العانس (وليدة المجتمع العقيم ) بقلم نونى الهوارى

من رأهم وانها ليست زوجته في نفس الوقت خرجت نسرين من الحمام ورأت ادم يضحك فهي اول مرة تراه يضحك تاهت في ضحكته وقالت لنفسها..يالهوي على دي ضحكة وشك زي القمر حرام عليك مز اوي لا انا شكلي اتهبلت ايه اللي انا بقوله دا
ذهب عادل ورجعت نسرين مكانها ودخل ادم مكتبه
اماني لاحظت شرود نسرين فاقتربت منها..مالك سرحانة في ايه
نسرين انتبهت لها في فعلا شاردة الذهن في ضحكته ومعاملته لها ..هااا لا ابدا بفكر هلبس ايه في يوم كتب الكتاب وكمان عندنا كتب كتاب يوم الجمعة وانتو اكيد معزومين
اماني نظرت لها بتسأل..مين محمد اخوكي
نسرين وضعت يدها اسفل ذقنها تنظر ل اماني وهزت رأسها بالنفي..لأ محمد كتب كتابه مع احمد يوم الخميس 
اماني رفعت حاجبيها بأستغراب ..اومال مين
نسرين ببرود غريب ودون اي تعبير على وجهها ..معتز
اماني نظرت لها بأستغراب كيف يكون كتب كتابه وهي غير مهتمة فملامحها لاتوحي بالزعل او الحزن عليه..معتز اومال يعني انتي......
قاطعتها نسرين بهدوء ..لأ مش زعلانة ومش عارفة ليه تصدقي من ساعة ما عرفت بحاول ازعل نفسي عشان اقنع نفسى اني كنت بحبه بس بردو مزعلتش
اماني تنهدت براحة من اجل صديقتها ..كويس يمكن دا خير ليكي
نسرين تشعر بالراحة كبيرة ..ايوة الحمد لله يالا نشوف شغلنا بقى
مرت الايام لا جديد فيها 
يوم الخميس كتب كتاب احمد ومحمد كان في الجامع واتفق كل عريس يأخذ عروسته بعد كتب الكتاب ويخرج معها 
خرجت نسرين من الجامع مع امها واماني وام اماني وعبير اختها وفي نفس الوقت خرج الرجال وجاء عادل وابو اماني واخذ اماني والعيال وام اماني وذهبو رأت نسرين ادم وهو خارج من الجامع كم كان انيق ولم ينظر لأي احد واضعا عيونه ارضا كم احترمته فكل الشباب الذين خرجو ينظرو الى البنات بحجة انهم ينتظرون اهلهم
اقترب منها معتز في هدوء..ازيك يا نسرين 
نسرين بأبتسامة هادئة ..الحمد لله انت عامل ايه 
معتز بادلها الابتسامة ..كويس الحمد لله ان كنت عايز اقولك.....وسكت قليلا ثم اكمل أنا اسف 
نسرين بأستغراب لما يعتذر لها وقالت بهدوء..على ايه 
معتز بصوت يملأه الاسف ..على يوم ما كلمتك بطريقة مش حلوة والله انا من يومها وانا عايز افهمك اني كنت خاېف عليكي اوي انك تعملي كدا مع حد وحش يضحك عليكي 
نسرين كم شعرت بالخجل لذكره هذا اليوم لكنها حاولت ان تبدو طبيعية وان مافات انتهى بالنسبة لها..دا موضوع انتهى خلاص والدليل على كدا اني بكرا في كتب الكتاب هزغرط وارقص كمان ايه رأيك ربنا يتمم لك على خير ويسعدك انت عندي زي احمد بالضبط
معتز بأبتسامة واسعة..انا كدا كملت فرحتي ورجعتلي نسرين اختي 
ابتسمت له وتركته واتجهت الى والدها ونظرت على ادم وجدته يكاد ينفجر من الڠضب وعلى وجهه تكشيرة وذهب في هدوء
