حكاية قاصر بقلم نورين خليل

السماء صافيه والنجوم بتلمع فيها
كلامه علي اد م كان مضايقني بس فرحني 
وفكرت لو كان هشام معايا كان نفسي يشوفني واسمع منه الكلام الحلو كده
روحنا عند العروسه ورقصنا وهيصنا وكنت مبسوطة جدا خلص الفرح وحضرنا الزفه خلص الحلم روحت البيت حسيت ان كل حاجه انتهت..نيمت بناتي وقعدت علي السرير فكرت في كل حاجه وحاجات كتير اوي هشام ليه مش بيتصل يسأل عليا ولا علي بنته داحتي مايعرفش انه بقي عنده بنت تانيه وكمان يارا الي سافرت معاه دلوقتي بيعملوا ايه وقافل فونه ليه
هو انا غلطانة غلطانة اني اتجوزت صغيرة بس انا متجوزتش صغيرة اوي يعني..يعني في بنات كتير بيتجوزوا في سني دا عادي..بس هما مكنوش عندهم فرصه او مكنش عندهم هدف معين يحققوه..اغلب البنات دي بتتجوز وهما مش عايزين يكملوا تعليم ولا حياه اصلا عايزين
يبعدوا عن عيلتهم..ويا بيتجوزوا واحد مش متعلم وعلي اد حاله ي امه عايزاه يتجوز وتشوف عياله وخلاص ي بيتجوزوا واحد غني جدا بس اكبر منهم بكتير
بس انا كان معايا الفرصه عيلتي بتحبني وصحابي وحياتي كانت كويسه اتجوزت واحد فيه مميزات كتير اتجوزني لانه بيحبني مش لانه عايز عيال او غيره يمكن كان لازم اهدي واختار صح ادي نفسي فرصه بس انا اتسرعت يمكن 
ما كل الناس الي في سني دلوقتي ي مخطوبين ي بيفكروا لكن مفيش حد متجوز تقريبا غيري..بس انا بدأت حياتي بدري اوي
طيب كمان فلوسي ودهبي خلصوا هصرف منين
وهكمل حياتي ازاي
نمت من التعب وكتر التفكير وصحيت علي صوت ماما
دلال يلا يا مريم علشان نخلص الي ورانا ونروح لاختك الصباحيه يا حبيبتي
روحت لاختي مع ماما وبابا ومكنتش شفت بيت اختي لان وقت الفرش والتجهيز كان في اخر حملي وفتره الولاده البيت كان واسع وهادي وفرشه كله مودرن مفيهوش تفاصيل كتير واختي قابلتنا وهي فرحانه وجوزها خالد سلم عليه وبصلي كده وابتسم
خالدعامله ايه يا مريم ..ازيك ي ماما
مريم الحمد لله
خالد انتي بجد امبارح في الفرح كنتي قمر مخبيه دا كله فين دا مفيش حد من قاريبي ولا اصحابي الا لما سألني عليكي وجالك عرسان إيه متعديش واقولهم متجوزه يا جماعه مش مصدقين فين هشام بس وسايب الجمال ده كله كده ليه انا نفسي اتعرف عليه جدا ..
مريم انا لسه معرفش عنه حاجه وقلقانه جدا عليه ومش عارفه اوصله حتي التليفون ناريمان وقعته وباظ وكان متسجل عليه كل الارقام ومش عارفه رقم حماتي ولا حمايا ولا اخت هشام الي عايشه هناك انا بفكر اروح لمامت يارا واخد منها رقمها اتصل عليها يمكن ااقدر اوصلوا
بسمه ربنا يريح قلبك ي حببتي اد ايه كنتي جميله ي مريم في الفرح
دلاليلا بقي يا مريم هاتي البنات علشان نمشي كفايه كده نسيب العرسان يستريحوا بقي
بسمه.. لا يا ماما خليكوا شويه كمان
دلال ماحنا هنيجي تاني بكره ولا بعده
بسمه ماما احنا بعد بكرة مسافرين الساحل في الشاليه بتاع خالد تعالوا معانا
ماما لا يا بسمه مايصحش كده وانتوا لسه عرسان
خالد لا طبعا يا ماما لازم تيجوا ومريم كمان
مريم لا لا مقدرش شكرا مش نافع
بسمه ليه يا مريم تعالي وفرصه تغيري جوا والبنات تتفسح وتشوف البحر ومايو ناريمان هديه مني كمان
مريم ازاي يا بسمه انتوا عرسان جداد ازاي اجي بأولادي هيزهقوكوا
خالد الشاليه دورين وانتوا في الي تحت علشان ناريمان تلعب في الجنينه براحتها واحنا فوق
خلاص مفيش كلام جهزوا الشنط وهنعدي عليكوا بالعربيه ونسافر علي طول
بصراحه كنت فرحااااانه جو المصيف والبحر ده محتجاله جدا بس بردوا محتاجه فلوس طلبات البنات لبس وبامبرز ولبن بعدين هعمل اي
ماما وبابا سافروا البلد يجهزوا نفسهم وانا جهزت الشنطه و روحت بعد كده لبيت مامت يارا واخدت منها رقم الفون بتاعها هناك وطبعا مش معايا فون اتصل فقررت اتصل بيهم وانا في الساحل من فون بسمه اختي اكيد هيكون معاها رصيد يكفي اني اتكلم دولي
خالد و بسمه عدوا جابوا بابا وماما من البلد وبعدين عدوا عليا طول الطريق وانا بفكر امتي اوصل واتصل علي يارا واعرف منها هشام فين وليه مابيكلمنيش وليه فونه مقفول نفسي اشوفه بقي واحشني اوي بجد نفسي ييجي ويشوف بنته ويا تري هيفرح لما يعرف اني خلفت تاني
ولا هيتضايق لاني مش قولتله في الاول
بس انا لما كنت هقوله هو مكنش موجود .
