رواية جديدة بقلم سوليه نصار
قالوا انه هيقعدوا بعيد شوية عشان نقعد على راحتنا
بلعت ريقي وأنا ببصلها وقولت
بصراحة كده انا رافض موضوع الجوازة دي
بصتلي پصدمة وعيونها دمعت فكملت
والسبب انك بتدرسي في كلية وانا شايف ان اي بنت دخلت كلية مبتكونش كويسة يعني من فين اضمن انك مرتبطتيش ولا مشيتي مع حد أو هزرتي مع زمايلك لو عايزاني فعلا اتجوزك يبقي تسيبي الكلية وتقعدي في البيت وميكونش ليكي لا فيس ولا واتس وهديكي تليفون صغير تكلمي بيه أهلك ومتطلعيش من البيت الا ورجلي على رجلك ها قولتي أيه !!!
يتبع
الجزء التاني بقلم سولييه نصار
أنتي اټجننتي !!!
صړخت فيها فبصتلي ورفعت راسها وقالت
أطلع برا يا مختل أنت أنا مستحيل أوافق عليك يالا برا برا
جات امي وامها فقالت طنط شهد
ايه مالك يا لوجينا ايه اللي حصل وازاي تعملي كده!
كانت لوجينا بتبصلي بكره وقالت
عارفة لو المختل ده آخر واحد في العالم مش هتجوزه ده غير متز ن نفسيا وأنا مستحيل أقبل بيه
قالتها أمي هي بتبصلي بس كان باين من نظراتها انها عارفة أنا عملت ايه بلعت ريقي وقولت
مفيش حاجة يا أمي أنا بتكلم معاها عادي وبقولها شروطي هي قلت أدبها عليا كان ممكن ترفض بكل أدب بس ازاي لازم تقل ادبها عشان تبقى روشة وكده
مؤيد احترم نفسك
صړخت أمي فيا كان باين انها متعصبة فقالت لوجينا بهدوء
حطت امي ايديها على وشها فقالت طنط شهد
رويدا احنا هنفضل دايما أصحاب وحبايب بس اعذريني مقدرش اجوز بنتي لإبنك أنا مش لقياها في الشارع وابنك شكله معقد فبلاها الجوازة دي أنا بنتي في كلية صيدلة كلية حلمت بيها وتعبت عشان تدخلها وصرفنا كتير عليها مش يجي ابنك على آخر الزمان يقولها سيبي حلمك واقعدي في البيت ان شالله عنها ما أتجوزت خليها جمبي احسن
اسفة يا دكتور طلبك مرفوض مش أنت الاب اللي عايزاه لأولادي أنا لو جبت بنات ممكن تحرمهم من حقهم في التعليم وانا مستحيل أظلم بناتي بالشكل ده انت انسان موسوس فاكر البنات كلهم زي اللي شوفتهم فاكر يعني لما تتجوز اللي هتقعد في البيت أربعة وعشرين ساعة مش هتخو نك اللي عايز يعمل الغلط يا أستاذ هيعمله مهما
بيخلينا منعملش الغلط ديننا وتربيتنا والحمدلله أنا واثقة في ديني وتربيتي ومش هتجوز واحد بيشكك فيا مع السلامة
ضميت كفي وانا متعصب منها فجأة مسكت كف أمي وخرجت
