اسميته يوسف شهد محمد
جسمي انا كدا كدا فلات صوتي هخشنو طريقتي هبقا مسترجله اسمعي الكلام بقا
طب والبطاقه واسمك
هكلم الواد حوكش هو ليه في التزوير هخليه يكتب بدال أنثى ذكر وبدال روز ياسين اي رايك
طب ولو الصدفه جمعتك ب يوسف واكيد يوسف هيعرفك
لاء متقلقيش مش هيعرفني هو بمسافة ما بيروح الشغل بينسى ملامحي اصلآ
طيب بس بصي لو لا قدر الله يعني اتقفشتي متجبيش سيرتي اللهي ربنا يسترك
قولتها وسيبتها ونزلت جبت الورق بتاع يوسف من شقتي ورجعت اديتهالو ونزلت اتفقت مع حوكش يعملي البطاقه قال انها هتاخد وقت
عدا اسبوعين ومكانتش لسه خلصت قولت احاول مره تانيه مع مديري عشان غالبآ في خوف جوايا
وبالفعل روحت الجريده ودخلت مكتب المدير اول ما شافني قال
المقال خلص
في الحقيقه لاء
بصي يا روز عدا اسبوع عدا شهر عدا سنه وقت ما يخلص هترجعي شغلك غير كدا اطلعي بره
خرجت وانا بقول
مفيش فايده
جتلي مسدج من حوكش ان البطاقه خلصت ابتسمت وانا بقول
حان وقت الخطړ!
روحت خدت البطاقه منو ورجعت على البيت جهزت الورق اللي سلمى عملتو وخدت هدوم رجالي من عند بابا وقصيت شعري وروحت عملت شنب ودقن فيك وقبل ما البسهم خرجت ل ماما وبابا وانا بقول
انا عندي شغل وهسافر واحتمال اتأخر شهر أو اتنين
يا ستي قوليلها رايحه فين ولا خلي بالك من نفسك ولا ربنا يستر طريقك فين قلب الام
ردت ماما على بابا وهي بتقول
عند امك
طبعآ سيبتهم پيتخانقو سوا ودخلت البس اوقات كنت بزعل ان اهلي مش بيهتمو بيا بس طلع عدم الاهتمام ليه لازمه اهو وهيفدني
لبست الشنب والدقن والهدوم الرجالي وخدت شنطتي ومشيت و
شهد محمد
مشيت من بيتنا اتجهت للمكان اللي هكون فيه ومن اول ما شفا المبنى وانا الخۏف جوايا ذاد كنت عايزه امشي ولاكن هكمل عشان اثبت ل يوسف اني مش مجنونه واني مش هفشل وعشان كمان بحب شغلي
خشنت صوتي ودخلت مع العسكري ل مكتب الرئيس بتاعه وهو بيقول
ياسين الحسيني يا فندم اتبعت جديد
بص ليا وخد الورق من العسكري وقال
بصيت ليه وانا ھموت من الخۏف خشنت صوتي وقولت
يمكن انا اللي جيت بدري يا فندم يمكن الجواب يجي بعد شويه او بكرا او بعده
بص للورق وللبطاقه وقال
عمومآ عسكري محمد هيوصلك ل اوضتك نظم وقتك وشوف القائد بتاعك وانا منتظر الجواب
تمام يا فندم
مشيت مع العسكري وانا عيني في كل حته حاسه اني حطيت نفسي في ورطه اي اللي عملتو ف نفسي ده انا مش كان اخري أقف في المطبخ اعمل إندومي
دي اوضتك يا ياسين باشا هتشاركها مع حسن وحسين زمايلك
اي لاء انا عايز اوضه لوحدي
اتكلم
صوت انا من ورا وقال
اوضه لوحدك اي انت فاكر نفسك في اوتيل
بصيت ورايا وكان زاي ما حسيت يوسف جوزي قصدي طليقي!
