينقصها لكنها لا تعرف ماهو والايام مملة
في احد الايام تجلس مع والدها الذي لاحظ هذا عليها وانها لم تعد كالسابق ..مالك يابنتي
نسرين بأبتسامة حزينة..مفيش يابابا بس الشغل كتير عليا انا واماني من يوم ما سافر استاذ ادملم تعرف لما تسارعت دقات قلبها عندما ذكرت اسمهوالشغل كله على رأسنا وهو شكله مطول قاعد عند خاله هناك وبيتابع معنا بالنت
عزت وضع يده تحاوط كتفها وربط عليها بحنان..ربنا يقويكي يابنتي ويسعدك
سمعوا صوت طرقات على الباب فتحت نسرين وجدت احمد ومي وعلى وجههم الفرحة سلمت عليهم ودخلو
نسرين وزعت نظرها بينهم ..مالكو شكلكم في حاجة
احمد بأبتسامة رائعة ..انتي دايما قفشاني كدا ودخل سلم على والده ووالدته وكذلك مي
احمد بفرحة وسعادة تملأ وجهه..اصل مي حامل وجينا عشان نفرحكم
نسرين اتسعت عيناها بسعادة وابتسامة رائعة على وجهها..الف مبروك يااحمد ونظرت ل مي ربنا يكملك على خير وتقومي بالسلامة انا فرحانة أوي
ضحك احمد ونظر لها..اوعي تنسي عمتو الشريرة
ابتسمت مي..مين الشريرة نسرين حرام عليك يااحمد
احمد رفع يده بأستسلام..والله هي اللي قالت نفسها تبقى عمتو الشريرة
زينب اتسعت عيناها بسعادة وابتسامة كبيرة ..الف مبروك ياحبيبي وان شاء الله ولد انا مش عايزة بنات
عزت اتسعت عيناه پصدمة من كلام زوجته ..في ايه ياحجة وحدي الله ولد ايه وبنت ايه دا في ناس نفسها في ظفر
احمد وقد تغير وجهه بعد ان كان يملأه السعادة ..الحاجات دي بتاعة ربنا وبعدين انا نفسي في بنت عشان تبقى حنينة عليا وعلى اخواتها زي نسرين مع بابا ومعنا
تغير وجه مي بعد ان كانت سعيدة وفرحانة لاحظ أحمد ذلك ..يالا يامي
زينب بأستغراب فزيارتهم لم تطول ..كدا بسرعة دا انت حتى ماشربتش حاجة وانتي بكلامك اللي زي السم هيشربو ايه يا ولية اتهدي
احمد بأبتسامة هادئة ..لأ احنا جينا نقول لكم ونمشي على طول يالا يامي واخذها ونزل
عزت نظر لها پغضب ..ليه كدا بس نكدتي على الواد وهو فرحان
كسرتي فرحته هو ومراته
زينب ببرائة وكأنها لم تفعل شئ..هو انا قولت ايه ياخواتي بس وفيها ايه ان نفسي يخلف ولد
عزت تنهد بضيق ..نفسك تدعيله بينك وبين ربنا مش تقولي انا مش عايزة
بنات دا كلام
وبعد عدة ايام عرفوا ان مرات معتز حامل وكذلك تسنيم
اما ادم لا يريد العودة يشعر بالراحة في البعد وهو مقيم هو ووالدته عند خاله المقيم في السعودية الذي يعيش هو وزوجته وابناءه خالد وعلي
ودائما يمشي ادم الحرم ويصلي ويدعي ربه ان يريح قلبه ويهديها له
اما نسرين تشعر انها ليست على طبيعتها وفي احد الايام حلمت انها تمشي في شارع ضلمة مخيف وعيون ترأها في الظلام تنظر لها نظرة لجسدها برغبة وتقترب منها وهي تحاول ان تجري وتهرب ولكن لاتستطيع قامت مڤزوعة تتصبب عرقا استغفرت ربها كثيرا وقامت اتوضت وصلت ودعت ربها وفجأة تذكرت لبسها وان العيون المخيفة التي رأتها هي عيون الناس التي نتظر لها في الشارع وقامت ولبست اكثر شئ محتشم لديها ونزلت وعادت بأكياس كثيرة بها لبس واسع وحجاب طويل ولبست وخرجت من غرفتها
