حكاية قاصر بقلم نورين خليل

انا مش صغيرة علي فكرة ودي حياتي وانا حرة فيها
خرجت بسمة من الاوضه وبعد شوية سمعت صوت بابا بيزعق...ماما تقريبا كانت بتقوله وبعد شويه مبقاش في صوت خاالص ولقيت بابا دخل الاوضه عندي وقالعايزة تتجوزي ي مريم 
اه
انتي عارفة نتيجة الي هتعمليه دا اي
اه
وهتتحملي كل حاجه
اه
يعني موافقه 
اه ي بابا موافقه
طب فكري ي بنتي صلي استخارة طيب
مش محتاجه ي بابا ودا مش هيغير حاجه في قراري
مشي خطوتين وراح للباب واداني ضهره بكرة الصبح تديني قرارك النهائي ..
مش فاهمه اي لزومة الوقت يعني انا موافقه من دلوقتي بس مش مشكله .
صحيت تاني يوم وانا كلي حماس جريت علي برة اول ما صحيت وقعدنا فطرنا في جو صامت علي عكس الايام التانيه بنبقي بنضحك وبنهزر لحد ما بابا قطع صمتي وقال فكرتي ي مريم
قولتلك يا بابا اني مش محتاجه افكر انا موافقه
كان عندي امل ترجعي عن الهبل الي في دماغك دا بس هتصل علي عيلة الولد واقولهم اننا موافقين
قام بابا وبعدها ماما قامت وراه 
انت موافق علي الي بنتك هتعمله دا
انا مش عايزها تعمل حاجه من ورانا افرضي هربت وراحت اتجوزته ولا افرضي عملت ف نفسها حاجه انا مش بإيدي حاجه غير اننا نقنعها ترجع عن الي ف دماغها قولت ل بسمه تكلمها وهي بتكلمها من امبارح وهي بردو مصرة ف خلاص لما تبقي قدام عينيا احسن .
وبعدين هنعمل اي 
ولا قبلين انا هتصل بيهم اقولهم اني موافق وهي تتحمل نتيجه قرارها بقي
بدأت ټعيط بس يا محمد انا خاېفه عليها مش عايزاها تدمر نفسها كدا مش هتقدر تستحمل هي كل دا
خلاص ي دلال كفايه عياط الي يحصل يحصل بقي
انا كنت فرحانة جدا مكنتش مصدقة نفسي اتصلت بهشام وقولتله وكنت فرحانة جدا
عدت الايام اتخطبنا وبعدها بشهر كان الفرح كانت فترة الخطوبة دي احلي فترة قضيتها في حياتي..كان دايما هشام يجيبلي هدايا ودباديب ويعزمني برا ويعملي مفاجآت ويوم ما روحنا نجيب الشبكه ش قادرة اوصفلكم مدي سعادتي بالدبلة انت اول مرة يجيلي دهب كتير كدا 
ولما روحنا ننقي العفش..انا الي كنت بختاره كنت بختار اللبس والميكب والبرفانات والحاجات الي هستعملها في بيتي..انا الي بختارها..مش ماما لحساس انك تختار الحاجه بتاعتك بنفسك محدش يختارلك او يتدخل في اختياراتك
وقبل الفرح بتلات ايام
الله ي هشام ...الفستان دا جميل اوي
بص دا حلو اوي هو كمان ودا ودا انا هلبس الفستان الحلو دا مش مصدقة!!
صدقي ي حبيبتي شوفي بقي انتي عاجبك انهي واحد
بجد شكرا ي هشام انا مش مصدقة ان كل دا هيبقي بتاعي وليا كل الحاجات دي جميلة اوي ..مش فاهمه ماما وبابا كانوا رافضين ليه!!
عدت التلات ايام وجه يوم الفرح روحت الكوافير
وعملت شعري وحطيت ميكب كانت اول مرة احط ميكب كنت فرحانة اوي بيه وبالفستان وبشعري وبكل حاجه كنت مبهورة متخيلتش ان الجواز حلو كدا!!
صحيح اهلي مكنوش
فرحانين بس انا مهتمتش..المهم ان انا
فرحانة !
نورينخليل
يتبع .. لينك البارت التاني
قاصر
2
صحيح ماما وبابا مكنوش فرحانين بس مهتمتشالمهم ان انا فرحانه..
كتبنا الكتاب وعملنا فرح بس صغير شوية مكنش فيه ناس كتير بس الناس الي كانت في الفرح كانت بتبصلي بإستغراب صحابي وقرايبنا عمالين يقولو ليه عملتي ف نفسك كدا ومنهم اسماء صحبتي الي قعدت ټعيط محسسني اني رميت نفسي ف الڼار! كلهم مستغربين اني اتجوزت وانا صغيرة بس عادي دي حياتي وانا حرة وانا مبسوطة بقراري
خلص الفرح وروحنا قضينا شهر العسل.. وعدت الايام هشام كان كويس معايا ومكنش في اي حاجه وحشة في حياتنا .. حياتي كانت حلوة بعمل الاكل الي انا عايزاه واعمل في الوقت الي بحبه وبلبس الي انا عاوزاه وبشتري الي انا عاوزاه من غير ما حد يحاسبني او يقولي انتي بتعملي اي
كنت مهتمة بهشام جدا...
