ولدت تؤام
كنت اشتكيت لك من حاجة انا حابه الشغل كده
الام
المهم تخلي بالك من نفسك ياحبيبتي وتحافظي على نفسك ياسماح انتي عايشه في بلد لوحدك يابنتي
سماح
ياما هو انا صغيرة عشان تقولي لي كده انا عارفه نفسي كويس واعرف كمان احافظ على نفسي كويس جدا اطمني انتي
وبعدها رجعت الشغل وخالد قالي
قولي لي ياسماح ياترى وراكي النهاردة بعد الشغل
لا ابدا يا استاذ خالد انا برجع البيت علطول ومش بيبقا ورايا حاجة ابدا ليه هو في حاجة ولا ايه
خالد
ها لا لا ابدا انا بس كنت عايز اعزمك على الغدا انا اصلي كل يوم بروح اتغدا لوحدي فقولت لو انتي فاضيه تتغدى معايا قولت ايه
سماح
والله يا استاذ خالد انا مش عارفه اقول لحضرتك ايه بس اللي تشوفه حاضر بس هو هيبقا فين
لو عايزة تختاري مكان نتغدا فيه لو نفسك في اي حاجة تاكليها مثلا قولي متتكسفيش
سماح
لا ابدا والله انا مش نفسي في حاجة وبعدين انا معرفش اماكن هنا في مصر كتير انا اصلي مش من هنا
خالد.
خلاص تحبي اختار لك على مزاجي انا اعرف أماكن تجنن هنا قولتي ايه
سماح
خلاص يا استاذ خالد اللي تشوفه حضرتك
وبعدها لقيت خالد وداني مكان جميل اوي وغالي جدا وقالي
سماح
ااا حضرتك جبتنا هنا ليه المكان شكله غالي اوي وبعدين يعني......
خالد
وبعدين ايه ياسماح على فكرة انا عزمك وبعدين لازم اجيبك في مكان يليق بيكي ها قولتي تاكلي ايه
سماح
خلاص بما اني معرفش انواع الاكل اللي هنا ايه اختار لي حضرتك على ذوقك
خالد
بس كده حاضر من عنيا وبعدها طلب لي انا وهو اكل وقالي
سماح
ربنا يخليك يافندم ده من ذوقك والله
خالد
انتي ايه حكايتك عماله يافندم وحضرتك وذوق ومش عارف ايه على فكرة بقا انا مش عايز يبقا في بينا اي تكليف كده خليكي عاديه
سماح
يعني عايزني اعمل ايه
خالد
يعني بلاش يافندم وحضرتك وكده يعني ياسماح خلينا عادي انا اقولك ياسماح وانتي تقولي لي ياخالد
متتكسفيش دي مفيهاش كسوف
وعدي الوقت بعد ما اكلنا وقعدنا نتكلم شوية وبعدها وصلني عند البيت وقالي
انتي ساكنة في البيت ده ياسماح لوحدك.
سماح
ايوه اصل انا مش من هنا انا قولت لك اني من بلد كده جنب طنطا وجيت هنا عشان اشتغل وعايشة في اوضة فوق السطوح
خالد
معقوله دي ياسماح انتي تعيشي في اوضة فوق السطوح ياريت تبقى تفكريني اشوف لك شقه كويسه تقعدي فيها ماشي
انا مش عارفه اقولك ايه ياخالد متشكرة اوي ربنا يخليك
خالد
متقوليش حاجة ياسماح انا بس عايز اشوفك دايما مبسوطة وبس
وبعدها عدي ايام وانا بروح الشغل وبرجع وخالد بقا متعلق بيا وفي يوم كنت في الاوضة لقيتة جه وقالي
ازيك ياسماح عامله وحشتيني اوي قولت اجي اشرب كوباية معاكي واشوف المكان اللي انتي ساكنة فيه
سماح
انت عرفت تطلع هنا ياخالد وبعدين المكان هنا مش اد المقام
خالد
لا طبعا يا سماح اي مكان انتي موجوده فيه يبقا جنة عمتا انا جاي اقعد معاكي شوية وبعدين هاخدك اوديكي الشقه اللي قولت لك عليها
سماح
بجد انت لقيت شقه بالسرعة دي ياخالد بجد انت فرحتني اوي
خالد
انتي لو طلبتي لبن العصفور ياسماح يكون عندك طبعا انتي تؤمري ياقمر يلا بقا عشان نروح نشوفها سوا
سماح
حاضر هدخل اغير هدومي واجي معاك علطول
ولبست بسرعه وانا فرحانة ورحت مع خالد في شقة حلوه وفيها كل حاجة وقالي
ها
ايه رايك ياست البنات لو فيها أي حاجة ناقصة قولي لي عليها
سماح
دي
مفيهاش اي حاجة