رجعت الى بيتها مع والديها ودخلت غرفتها وما هي الا ساعة وسمعت عبير بالخارج تبكي وتشتكي
استغربت من مجئ اختها ..ياترى في ايه عبير مالها ما احنا كنا لسة مع بعض
خرجت نسرين من غرفتها مسرعة وجدت اختها مڼهارة 
نسرين بقلق وخوف من شكلها الذي يبعث الړعب وكأن مصېبة قد حدثت..في ايه مالك يابيرو
عبيربعيون متورمة من كثرة البكاء و بدموع تتساقط بلا توقف وانفاس متقطعة..عصام بيخوني 
اتسعت عيناي نسرين بعدم تصديق فهي تعرف عصام ابن عمتها جيدا لايمكن ان يفعل هذا..انتي متأكدة عصام مش بتاع الحاجات دي 
زينب تحاول تهدئة عبير كي تفهم منها ماحدث..يابنتي فهميني بشويش 
عبير مسحت عيونها بظهر يدها وتنهدت بحړقة..بيكلم واحدة في التليفون وبيبعت لها صور وهي كمان بتبعت له صور وكلام وهزار
في هذا الوقت دخل احمد ومحمد بعد ان اوصل كلا منهم عروسته الى منزلها وجدو هذا المنظر امامهم
احمد بقلق وخوف على اخته فشكلها اخافه كثيرا اقترب منها ..مالك ياعبير في ايه
حكت لهم زينب ما قالته عبير
محمد بأندفاع دون تفكير و مراعاة مشاعر اخته..اكيد بنتك قاعدة في البيت زي البومة عشان كدا
دور على الدلع والكلام الحلو برا 
نسرين قضبت حاجبيها پغضب من كلام اخيها فهذا ليس مبرر كيف يفكر هكذا..ايه اللي انت بتقوله دا حتى لو كدا هي طول النهار بتجري ورا العيال والبيت والاكل وكل حاجة على رأسها ودا ميدهوش الحق يعمل كدا 
احمد يؤكد كلامها فهو شعر بالڠضب من عصام والحزن على اخته..نسرين عندها حق دا لازم يتربى انتي تقعدي هنا انتي وعيالك لحد ما يقول حقي برقبتي فاهمة
زينب اتسعت عيناها فكلام احمد لم يعجبها وقالت بحدة..ايه للي انت بتقوله دا انت عايز تخرب بيتها دي ترجع لبيتها 
نسرين بأندهاش من كلام امها كيف لها ان تقول هذا الكلام ..ايه يا ماما الكلام دا كدا يبقى معندهاش كرامة وبعدين اي حاجة يقولها اهلك رجعوكي ومش عايزينك 
احمد نظر لأمه ..نسرين عندها حق انا معها
زينب پغضب..متسمعش كلامها دي هتخرب على اختها وتيجي تقعد جانبها 
حزنت نسرين من كلام امها وسكتت ووقفت عن مكانها كي تغادر وتتركهم يحلوا المشكلة كما يحلو لهم
عبير امسكت يدها وهي تمر بجانبها ورفعت عيونها تنظر لها نظرة تعني لاتتركيني انا احتاج اليكي وقالت ..نسرين عندها حق انا لايمكن ارجع لراجل خاېن
زينب خبطت على فخذيها بيداها..ياميلة بختي في بناتي 
عزت بعد ما سمع كل كلامهم فنسرين واحمد عندهم حق ولايعجبه رأي زوجته فقال بحدة..اسكتي يا زينب كرامة بنتك فوق كل اعتبار حتى لو قعدت هنا هي وعيالها العمر كله 
زينب بعصبية وصوت عالي ..يعني مش كفاية عندي وحدة عانس والتانية تبقى مطلقة اروح فين بس ياربي من الهم اللي انا فيه دا ودخلت غرفتها ودخل وراها عزت يحاول تهدئتها ويفهمها ان هذا افضل الحفاظ على كرامة ابنتها