زينب اتسعت عيناها بدهشة عندمانظرت لها ورأتها هكذا..انتي كنتي فين نزلتي روحتي فين وايه اللي انتي لبساه دا
نسرين تشعر ان قلبها يكاد يخرج من مكانه من فرحتها فهي تشعر بسعادة لا تعرف سرها وقالت ..نزلت اشتريت هدوم واستدارت امامها تمسك طرف فستانها الواسع بسعادة وابتسامة رائعة.. مش كدا احسن انا مرتاحة اوي وقلبي فرحان اوي
زينب وهي تحرك فمها يمين ويسار فهي لايعجبها ...هو انتي حد جالك واتقدم لك وانتي لبسك حلو وجميل لما هيجيلك حد وانتي متغمغمة كدا وليه مش حاطة احمر ولا بودرة في وشك
اختفت الابتسامة من على وجهها..اولا انا مش متغمغمة اومال لو كان نقاب كنتي عملتي ايه
زينب اتسعت عيناها پغضب ورفعت حاجبيها ..دا اللي كان ناقص
خرج عزت على صوتهم واول ما رأى نسرين سعد بشكلها ولبسها الواسع..بسم الله ماشاء الله ايوة كدا ايه الحلاوة دي ربنا يهديكي يابنتي ويفرح قلبك
نسرين شعرت بالسعادة لانها رأت فرحة وتشجيع في عيون والدها وان مافعلته هو الصواب وقالت بفرح..حلو يابابا
عزت بأبتسامة كبيرة تعبر عن مدى سعادته بها..حلو أوي ياريت عملتي كدا من زمان
زينب نظرت له وقضبت حاجبيها پغضب..انت كمان عجبك اللي هي عملاه دا
عزت هز رأسه بإجاب ..ايوة عجبني اوي ثم نظر لنسرين.. واوعي يكون يومين وترجعي تاني
نسرين بفرح..لا يابابا انا حتى نوية مش اللبس وبس والسلام والكلام مع غير المحارم
عزت بفرحة كبيرة من اجل ابنته..الله عليكي ربنا يهديكي ويسعدك ايوة كدا
زينب وزعت نظرات الڠضب وعدم الرضا بينهم..انا هسكت احسن ووقفت وتركتهم ودخلت غرفتها
عزت بأبتسامة حنونة ..سيبك منها انتي كدا اجمل
نسرين نظرت له ..طب انا نازلة عايز حاجة
عزت..لأ ياحبيبتي مع السلامة
في المكتب
اماني اول مارأت نسرين اتسعت عيناها بذهول..ايه اللي انتي لبسها دا
نسرين استدارت امامها..ايه رأيك مش كدا احلى
اماني هزت رأسها ..احلى بس واسع اوي عليكي
نسرين تنهدت براحة كبيرة ..انا حاسة كدا براحة كبيرة اوي
اماني هزت اكتافها ...خلاص مادام انتي مرتاحة كدا
في شقة معتز
جاء معتز من العمل وجد موال كل يوم البيت غير نظيف ولا يوجد اكل وزوجته جالسة على الفيس وخلاص داليا من اسرة حالتها المادية ممتازة وهي من ضغطت على والديها بالموافقة على معتز لان حالته المادية عادية
معتز تنهد بضيق من حال زوجته..السلام عليكم
داليا ببرود وكأنها لم تفعل شئ..وعليكم السلام
معتز نفخ پغضب شديد فزوجته فتاة مدللة لا تفعل شئ سوى التصفح على صفحات التواصل ولا تمل مطلقا..انتي مش بتتعبي من القاعدة دي ليل ونهار
