اخويا جوزني وانا عندي 10 ستين عشان ياخد ورثي _بقلم رحاب القاضي

ما تنحيش كده..
_وراحت ملاك عملت الشاي وبالليل كانت رايحه تاكل معاهم بس نجلاء بصتلها بغيظ وقالت..
نجلاء
ملااك روحي كلي في المطبخ عشان اخويا جاي ياكل معانا..
نعيم 
جرا ايه يا نجلاء وفيها ايه اما اخوكي يجي وياكل معانا والبت موجوده..
نجلاء
اسمع انت بس كلامي يا نعيم البنت كبيره وعيب تقعد قدام اخويا وهو شاب وكده..

نعيم 
خلاص اسمعي كلام مرات اخوكي يا بت يا ملاك وادخلي يلا جوه كلي في المطبخ استني خدي حتت اللحمه دي شوفتي انا طيب ازاي معاكي رز وباميه ولحمه اهو ولا عيشة الملوك..
ملاك بدموع
طيب يا ابيه نعيم خلي نيره تيجي وتاكل معايا عشان انا مش بحب اكل لوحدي..
نجلاء
نعم نعم يا ست ملاك بقي عايزه تقارني نفسك ببنتي لا فوقي كده لنفسك من اولها انا بنتي ما بتتقارنش بحد وتعملي ليها الف مليون حساب وانتي بتتكلمي معاها وهي هنا الكل في الكل والباقي تحت رجليها..
نعيم. 
ايوه نجلاء معاها حق نيره هي الكل في الكل ادخلي يلا كلي جوه وبعدين احمد اخو نجلاء ده خال نيره يعني مش عيب ولا غلط تقعد تاكل معاه انما انتي عيب واسمعي الكلام بعد كده من اول مره مش هنفضل نعيد ونزيد معاكي في كلام مالوش لازمه..
_سمعت ملاك الكلام ودخلت جوه المطبخ وفضلت تاكل وهي بټعيط وبعد كانت نجلاء قاعده. مع احمد اخوها اللي عنده 22 سنه وقالتله..
نجلاء
هاا يا احمد. قولت ايه في الكلام اللي قولتلك علين ده..
احمد
والله انا مش فاهم انتي بتفكري ازاي بقي عايزاني اتجوز بنت صغيره طفله عندها عشر سنين..
نجلاء
وفيها ايه ما بيحصل هنا في بلدنا وفي البلاد اللي حوالينا ولا نسيت اننا ارياف وفلاحين والحاجات دي عادي عندنا..
احمد
تمام بس يعني اتجوز ليه ملاك انا عجبااني واحده تانيه في سني تقريبا وعايز اتجوزها هي مش اتجوز العيله الصغيره دي..
ردت عليه نجلاء وقالت پحده 
والله انت غبي خليك يا اخويا في الملبن ووريني وقتها هتستفاد ايه ده انا كنت عايزه اخليك تاخد ورثها وتبقي من اغنياء البلد هنا وزيك زي نعيم جوزي..
احمد
طيب بقولك ايه استني كده بتاع سنه سنتين تلاته تكون البنت كبرت شويه وانا ما عنديش مشكله اتجوزها بس مش دلوقتي انا مش عايز اتخنق من الجواز وانتي فهماني
نجلاء
طيب اتكلم مع منعم ونسيب الموضوع سنه وانا في السنه دي هخليهالك ست البنات وتبقي احسن واجدع ست بيت وهتشوف..
_وتاني يوم كانت ملاك نايمه ودخلت عندها نجلاء وقالت بصوت عالي..
نجلاء
انتي يا بت يا ملااك كل ده نوم اومال مين يا بت هيساعدني في شغل البيت..
ملاااك بنوم
ما انا نايمه عشان هصحي كمان شويه عندي درس انجليزي في المدرسه يا مرات اخويا..
نجلاء پحده
لا يا حبيبتي احنا فضيناها سيره ما فيش مدارس ولا دروس تاني انتي هافضلي قااعده معايا هنا وتتعلمي شغل البيت وما فيش حد هيروح المدرسه غير نيره بنتي..
ملاك بدموع
حرام عليكي انا شاطره اووي ونفسي ابقي محاميه..
نجلاء
هههههههه قال محاميه قال قومي يا بت انتي اعملي اللي قولتلك عليه بدل ما اقلع اللي في رجلي وانزل بيه علي دماغك قومي فزي يلاااا ويكون في علمك انتي بعد كده اللي هتعملي شغل البيت كله لوحدك واللي هتقصري فيه هقصر من عمرك فاهمه..
_وقامت ملاك الطفله الصغيره تعمل شغل البيت وعدت سنه كامله وكانت ملاك واقفه في الشباك بتتفرج علي البنات اللي في سنها وهما رايحين المدرسه وبعدين راحت لنعيم اخوها وقالتله..
ملاك 
ابيه نعيم انا عايزه ارجع المدرسه انا كنت شاطره اووي في المدرسه