روايه أوتار القلوب بقلم فاطمه الألفي..

 

عنة وبقى نصك التانى ومش مهم فرق التعليم بنهم لانة مش حاسس باى فرق ولا حتى فرق فى لهجتها بالعكس حابب كلامها الصعيدى اوى ومبسوط بية وبمشاكستها وحاسسها زى غصون نفس الهزار والمشاكسة والعند 
وابتسم احمد لها وودعها وودع الجميع وعاد إلى بلدة الحبيب عروس البحر الأبيض المتوسط..
.......
يتبع
الفصل السادس 

بعد عدة ساعات تم وصولهم إلى القاهرة فى مدينة نصر ...
حمل وسيم ومعة السائق الشنط وتوجه إلى الشقة 
وكاملة ويمن وغصون داخل الشقة ..
كاملة .نورتى بيتك ياحببتى 
يمن .الف مبروك يا مرات اخويا يا عسل 
غصون بابتسامة. الله يبارك فيك عبقالك 
ابتسمت يمن وتذكرت ان عاصم ذهب بدون ان يبارك لها ولا التحدث معها ..
كاملة .وسيم فرج مراتك على الشقة يا حبيبى 
وسيم. يمن تفرجها انا خارج 
يمن .تعالى ياغصون افرجك على البيت واوضتك 
غصون بابتسامة. حاضر 
........
كاملة .وسيم ازى تسيب عروستك واحنا لسة واصلين يابنى وتخرج وبعدين لسة أسبوع على ميعاد الدراسة ممكن تسافرو أى مكان تقضو فية أسبوع مع بعض 
وسيم .ماما انا مش رايح فى مكان وخلاص اتجوزت وسمعت كلام جدى وماخسرتوش سبونى بقى 
كاملة .بقى كدة من اول يوم دى مهما كان بنت عمك وبنت ناس 
وسيم .هو انا عملت اية 
انا مش هنسى انى اتجوزت بالطريقة دى وبعدين مالك وصل من لندن امبارح وانا رايح اسلم علية مع السلامة .......
ركب وسيم عربيتة وتوجة إلى بيت مالك صديقة المقرب....
وصل احمد إلى اسكندرية 
فى شقة عاصم باسكندرية..
عاصم. احمد اختك بجد كويسة 
احمد .ياعم خدنى قولى حمدلله على السلامة كدة يعنى 
عاصم. حمدلله على سلامتك ها غصون كويسة بجد ولا بتقول كدة وخلاص 
احمد. لا كويسة ومافهاش اى حاجة وبطل قلق بقى 
عاصم. خلاص ننزل دلوقتى مصر ونبعت عربية نقل تاخد العفش إللى هنحتاجة هناك 
احمد. دلوقتى اية خليها بكرة حرام عليك انا جاى من سفر بكرة بكرة ماشى 
عاصم. امرئ لله بكرة 
احمد. الشقتين جنب بعض 
عاصم. أيوة بس خسارة بعيد عن مكان شقة عمك 
احمد. ياعم العربية هتقرب المسافة ولا يهمك 
عاصم. هى قريبة من المستشفى دكتور جلال 
احمد. حلو اوى ها مش اتكلمت مع مراتك 
عاصم. مراتى 
احمد. ههههه نسيت ولا اية 
عاصم. تصدق انا ناسى خالص الموضوع دة بس مش معايا رقمها 
احمد. غصون اكيد معاها رقمها صحصح كدة يا دكتور 
عاصم. لم ننزل مصر بقى 
احمد. ياقلبك يااخى عيب لازم تكون زوق معاها مش كفايا مش شوفتها من ساعة كتب الكتاب 
عاصم. هو انا كنت فى اية ولا اية 
احمد. طيب انا داخل ارتاح بقى تعبان وعايز انام سلام 
.................
فى القاهرة 
بعد أن رأت الشقة كانت عبارة عن طابقين فى الأسفل غرفة سفرة وغرفة صالون وهول كبير والمطبخ والحمام وفى الطابق الأعلى غرف النوم وكل غرفة بها حمام خاص بها وروف كبير....
اعجبت غصون بتصميم الشقة ووصلتها يمن إلى غرفة وسيم لانها أصبحت غرفتها هى أيضا وتركتها بالغرفة لترتاح...
