ابن خالتي

زمانها اتعلمت الادب ومش هتقول علي حاجه لا ليا بعد كده وبيروح نازل المخزن الي بيلاقي بسنت مغمي عليها من قولت الاكل والمايه 
وبيروح واخدها ابراهيم ومطلعها علي فوق وبيجيب ليها الدكتور
وقي البيت عند عمتي كانت قاعده مع واحده بيجي هشام
العمه 
كويس انك جيت يا هشام اي الي اخرك كده تعالي اعرفك دي ليلي بنت واحده صاحبتي 

اقعد معاها لحد ما ادخل اجيب حاجه وارجع
هشام 
حاضر يا ماما وبتروح داخله وسيباهم
ليلي 
طنط كل ما تيجي عندنا كانت بتفضل تكلم عليك لحد ما كنت ھموت واشوفك 
ومصدقتش نفسي لما طلبت ان اجي زياره ونتعرف علي بعض وكده
هشام 
يعني ماما مخلياكي تيجي علشان كده تمام يا ليلي بس ماما نسيت تقولك ان انا كنت بحب واحده تانيه بس انا لسه منسيتهاش 
وانا مستحيل ارتبط بحد تاني 
وانا لسه قلبي متعلق بيها
ليلي 
انت عارف معني كلامك دا اي ان انا فارضه نفسي عليك بس تمام يا هشام انا الي قليت من نفسي ان جيت هنا بس انت حر وبتروح واخده شنتطها ويتمشي
العمه 
.يا ليلي ياليلي انت عملت اي في البنت خليتها تمشي بالسرعه دي
هشام بضيق 
ماما لو سمحتي انا مش حابب الي بتعمليه ده لو سمحتي ولما ابقي جاهز ان ارتبط بواحده 
انا هاجي اقولك اما انتي تجيبيها من غيرما تقولي ليا انا مش عيل صغير
العمه 
يا بني يعني انت عجبك الي بتعملو في نفسك ده 
علي الاقل تشوف حياتك زي ما هيه شافت ومبصتش وراها
مش معقول تفضل واقف مكانك والعمر يجري بيك
هشام بحزن 
هحاول يا ماما بس بالله عليكي تصبري عليا 
انتي متعرفيش ايمان كانت بالنسبه ليا اي 
وبيروح مخلص كلامو ويدخل علي الاوضه
العمه بغيظ 
لا انا مستحيل اسكت وبنت سماح تفرح بيا ان الواد مش راضي يتجوز بعد ما هيه اتجوزت انا لازم اتصرف
وفي البيت عندي بيجي الدكتور
الحما 
انا مش فاهمه لازمتو اي الدكتور تلاقيها بتدلع ولا هيه مصاريف علي الفاضي وخلاص
ايمان 
مش وقتو يا خالتي كلامك ده انتي مش شايفه ابراهيم جايبها كان وشها اصفر ازاي 
انا قلقانه لا يكون حصل ليها حاجه
الحما 
مالك يا ختي مخضوضه عليها ليه حده هو انتي ناسيه انها ضرتك ولا اي بس مش وقتو كلامك ده لما اشوف الدكتوره يطلع يقول اي وافوقلك حاضر
وبعد شويه بيخرج الدكتور وكان معاه ابراهيم الي كان مبسوط 
الي بيديه الرشته وبيمشي
الحما 
مالك يا واد طالع فرحان كده ليه قولي ان المخڤيه للي جوه راحت متعرفش انا ممكن اعمل اي
ابراهيم 
اسكتي يا اما انتي بتفولي علي بسنت بايه 
بسنت حامل وانا مش مصدق ان خلاص هبقي اب
الحما بلويه بوز 
مبروك يا خويا اخيرا عملتها بس براحه علي نفسك شويه علشان متتفرعنيش علينا مش ناقصين
ابراهيم 
بقولك اي يا ماما كل الي بسنت تطلبي اعملوهلها انا عاوزها تقوم بالسلامه 
انتي يا بت انتي مالك واقفه كده ليه ادخلي شوفي ستك لو عاوزه حاجه تعمليهالها 
وعلي الله تشتكي منك او تقول حاجه ومتنفذهاش
ايمان 
حاضر يا ابراهيم الي انت عاوزو وبروح داخله علي جوه
الحما 
انا مش هسيبك النهارده الا لما تقولي البت دي ماسك عليها اي مش معقول تقول حاضر ونعم كده الا لو في حاجه ماسكها عليها
ابراهيم 
هو ده وقتو يا ماما وسعي ان هنزل هفرق حاجه سقعه انا مش مصدق ان خلاص هبقي اب وبيروح نازل
الحما بغيظ 
ماشي يا ابراهيم بس انا وراك والزمن طويل لما اشوف اخرتها معاك ومع المعدوله التانيه 
وفي الاوضه عند بسنت
بسنت بضيق 
عاوزه اي وجايه عندي عاوزه مني اي
ايمان 
ابراهيم قالي ادخل ليكي لو محتاجه حاجه اعملها لك وعاوزاكي متتحركيش من مكانك كل الي