اخو زوجي

مش هينفع تطلبي الطلاق من شريف انت بينكم عشره برضو
اماني 
بس اخوك مصانش العشرة ياعلي طلقني ياشريف ارجوك طلقني
وفعلا شريف طلقني ورجعت عند ماما وقالت لي 
ياعيني على بختك يابنتي ملكيش حظ مع جوزك بقا كده تهون عليه عشرتكم ويتجوز عليكي ويطلقك كمان
اماني 
اصلا ياماما الحياة كانت مع شريف مستحيلة وانا زهقت من كلام حماتي ليا وتلقيح عليا كل شوية كده احسن برضو
الام 
ربنا يعوض عليكي يا اماني يابنتي ويرزقك باللي يعوضك خير يارب
وعدت الايام وانا في بيت ماما وقررت اني انزل اشتغل في صيدلية وفعلا اشتغلت والشغل اخد مني كل وقتي
وعند شريف مي قالت له 
انا عايزة اخلف ياشريف انت لازم تكشف عليا وتشوف ايه سبب التأخير ده انا زهقت من كلام امك ليا
شريف 
ايه يامي لحقتي تزهقي من امي ومن زنها عشان تعزري اماني في اللي كانت بتسمعة من امي
مي 
انا مليش دعوة بالكلام ده كله انا عايزة اخلف وخلاص انا هاروح اعمل تحاليل ولا اقولك انا هاروح لدكتور تاني
شريف 
خلاص يامي انا هاخدك العيادة ونشوف الموضوع ده
وكنت في يوم واقفه في الصيدليه لقيت عمر ده واحد عنده محل ملابس جنب الصيدليه لقيته بيقولي 
دكتوره اماني انا بصراحة كنت عايز اتكلم معاكي في موضوع انا معجب بيكي من زمان من اول ماجيتي الصيدليه هنا وانا متابعك وجيت عشان اطلب ايديك قولتي ايه
اماني 
بصراحة يا استاذ عمر حضرتك انسان مهذب ومحترم وانا ماشوفتش منك حاجة وحشه والناس كلها هنا بتشكر فيك بس انا مطلقه والسبب اني مش بخلف
عمر 
انا عارف كل حاجه يا اماني وموافق على اي حاجة وعايزك زي مانتي كده ومين عارف مش يمكن تحصل معجزة ويحصل حمل مين عارف
اماني 
انا قولت اعرفك ظروفي من اولها يا استاذ عمر ولو عايزني فعلا يبقا تيجي تكلم ماما وتطلب أيدي منها انا بصراحة مش هلاقي واحد زيك في أخلاقك
وفعلا جه عمر وكتب كتابي واتجوزنا وشوفت فيه حنية الزوج والأخ وعوضني فعلا عن اللي شوفته في بيت شريف
وعند شريف امه قالت له 
هو في ايه يا شريف هو انت كل ماتتجوز واحده يطلع العيب منها لا بقا فهمني يابني هو في ايه حتى البت بنت اختي طلعت مبتخلفش
شريف 
اعمل ايه يعني يا أمي ده نصيبهم بقا هنقول ايه يعنى
خرجت مي من جوه وقالت لها 
انا معنديش اي عيب ياخالتي العيب من ابنك هو اللي مش بيخلف وفهمني اني انا اللي مش بخلف انا عرفت كل حاجة وكشفته على حقيقته
الحما 
انتي بتقولي ايه يابت انا ابني مش بيخلف انتي اټجننتي يابت ولا ايه ولا عشان اكمنك معيوبة هتجبيها في ابني اتلمي يابت
مي 
اتلم هو عشان بقولك الحقيقة تقولي لي اتلم لا انا مش هسكت ولازم افضحة ابنك مش بيخلف ولا عمره هيخلف ودي الحقيقة اللي لازم تعرفيها انا مش زي الهبلة مراته اللي هسمع واسكت
الام 
صحيح الكلام ده ياشريف ماترد عليها وتكدبها يابني هي البت دي بتقول الصح ولا ايه قولي انها كدابه ماتنطق ياشريف
شريف 
لا يا أمي مي مش كدابة انا فعلا مش بخلف وكنت مفهمك ان اماني هي اللي مش بتخلف عشان ابعد عني الكلام وجبتها في اماني وظلمتها معايا وادي أخرت الظلم اديني بدفع التمن
مي 
يبقا تطلقني ياحبيبي عشان انا عايزة اخلف ويبقا عندي عيال وانت كده خلاص متنفعنيش
الحما 
ماتخرصي يابت وتلمي نفسك وبطلي كلامك ده انتي ايه معندكيش ډم
شريف 
سبيها يا أمي هي عندها حق انتي طالق يامي يلا امشي من
هنا
وسابتهم مي ومشيت على ابيت أهلها
وعند شريف امه قالت له 
متزعلش نفسك يابني ده قضا ربنا
شريف 
دلوقتي بقا قضى ربنا ولما كنت بقولك كده على اماني كنتي بتقولي لي لا انت لازم تخلف انا خلاص قررت اعيش لنفسي وبس انا مش هتجوز تاني واجيب واحده اظلمها معايا 
وفعلا فضل شريف في شغله وبعد فكرت الجواز والخلفه عن دماغه
وفي يوم كنت قاعده مع عمر وقولت له 
ايه رايك ياعمر احنا نروح للدكتور عماد عشان اعمل عملية الحقن المجهري
عمر 
اللي تشوفيه ياحبيبتي بس انا والله مكتفي بيكي ومش عايز ولاد انا بحبك انتي يا اماني وعايزك انتي
اماني 
بس بقا نفسي اخلف منك واهو نجرب وخلاص ياحبيبي قولت ايه
عمر 
خلاص اللي تشوفيه
وفعلا رحنا لعماد وقالي 
التحاليل كلها بتثبت انك شهتقدرى تعملي العملية يا اماني وكمان تقدري تخلفي ان شاء الله هتعمليها الخميس الجاي
عماد 
انا معملتش حاجة يا اماني ده كله بفضل ربنا ان شاء الله الحمل يكمل على خير وتقومي بالف سلامة أن شاء الله
وفعلا ولدت على ايد عماد اخو طليقي وعمر قالي 
حمد الله على سلامتك ياحبيبتي جبتي بنوتة زي القمر
وبكده تكون خلصت حكايتي