داليا تركت الهاتف من يدها ونظرت له بأستغراب. .في ايه مالك
معتز نظر يمين ويسار ينظر لمنظر البيت الغير مرتب ..هو ايه اللي مالك بصي حوليكي شوفي منظر البيت وفين الاكل
داليا نظرت له بضيق فكلامه لايعجبها ..انا حامل وتعبانة
معتز اتسعت عيناه پغضب من برودها وقال بحدة..ياسلام اول وحدة حملت ولا اخرهم ماهي تسنيم حامل زيك روحي شوفي بيتها وكل يوم بتعمل اكل لمحمد ومرات احمد ماهي حامل هي كمان وكانت عزماهم كلهم عمي وخالتي زينب ونسرين وامي وابويا وجدي وجدتي وامها وابوها واختها وجوزها وعيالهم وامي قالت عملت كل حاجة لوحدها ومحدش ساعدها
داليا وقفت عن مكانها ونظرت له بضيق وسخط وقالت بصوت عالي ..اسمع بقى انا مش واخدة على كدا انا كنت مدلعة وكل طلباتي اوامر وكفاية اني مستحملة
معتز نظر
لها بعدم تصديق فهو لم يقصر معها بشئ ..مستحملة ايه وانا قصرت معاكي في ايه
داليا نظرت له وظهرت شبه ابتسامة ساخرة ههئ وقالت..قول ماقصرتش في ايه كل ما اطلب منك فلوس معنديش عايزة هدوم مفيش فلوس عايزة دهب لأ غالي جبتلي ايه مميز تعالا شوف جوز منى اختي جايب لها ايه وبعدين تعالا اتكلم معايا قول البيت ومش البيت
صدم معتز من كلام زوجته فهذه ليست داليا التي احبها سنين اين كلامها انا مش عايزة غيرك يامعتز انا اعيش معاك في اي مستوى اين ذهب حبها وكلامها هذا
داليا نظرت له وقضبت حاجبيها ..اسمع بقى انا دلوقتي في السابع ومش هولد غير في مستشفى خاصة عشان تعمل حسابك وتتصرف
لم ير عليها وترك البيت ونزل وذهب الى بيت والديه
طرق معتز الباب فتحت فاطمة تفاجئت به وشكله الذي يبدو عليه التعب والارهاق ..معتز مالك ياحبيبي تعالا ادخل
سلم عليهم
حمدي نظر له فشكله يبعث الخۏف والقلق ..مالك يابني في ايه
معتز لم يتمالك نفسه يريد ان يتكلم فهو تحمل فترة السبع شهور الماضية ولم يتكلم لكنه طفح به الكيل لم يعد يتحمل فقال بصوت يملأه التعب والحزن..انا خلاص تعبت جبت اخري خلاص
فاطمة بأستغراب من كلامه فهي لم تفهم شئ لكنه يبدو عليه التعب فقالت بهدوء ..في ايه بس مالك ياحبيبي
حكى لهم على افعال داليا من يوم زواجهم وهو ساكت لكنه لم يعد يتحمل ما تفهله وطلباتها التي لا تنتهي
فاطمة تحاول تهدئته وامتصاص غضبه فهو محق لكن لا تريد ان تزيد عليه..يمكن عشان حامل وتعبانة يابني
معتز نظر لها ..ماهي تسنيم حامل ومرات احمد ماهي حامل وانتي بنفسك شايفاهم في بيوتهم عاملة ازاي
فاطمة ربطت على ركبته ..معلش يابني الستات مش زي بعض في اللي مش بتكون قادرة حتى تتحرك من مكانها
في هذا الوقت رن هاتف معتز برقم داليا رد عليها بضيق..الو عايزة ايه
سمع صړاخها...الحقني يامعتز
.......الفصل السادس