نسرين بعد ان دخل والديها جاءت برأسها فكرة تريد عرضها عليهم لمعرفة رأيهم..انا عندي فكرة لو وافقتي عليها ياعبير وانت كمان يااحمد هعملها ..وحكت لهم عن فكرتها
احمد لمعت عيناه ففكرة نسرين قد اعجبته كثيرا ..كدا احسن ليها ولينا كمان 
نظرت نسرين ل عبير تسألها عن رأيها..ها ايه رأيك ياعبير
عبير هزت رأسها بالموافقة ..ماشي موافقة
نسرين رفعت حاجبيها بحماس تنتظر قدومه لتنفذ خطتها..تمام لما يجي بس
في غرفة زينب
عزت بهدوء يحاول ان يفهما..ايوة عندهم حق ازاي تيجي هنا يعني قالت لينا وبعدين تروح عادي فكري شوية
زينب بنظرة خوف على ابنتها وخړاب بيتها..انا خاېفة تخرب على نفسها وتطلق نسرين غيرانة منها
عزت اتسعت عيناه پصدمة من كلام زوجته كيف تقول هذا وتفكر ان نسرين تغير من اختها ..ياشيخة حرام عليكي بقى كل حاجة نسرين نسرين ارحميها هي اللي فيها مكفيها 
زينب نظرت له وقضبت حاجبيها ..يعني عجبك كدا
عزت نظر لها بحدة فكلامها لايعجبه فأراد انهاء هذا النقاش العقيم الذي لافائدة منه..ايوة عجبني في الاخر دول بناتي انا ومكتبين على اسمي مش على اسمك انتي عايزها ترجع زي الكلبة من غير كرامة دا كلام
زينب وضعت يدها على فمها ..خلاص سكت مادام كلمتي هي اللي وقفت في زوركم انا مليش دعوة بحاجة واعملو اللي انتم عايزينه 
عزت هز رأسه بهدوء..ايوة احسن حاجة خليكي بعيد واللي ربنا كتبه هنشوفه......
الفصل الخامس 
جلست عبير في الصالة تبكي ومعها نسرين وأحمد اما محمد..انا داخل انام انا فرحان مش عايز حاجة تنكد عليا تصبحو على خير 
لم يرد عليه احد فكيف يكون بهذا البرود ولايهتم غير بنفسه
نظرت نسرين ل عبير التي تورمت عيناها من كثرة البكاء وربطت على كتفها بحنان..كفاية كدا ياعبير يالا ياحبيبتي تعالي ندخل الاوضة جوا وحاولي تنامي شوية 
احمد نظر لعبير بشفقة على حالها..ايوة ياعبير قومي مع نسرين 
هزت عبير رأسها بالنفي ودموعها تتساقط على خديها ..لأ مش جايني نوم ادخلو انتو نامو 
قاطعهم طرقات خفيفة على الباب نظر احمد من العين ليرا من وقال بصوت واطي قريب للهمس..دا عصام
نسرين اشارت لهم كي يتركوها هي من تقابله وقالت بصوت واطي ..يالا ياعبير ادخلي جوا وانت كمان يااحمد شوف ماما لو صاحية خليك جانبها وهديها ومتخلهاش تطلع 
ذهب احمد لغرفة والديه وطرق على الباب بطرقات خفيفة اتاه صوت والده من الداخل..ادخل
دخل احمد وقال بصوت واطي ..عصام جيه
ارادة زينب الخروج ليأخذ زوجته معه 
احمد قضب حاجبيه ..لوسمحتي ياماما خليكي دلوقتي 
زينب اتسعت عيناها پغضب وقالت ..يعني ايه الراجل جاي يأخد مراته يأخدها ويمشي
عزت اتسعت عيناه پصدمة من كلام زوجته كيف تقول هذا ..ايه اللي بتقوليه دا افرضي انه جاي يقولها خليكي انا مش عايزك مش نعرف الاول هو جاي ليه ولا اول ما نشوفه نقوله خد مراتك معاك