وصلنا الشاليه واول ما وصلت مفكرتش في حاجه غير اني اخد التليفون من بسمه اتصلت علي رقم يارا ومفيش رد رنيت علي هشام كمان مقفول
بسمة لا استني انتي بترني علي هشام و رقمه مش براا مصر
مريم اه
بسمة لا لا انا
مش معايا رصيد كفاية استني هبقي هشحنلك دولي
معرفتش استمتع خاالص بأول يوم
دايما داليا بټعيط ي ناريمان مش عارفة عايزة اي وكل ما اروح في حته افتكر انهم لوحدهم ماما كانت شايلاهم اه بس مش طول الوقت 
كنت متخبلة بيهم طول الوقت
.طمكنش معايا فلوس كتير تكفي اني اشتري لعبه ولا اي حاجه هما يشبطوا فيها..مكنتش حتي هجيب مايو لناريمان بس اختي بسمة فعلا اشتريتلها واحد زي ما قالت وحمدت ربنا انها هتعرف تنزل البحر انا كنت بس محتاجاه معايا..يشيلهم عني ..يقعد معاهم انما انا كدا مش عارفة اعمل حاجه ولا اخرج ولا انزل البحر ولا المرة الي قعدت فيها ماما بناريمان ملحقتش حتي اتمشي ع البحر شوية رجعت لقيت ماما بتقولي انها نسيت حاجه في البيت روحت اجيبها وعقبالما جيت كانوا الناس بيمشوا خلاص...
تعبت ومبقتش قادرة استحمل خلاص اخدت التليفون من بسمة تاني بعد ما شحنت ورنيت
ردي بقي ردي..دي المرة التالتة الي ارن فيها
ياراالوه مين معايا
مريم يارا!
ياراايوه مين حضرتك
مريم انا مريم نستيني
يارامريم اي دا بترني عليا من رقم غريب ليه في حاجه ولا اي 
مريم ايه مكنتيش
عوزاني اعرف انك سافرتي صح
يارا لا مش كده مقصدش انا بس استغربت !
مريم وسافرتي ليه من غير ماتقوليلي
يارا هو كان لازم لما اجي اسافر اقولك اي الي بينا يخليني
اقولك اصلا
مريم كنت بتقولي اهلك مش موافقين وانك مش مسافره وانا صدقتك
يارا انا كمان قلتلك بحاول اقنعهم وبعدين انا مش فاهمه انتي عاوزه ايه بتكلميني كدا ليه و عشان اي
مريم فين هشام يا يارا مش بيكلمني ليه قافل تليفونه ليه ايه الي بيحصل عندك
وانتي إيه الي بينك وبينه انتي عوزه تاخديه مني ومن بناته 
يارا ايه الي بتقوليه ده
مريم اتفاجأتي
مكنتيش تعرفي اني فهمتك من يوم ما جيتي عندي وانا والده ناريمان وبعدها ورحتي اشتغلتي في الشركه ودلوقتي سافرتي وراه
هو انا مش فاهماكي ولا مفكراني هبله انا فهماكي وفاهمه خططك وحركاتك دي
يارا خطه اي هو انا بتاعت خطط والكلام دا وبعدين معقول يا مريم انتي تفكري فيا كده انا عمري ماعمل كده انتي صاحبتي !!
مريم تفسري بإيه ان هشام بعد ما كان بيكلمني علي طول بطل يكلمني بعد ما انتي سافرتي كمان يقفل التلفون خالص
ياراانا معرفش انه مش بيكلمك ويطمن عليكي انتي وناريمان
مريم متعرفيش وانا المفروض اصدقك واصدق انك متعرفيش
كمان انه