حبيبي البس القميص دا بلاش الازرق مش هيليق
استني اكويلك القميص ..انت هتخرج بيه ازاي كدا
هحضرلك الحمام ولما تخرج هكون سخنت العشا
استني امسحلك الجزمة..كلها تراب
وهشام كان فرحان جدا بالي بعمله والاهتمام دا كله وكان بيقدرني سواء بكلامه الحلو او بالهدايا 
شكرا ي مريم ي حبيبتي
تعالي هعزمك ع العشا النهاردة..
اي رأيك في القميص دا
انتي بجد حاجه حلوة في حياتي ي مريم ..دا ماما نفسها مكنتش بتعمل دا كله
لحد ما بعد حوالي تلات شهور في يوم كنت تعبانة جدا ورجعت كتير وكنت تعبانه بشكل مش طبيعي هشام قالي انه لما ييجي بليل هيوديني للدكتور بس التعب ذاد ومبقتش متحمله استني ف روحت للدكتور هشام للأسف مجاش معايا لانه كان مع اصحابه في جامعته دا غير انه لسه هيروح شغله في شركه باباه بس بيدرس وفاضله سنتين في كليته !
الدكتور انتي حامل !
بجد ي دكتور
انتي لازم تعملي شكوي في اهلك او في جوزك..ازاي جوزوكي في السن دا!!
انا هساعدك الحمل دا غلط عليكي انا مش فاهم ازاي لسه في ناس بتجوز ولادها وهما صغيرين ازاي ف الزمن دا لسه فيه اكل بيفكروا بالطريقه دي وكل دا عشان اي عشان الفلوس انتي ازاي وافقتي علي حاجه زي كدا !
لا ي دكتور انت بتقول اي اهلي مغصبونيش ولا حاجه
مټخافيش انا معاكي والناس معاكي والقانون معاكي ومحدش هيقدر يعملك حاجه وانا هساعدك لحد ما تخلصي تعليمك وتقفي علي رجلك وتتطلقي من جوزك دا وهبهدلهم ف المحاكم.
ي دكتور لا انت فاهم غلط اهلي كانوا رافضين اني اتجوز انا الي اصريت انا كنت عايزة ابدأ حياتي بدري انا مش عايزة اشتكي انا عايزاه وعايزه ابن منه!
ازاي اهلك سمحولك بكدا و انتي ازاي تعملي ف نفسك كدا 
ي دكتور حضرتك دي حياتي وحضرتك ملكش حق تتدخل فيها..ممكن تفولي بقي اعمل اي وانا حامل في الشهر الكام
ي بنتي مټخافيش محدش هيقدر يعملك حاجه والله اتكلمي انتي بس واتشجعي شوية وسيبي الباقي عليا انا هساعدك
ي دكتور لو سمحت كفايه لحد هنا انا جيالك تكشف عليا ولا تديني محاضرة
خلاص انا آسف ع التدخل انتي حامل في الشهر التاني اتفضلي الادويه دي مهمه متتحركيش خالص عشان الحمل يكمل الحركه غلط عليكي ..
ازاي ي دكتور يعني هفضل طول الوقت قاعدة
اه ..الحركه البسيطه حتي في البيت هتضرك..انتي لسه صغيرة والحمل دا غلط عليكي ودا لازم عشان الحمل يكمل وعشان ميبقاش في غلط عليكي .
حاولي تقللي الحركه علي اد ما تقدري والمجهود وتهتمي بأكلك وبصحتك .
خرجت من عند الدكتور وانا فرحاانة ان هيبقي عندي طفل وروحت البيت وملقتش هشام ..فضلت طول الليل مستنياه..لحد ما نمت م التعب..صحيت تاني يوم لقيته بيغير هدومه ونازل ع الشغل
مريم حبيبي...انت جيت امتي
هشام جيت ع الساعه تلاته كدا ..ليه
مريم كنت فين كل دا
هشام عادي كنت سهران برة مع صحابي
مريم كل دا ي هشام دا انت اتأخرت اوي
هشام ڠصب عني يا حبيبتي والله طول اليوم ف الكليه وخرجت منها ع الشغل وانتي عارفه كان بقالي كتير مبقابلش صحابي ف روحت قابلتهم شوية بس
مريم اصلي كنت عايزة اقولك اني روحت للدكتور واني حامل!
هشام حامل اي دا