احمد يحاول تهدئة الموقف ..يابابا نسرين عندها فكرة حلوة هتحفظ كرامة عبير وكمان كرامة عصام قدامنا 
في الصالة اشارت نسرين لعبير لتدخل الى الغرفة وقامت وفتحت الباب 
عصام بأحراج..السلام عليكم 
نسرين نظرت له من غير نفس..وعليكم السلام 
مد يده ليسلم عليها نظرت ليده ثم رفعت نظرها له بنظرة ڠضب ودخلت وتركته دخل ورائها 
عصام بأستغراب من
معاملتها له..في ايه يانسرين انتي بتعمليني كدا ليه 
نسرين احمرت عيناها پغضب ..يعني مش عارف 
شعر بالخجل منها فهذا يعني انها تعرف بالموضوع ..هي عبير.....وسكت 
نسرين نظرت له ومطت جانب شفتيها بزعل ..ايوة ياخويا حكتلي كل حاجة بس انا مرضيتش اخليها تحكي لخالك ولا احمد ول محمد ولا حتى ماما ولما سألو ايه اللي جاب عبير قولتلهم انا اللي طلبت منها تستأذن عصام وتيجي تبات معايا والصبح من بدري نحضر لكتب كتاب معتز في غرفة زينب بضيق من زوجها وابنها انهم تركوا الامر بيد نسرين..انتو هتسبوها لوحدها دي هتخرب الدنيا
احمد تنهد بنفاذ صبر ..ياامي اصبري بس انا لو لاقيت نسرين غلطت انا هخرج اصلح كل حاجة ماشي اصبري شوية 
زينب تخبط على فخذها پغضب..دي هتخرب على اختها عشان تيجي تقعد جانبها
احمد پغضب من كلام امه ..ياماما كفاية بقى
شعر عصام بالخجل منها اكثر واخفض رأسه ارضا
نسرين نظرت له ..انا مرضتش اخليها تقول لهم عشان ماتنزلش من عينهم ليه ياعصام تعمل كدا 
عصام رفع عينه ونظر لها يحاول تبرئة نفسه..والله يانسرين مفيش بيني وبينها حاجة دي مجرد صداقة يعني بنتكلم ونحكي لبعض عن مشاكلنا دي حتى متجوزة والله
نسرين پصدمة من كلامه كيف له ان يتكلم مع واحدة متزوجة ولمعت فكرة في رأسها ان تضعه في نفس الموقف..ودي انيل ترضى لمراتك يكون لها صديق تتكلم معها وتشكي له وتبعت له صور وهو كمان يتكلم معها ويشكي لها ويبعت لها صور 
عصام بأندفاع دون تفكير ..لأ طبعا انتي بتقولي ايه 
نسرين بأبتسامة ساخرة ورفعت حاجبيها ..انت مش قولت ان مفيش بينكم حاجة ودي مجرد صداقة هي ليك حلال ولها حرام
عصام فكر في كلامها هي فعلا عندها حق وتخيل ان عبير تكلم شخص ويقول لها كلام رقيق وتقارن بينه وبين زوجها 
عصام ..انا فعلا غلطان مش هعمل كدا تاني بس اوعي تغيري فكرتك عني انتي اختي الكبيرة اللي بحبها وبحترمها
نسرين نظرت له بغيظ وعضت شفتيها السفلي..كبيرة ايه يا عم دول هما سنتين ثم ابتسمت له.. انت عارف انا اد ايه بحترمك وبعزك دا حتى لما عبير حكتلي قولتلها انتي متأكدة انتي اكيد غلطانة مكنتش مصدقة انك ممكن تعمل كدا قولتلها انا اصدق الكلام دا على اي حد الا عصام 
فرح عصام بكلامها فهو فعلا يحترمها ويقدرها..وانا اوعدك ان عمري ما هعمل كدا تاني
نسرين بأبتسامة كبيرة..وانا مصدقة ايوة هو دا عصام ابن عمتي الضلع التالت في
مثلث الشړ بتاعنا ولا نسيت
عصام بضحك..ودي حاجة تتنسي ياكبيرة دا انتي قائدة مثلث الشړ 