اسرع معتز الى منزله وجد داليا متعبة جدا تتعرق بغزارة وانفاسها عالية كأنها في سباق وعيونها حمراء من كثرة البكاء من الالم اخذها سريعا وذهب الى المستشفى بعد الكشف عليها قالت الدكتورة.. دي ولادة مبكرة وقالت للممرضة.. دخلوها غرفة العمليات واتصل هو على امه وزوجة عمه زينب وأم داليا وحضرو جميعا وكانت ام داليا لا يعجبها ان ابنتها تلد في مستشفى عامة للولادة
ام داليا نظرت له بسخط فهي من البداية لم تكن راضية على هذا الزيجة وكانت ترى ان معتز لايصلح زوج لأبنتها الجميلة المدللة فقالت پغضب واضح على ملامحة ونبرة صوتها..بردو كدا يامعتز تجبها هنا تتبهدل ليه ما روحتش بها مستشفى خاصة
معتز مسح على وجهه بضيق من كلامها..ارجوكي انا مش ناقص وبعدين انا مكنتش فاكر انها ولادة دي في السابع وبعدين الدكتورة لما كشفت عليها قالت ولادة ودخلوها العمليات على طول يعني مفيش وقت تتحرك من مكانها
فاطمة تحاول تهدئة الموقف نظرت لها نظرة يملأها الرجاء ان تهدأ..خلاص ياام داليا ادعيلها ياحبيبتي دي بين ايدين ربنا دلوقتي
بعد قليل خرجت داليا على السرير المتحرك وبجانبها بنتها ودخلوها لغرفة بها العديد من السراير وعليها سيدات بجانبهم اطفالهم المواليد وكل واحدة حولها اهلها فالغرفة كبيرة ومزدحمة وضعوا داليا على السرير وحملت فاطمة البنت ونظرت لها بسعادة كبيرة يالهو من شعور جميل ..بسم الله ماشاء الله الحمد لله على سلامتك يا بنتي
لم ترد عليها داليا وظلت تنظر حولها بأشمئزاز وتنظر لمعتز نظرات ڼارية تكاد تقتله وتحرقه في مكانه وامها تنظر لها نظرات عدم رضا على اختيارها وكأنها تقول لها هو دا اللي صممتي تتجوزيه ربعت يدها عند صدرها ومطت جانب شفتيها
زينب اتسعت عيناها بدهشة من موقف داليا وانها لم ترد على فاطمة وامها وڠضبها لكنها حاولت ان تغير الموقف ونظرت لها وابتسمت لها ..الحمد لله على السلامة هتسموها ايه
معتز بهدوء عكس ما بداخله من ڠضب من زوجته وامها..فاطمة
داليا بأندفاع فهي لم يعجبها الاسم..ايه لأ طبعا دا اسم قديم انا هسمي بنتي اسم جديد
ارادة فاطمة تهدئة الموقف وامتصاص التوتر..ايوة يامعتز اختاروا اسم جديد كدا وحلو
معتز بغيظ من كلام داليا..لأ هسميها فاطمة ودا اخر كلام
ام داليا نظرت ل داليا ..خلاص
________________________________________
ياداليا فاطمة فاطمة مش مهم وانتي ابقي اختاري اسم حلو اللي يعجبك وناديها به
نظر لها معتز بغيظ وضغط على اسنانه وقال بحدة ..لأ هنادي عليها ب فاطمة واللي عايز يدلعها يقول طمطم طومة لكن اسم تاني لأ
لم ترد داليا قاطعها دخول اختها منى تلبس لبس غالي وذهب وهاتف حديث جدا تمسكه في يدها وشنطة وحذاء ماركة تتلفت حولها بأشمئزاز ونظرت لداليا بشفقة على حالها وقالت ..الحمد لله على السلامة ياحبيبتي تتربى في عزك واخرجت من
