حكمنا الهواء
لهمس بغيظ لو صورة زي دي اتنشرت ليكي مش هتتعيني معيدة أبدا لان مجلس الكلية هيرفضك ده مش حرام انتوا بتتكلموا بأنهي منطق
المحامي سكت وهمس اللي علقت بإقناع هي اتحبست وهتتعلم الدرس كويس يا سيف وأبوها وأمها لا يمكن يسمحولها تكرر غلطها تاني فليه ما نسامحش أرجوك لم الموضوع شوية وبلاش تكبره
سيف بص للمحامي بجمود قدم الفيديو ده دليل ضدها وخلينا نشوف الدنيا هتمشي ازاي ولما أنا أحس انها فعلا ندمانة أو وطت راسها شوية ساعتها بس ممكن أفكر أعمل اللي بتقولوه ده .
سيف اتنهد بضيق ياريت يوصلها وتفسخ الخطوبة دي بنفسها وتريحني .
همس سكتت واتنهدت وحاسة پخوف من الخطوة الجاية .
الكل اتجمع عند وجدي اللي عمال يتفاجئ كل شوية بحاجة جديدة آخرها الشروع في قتل المحامي شرح اللي حصل والكل شاف الڤيديو بعد اعتراض أنور ان بنته ممكن تعمل كده أنور راح وقف قدام سيف وهمس برجاء انتوا كده هتضيعوا مستقبل بنتي أرجوك يا باشمهندس سيف
وعايزة تتسبب بڤضيحة لينا احنا الاتنين وقبلها حاولت ټقتلها كل ده ايه عادي ليها لكن حرام علينا احنا اننا بنواجهها بأخطائها ! ما قبل ما تقف قدامنا وتقولنا حرام مستقبل بنتي فين تربيتك ليها
أمها اتدخلت پبكاء هي غلطت وعرفت دلوقتي عواقب تصرفاتها ومستعدين لأي حاجة تطلبوها بس بلاش الطريق ده انتوا هتضيعوا بنتي .
أنور اتكلم پانكسار بنتي غلطانة وستين غلطانة بس أرجوك بلاش السچن هي ماكانتش مستوعبة خطۏرة اللي بتعمله دي عيلة وغلطت وأرجوك سامحها بلاش تدمرها انت أستاذهم ازاي حضرتك قاسې بالشكل ده
رد بضيق أنا نبهتها كتير ووقفت قصادي واتحدتني كذا مرة وسامحتها مرة بعد مرة بس هي تمادت أوي خليها تدفع تمن أخطائها شوية بص لوجدي وكمل بجمود سوري اللي عندي قلته وماعنديش استعداد للتنازل أنا أو هي .
نانيس قاعدة في السچن المؤقت مش مصدقة الحال اللي وصلتله والأصعب ان أبوها مش في ايده حاجة ! تخيلت مستقبلها بيتدمر قدام عينيها وعمرها اللي هيضيع في السچن وكل ده ليه علشان غرورها وانها رافضة تتقبل هزيمتها قدام سيف وهمس ! والنتيجة اهيه اترمت في الحبس وسط المجرمين ومستقبلها هيضيع لو سيف وهمس مااتنازلوش بمجرد وصولها للنقطة دي واڼفجرت في العياط على غبائها اللي حطها في الموقف ده وغرورها اللي سيطر عليها .
بصتله وزعقت بحنق انت ليه مصمم تدخلني لطريق أنا مش عايزاه أنا مش عايزة أضيعها أنا مش حابة ده يا سيف أنا أبويا رباني أعامل الناس بأخلاقي مش بمعاملتهم هي غلطت لكن أنا مش زيها .
بصلها واتنهد بإعجاب لأنه بيعشقها كل لحظة أكتر وأكتر فاق من شروده فيها على صوتها وهي بتزعق بنفاد صبر انت بتبصلي كده ليه يا سيف اتكلم معايا أرجوك
قاطعته بحنق ده مش أدب ده دمار يا سيف و ....
قاطعها المرة دي بنفاد صبر يا بنتي سيبيني أكمل الجملة أنا كلمت وجدي وقلتله خليها كام يوم تتأدب ويعطل كل حاجة وفي الآخر هنتنازل مش هكبر الموضوع يا ستي بس هي محتاجة قرصة ودن خليها تتقرص ودنها في السچن كام ليلة وبعدين نخرجها .