نسرين بغيظ ..يا دي النيلة كبيرة كبيرة طيب عبير في اوضتي يمكن تكون عايز تقول لها حاجة امشي من وشي ياعصام
سمعت عبير كلام اختها وفرحت به وعدلت من نفسها ومسحت عيونها 
دخل عصام واقترب منها بخطوات بطيئة الى ان وصل امامها ...انتي لسة زعلانة مني لم ترد عليه اخفضت بصوت واطي ناعم ..خلاص مش زعلانة 
طرقت نسرين الباب ودخلت ووجدتها تضحك فرحت كثيرا من اجل اختها
لكنها ارادت المرح..يابت اتقلي شوية 
عصام نظر لها ورفع حاجبه..خليكي محضر خير
نسرين بأبتسامة كبيرة وسعادة تملأ وجهها فهي فعلا سعيدة من اجلهم..ماشي ياسيدي معلش سؤال هو انتو بايتين عندنا ولا حاجة 
عصام نظر لعبير..لأ ماشين ياختي واقترب من السرير ليحمل امجد وعبير تحمل لين ابناءهم فهم ينامون في سرير نسرين 
نسرين اشارت لهم كي يتركوا الصغار في مكانهم..لأ خليهم خد مراتك وامشى انتو كدا كدا ساكنين على اول الشارع ونظرت ل عبير.. والصبح تعالي بدري ياعبير عشان نحضر كل حاجة مع تسنيم لكتب كتاب معتز
عصام بسعادة كبيرة ..انتي احلى نسرين في الدنيا
نسرين ..يالا امشو بقى قبل ما يصحو ويعملو سين وجيم 
عصام بتساؤل..طب وانتي هتقولي لهم ايه 
نسرين تدعي انها تفكر .. اممم ابد هقول عصوم ابن عمتي مش قادر على بعد مراته حبيبته وجاء خدها 
احتضنت عبير اختها بشدة فهي لم تكبر الموضوع لأن دخول الناس في المشاكل بيكبرها يعني لو كان عصام بين احمد وابوها وامها وكل واحد بكلمة المشكلة هتكبر ويكون في كلام جارح لا ينسى 
مشت عبير مع زوجها
خرج احمد وعزت وزينب من الغرفة
احمد نظر لها بفخر ففكرتها فعلا جميلة وقال بصوت مرح..كله تمام
نسرين بضحك..تمام ياباشا كله بنفسك وتعليماتك ياكبير 
احمد ..لأ انتي اللي فكرتي ونفذتي تسلم دماغك ادخل انام بقى مش قادر تصبحو على خير 
نسرين نظرت له ..وانت من اهله
عزت بفرح مما فعلت..شاطرة ياحبيبتي عاقلة زي ابوكي
زينب بغيظ وعصبية..يعني انا مچنونة
نسرين تريد ان تصلح الموقف وتمتص التوتر..لا ياماما مش قصده انتي طيبة واللي في قلبك على لسانك بس خوفنا تقولي لعصام حاجة تزعله ولا كلمة تقلل من عبير بس والله انتي الخير والبركة 
دخل عزت غرفته
ظلت زينب جالسة تنظر ل نسرين 
نسرين استغربت من نظرات امها لها..مالك ياماما في ايه 
زينب نظرت لها نظرة يملأها الخجل فهي خجلت من نفسها على ماقالت في حق ابنتها..سامحيني يابنتي اني قولت انك عايزة تخربي بيت اختك انا كنت خاېفة عليها
نسرين بأبتسامة فهي تفهم موقف امها وتعذرها..انا مش زعلانة بس عايزة اقولك ان الواحدة تطلق وترجع بيت اهلها اهون الف مرة من انها تعيش متهانة كرامتها 
زينب هزت رأسها تؤيد كلامها فهي فعلا محقة ..عند حق
نسرين ..وبعدين الموضوع خلص وانتهى واهي روحت مع جوزها زي السمنة على العسل وانا اللي ادبست