حاولت اخشن صوتي وانا ھموت من التوتر وقولت
خلاص يا فندم هشاركها معاهم
بص ليا من فوق ل تحت وقال
انت جديد صح
ايوه صح انا جديده ااا قصدي انا جدي
ومالك كدا مش على بعضك ليه
هيبتك يا فندم هيبتك تعمل اكتر من كدا
بص ليا بشك بعدين قال
طيب ادخل ريح شويه انت جاي من سفر بس اعمل حسابك بكرا مفيش اي سبب يمنعك من التدريب معانا انت فاهم
فاهم يا فندم
قولتها ودخلت الاوضه مكنش فيها حد فتحت الدولاب رتبت فيه هدومي والهدوم الداخليه سيبتها في الشنطه وحطيت الشنطه تحت السرير ووانا واقفه دخل عليا اتنين اتكلم واحد فيهم وقال
انت ياسين صح
ايوا اه انا ياسين
نورت يا صحبي انا حسين
اتكلم صحبو التاني وقال
وانا حسن
اهلآ يا شباب ازيكم
تمام بس وحيات امك اقفل النور خلينا نلحق ننام ساعه قبل معاد التدريب التاني عشان يوسف باشا ميعاقبنش
قفلت النور وجريت على سريري اتغطيت وانا بقول
هو احم احم يوسف باشا ده صعب
اتكلم حسين وهو بينام وقال
اوي اوي اوي من هنا للسنه الجايه بيحب النظام وميحبش حد ميسمعش كلامو ويالهوي بقا على العواقب بتاعته
عباره عن اي العواقب دي يعني
رد حسن وقال
حاجات بسيطه يا سيدي يدوبك تلف المبنى كله الف مره في ساعه ولو الساعه خلصت وانت لسه مخلصتش الالف لفه بتعيد من الاول خالص
حلاوته يوسف باشا حلاوته
قولتها وحاولت انام لاكن معرفتش كنت بفكر في يوسف والكلام اللي بيقولو عليه كأنهم بيحكو عن يوسف تاني خالص
يوسف اللي اعرفه حنين بېخاف عليا من خصلة شعري انها ټجرح خدي معقول في شغله حاجه تانيه!
طب اي اللي ممكن يحصل لو كشفني هيتعاطف معايا ولا هيقف قصادي لأجل شغله والقانون
بعد تفكير كتير غفلت ونمت وصحيت مخضوضه من صوت الباب الحديد اللي اتفتح وڠصب عني صړخت بصوتي الحريمي
حسين بص ل حسن وهو بيقول
سمعت اللي سمعته
سمعت اي
صوت حاجه عرسه او عصفوره بتصرخ
قوم يا حسن الله يرضى عليك مش عايزين يوسف يعاقبنا على وش الصبح
حاولت اعمل نفسي نايمه ولاكن صحيت اول ما شفت حسن بيغير هدوم اتكلمت وقولت
معلش ممكن تغير جوه
ضحك وهو بيقول
انت من النوع اللي بيتكسف ماشي يا سيدي هغير جوه
قالها ودخل غير هدومه هو وحسين وخرجو وقومت انا دخلت الحمام اشوف الشنب والدقن لسه متركبين ولا لاء ولقيت مقص قصيت شويه كمان من شعري
ورجعت نمت تاني وانا شيء ما مطمنه فضلت طول اليل نايمه لحد ما صحيت على صوت حسن وحسين وهما بيقولو
قوم يا ياسين عشان تاكل وعشان تستعد استرحتك خلصت
بصيت ليهم بقلق وبصيت للأكل بأستغراب وانا بقول
هو اي ده
ده بيضه و جرام حلاوة طحينيه ومربي و جرام جبنه بيضا وفيه مثلث جبنه نستو مع برتقاله و جرام فول بالزيت والليمون ورغيف عيش
بصيت ليهم وانا بقول
لاء انا عايز بيتزا
دخل يوسف على الكلمه دي بص ليهم وليا وقال
عشر دقايق وتكونو قدامي في الساحه ومفيش فطار مفهوم
قالها وخرج رد حسن وقال
عايز بيتزا اديك ولا طولت عنب اليمنى ولا بلح الشام البس يا خويا البس
قومت لبست معاهم الينيفورم اللي عباره عن البنطلون اللي فيه ألوان كتيره ديه وفيهم الون الأخضر مع الشوز الطويله وطبعآ خدو وقت عقابل ما وصلو ل مقاس رجلي اصلي بلبس مقاس ٣٦ ودي كانت حاجه عامله ذهول للكل
بعد ما لبست وطلعت معاهم للمكان اللي هندرب فيه كان يوسف واقف ب فلنه سوده كت مبينه عضلاته وقدامه الفريق بتاعه جزء بيشيل حديد وجزء بيضرب ڼار وجزء بيشيل الكوتشات اللي هي بتاعت العربيات الكبيره دي
بص ليا وهو بيقول
دلوقتي بقا انا عايز اشوف اخرجك اي واولك اي وريني كدا وانت بټضرب ڼار
بصيت ليه بصدممه وانا بقول
بس يا فندم يعني احم
إنجز يلا
قالها وسلمني المسډس او معرفش بيقولو عليه اي وكان المفروض اضرب على دايره حمرا في لوحه متعلقه والحمدلله ضړبت في كل الاتجاهات معاده الدايره الحمرا دي
بص ليا بغيظ وهو بيقول
هايل برافو عليك ظابط بحق وحقيقي
اتكلمت بتوتر وانا بقول
اصل يا باشا احم انا كنت عامل حاډثه وفضلت اكتر من سنه ونص بعيد عن الشغل وبتعالج علاج طبيعي
فا اعصابي