همس ابتسمت وسألته بحماس انت بتتكلم بجد
استغرب تحولها وفرحتها ورد بتأكيد اه يا ستي بتكلم بجد أنا عندي كام همس يعني
ابتسمت وسكتت بعدها وابتسامتها اختفت شوية شوية لأنها بتتمناه معاها في كل لحظة بس للأسف كل حاجة حواليهم بتفرقهم عن بعض .
أنور راح لسيف الشركة ودخل في الموضوع أبوه اللي ما رضيش يعارض ابنه واستنى لحد ما مشي فقعد مع ابنه يفهم ايه اللي حصل بالظبط بس كان معارض إصرار سيف ان البنت تتحبس أو الأصح حط نفسه كأب مكان أنور اللي بيخسر بنته وحاسس بالعجز ومش عارف يعمل ايه
سيف بعد ما ساب نانيس تتأدب كام يوم في الحبس الاحتياطي قرر يروح هو وهمس ويتنازلوا الكل اتجمع عند وجدي وسيف طلب من أنور ان بنته تعتذر لهمس وبالفعل نانيس وقفت قصادها بخزى أنا آسفة على كل اللي حصل .
همس لسه هتتكلم بس سيف سبقها ورد بكبرياء اعتذري على كل حاجة عملتيها وقولي بتعتذري على ايه بالظبط
نانيس بصت بتوتر لأبوها اللي شاورلها تعتذر فبصت لهمس پانكسار آسفة اني زقيتك في الميا بس ماكانش قصدي أبدا أقتلك بس أضايقك لأني عارفة ان في كتير يقدر يطلعك بسهولة وبعدين ما أعرفش أصلا انك ما بتعرفيش تعومي فتخيلت ان ده مجرد هزار رخم وهدومك تتبل وشعرك مش أكتر من كده .
سيف بصلها بتهكم بلاش مبررات مالهاش قيمة واعتذري فقط على تصرفاتك .
نانيس بصتله بحنق ورجعت بصت لهمس واتكلمت بتوتر وآسفة على استعمال الصورة دي ضدك أنا بس
غرت من نجاحك واهتمام دكتور سيف بيكي .
همس ابتسمتلها باقتضاب أسفك مقبول .
سيف وقف قدام همس بقوة بالنسبة ليا أنا أسفك لسه مش مقبول .
أنور وقف بذهول يا ابني احنا نفذنا كل طلباتك وبنتي اعتذرت اهو و ....
قاطعه سيف پغضب اعتذرت لكن لسه ما صلحتش غلطها .
أبوها بصله بدهشة وتصلحه ازاي
سيف بصلها بترقب مين صور الصورة دي لأن مش انتي مين صورها وجيبتيها منين
نانيس بصت للأرض بحزن وأبوها مسك دراعها بنفاد صبر جاوبيه وانطقي خلينا نخرج من هنا ولا عجبتك القعدة هنا
نانيس بصت لأبوها بخذلان وبصت لسيف بقلة حيلة هايدي اللي زقتها ساعتها علشان تقع قدامك وتضحك الكل عليها بس انت مسكتها وماخليتهاش تقع وهي كانت طلبت من أصحابها يصوروها بتقع وبالفعل صوروها بس ما وقعتش لأنك مسكتها وفي مرة كنت بشتكيلها انك مهتم بهمس وبس فورتني الصورة وأخدتها منها وبس .
سيف سمعها باهتمام وعلق بسخرية وبدل ما تحاولوا تجتهدوا زيها وتلفتوا انتباه واهتمام الدكاترة بتحاولوا توقعوها هي وبس ما علينا ودلوقتي السؤال الأهم جيبتي منين الفيديو بتاعي وازاي وصلتيله
نانيس بصتله پصدمة لا لا مش أنا مش أنا اللي نشرت الفيديو ده .
ابتسم بغموض وحاول يستفزها انتي هددتي بنشر الصورة وقبلها نشرتي الفيديو ليا نفس الشخص ونفس الأسلوب .
نانيس بعياط لا مش أنا بصت لأبوها تستنجد بيه بابا مش أنا والله ما أنا أنا هجيب فيديو قديم لحضرتك منين مش أنا والله .
سكت شوية يوترها ورد ببرود طيب ولنفترض ان مش انتي بس