وضعت ملابسها ف الدولاب وابدلت ملابسها بملابس نوم وحاولت أن تنام كان لون الغرفة رصاصى وهى لا تحب هذا اللون 
غصون. زؤقة بشع اوف هنام ازى فى اوضة بالمنظر المقرف دة قال ويقول انا مش عاوز اسمع صوتك مش ناقص قرف هو انا صوتى مقرف وهى فى شرودها سمعة رنة الهاتف 
غصون. احمد حبيبى 
احمد. انا وصلت اسكندرية انتى وصلتي 
غصون. أيوة ياحبيبى فين ابية عاصم 
احمد. فى اوضتة كلمية عشان قلقان عليكى وياريت تبعتيلة رقم يمن عشان وكدة اية رايك 
غصون بفرحة .صح هكلمة حالا سلام بقى ....
احمد. ماشى يا واطية....
اتصلت باخيها عاصم 
عاصم ينظر إلى الهاتف بفرحة .
عاصم .غصون حببتى عاملة اية واحشانى اوى 
غصون. وانت واحشنى اكتر 
عاصم. حببتى طمنينى عليكى انتى كويسة 
غصون. الحمد لله يا ابية المهم انت عامل اية كويس بجد واحشنى اوى 
عاصم. الحمد لله ياقلبى بخير طول ماانتى بخير خلى بالك من نفسك وبكرة هنكون عندك وهعدى عليكى اخدك تشوفى الشقة وعلى فكرة هنقل اوضتك فى شقتى عشان كل فترة تيجى تبات فيها 
غصون بفرحة .بجد ياابية ربنا يخليك ليا وانا هستناك بكرة بفارغ الصبر عشان بجد واحشتنى طب نقلت ورقى من الجامعة 
عاصم. طبعا ياحببتى دى اول حاجة عملتها وبقيتى منتسبة لجامعة تجارة عين شمس 
غصون. حبيبى ربنا يخليك
عاصم .خلى بالك من نفسك ولو حد دايقك تكلمينى انا موجود اوعى تفكرى انك لوحدك فاهمة 
غصون. ربنا يخليك ليا يا ابية 
عاصم. وسيم عامل اية معاكى كويس 
غصون بتردد .اة كويس 
عاصم. فى حاجة مخبيها علية قولى ماتخفيش 
غصون. لا يا حبيبى مافيش اقفل دلوقتى وهبعتلك رقم مهم تتكلم معاة ماشى 
عاصم. رقم مين 
غصون. يمن مراتك نسيت هقفل وابعتة دلوقتى.
قفلت بسرعة قبل رد عاصم وبعتت رقم يمن وبعد ذلك نامت من شدة التعب ....
فى بيت مالك 
رحب مالك بصديقة وسيم وجلس معة يتحدث 
وقصى وسيم على مالك ما حدث معة فى الأيام الماضية..
مالك باستغراب. معقول اتجوزت الف مبروك 
وسيم. يابنى بقولك جواز كدة عشان خاطر جدى انا لا يمكن اتجوز بالطريقة دى هو انا بنت هى فترة كدة لم الامور تهدى وبعد كدة ننفصل 
مالك .يبنى ومراتك ذنبها اية مش يمكن بعد العشرة تحبها 
وسيم. احب مين دى لا مستوى فكر ولا تعليم ولا ثقافة ولا أى حاجة ازى اكمل معاها 
مالك .بلاش تظلمها انت عندك اختك وبعدين بتقول بقت مرات أخو مراتك يعنى لو عملت حاجة لاختة هترتد لأختك 
وسيم. ماهو نفس الطريقة جواز مش مستمر ولا عمرة هيكون مستقر 
مالك .طب انا عندى فكرة فى المشروع بتاعنا بلاش يتعمل هنا ممكن نعملة بالساحل فى أى مكان سياحى هيكون اضخم واقوى من مشروع يتعمل فى القاهرة لازم فى بلد سياحية 
وسيم. تصدق فكرة لقطة ماشى خلاص جدى سلمنى نص المبلغ وهنكمل بعدين بس انت بقى المشروع تحت ايدك وانا فى الجامعة انت هتباشر ماشى 
مالك. طبعا يابنى دة شغلى وهبدا فى تخطيط المشروع ولازم نروح نشوف الأرض 
وسيم .الوقت إللى تحبة هكون معاك بس ياريت قبل الدراسة انت عارف مش هقدر اسافر 
مالك .تمام روح بقى لعروستك ههههه انت عريس ماينفعش تسيبها 
وسيم .يابنى ماانت عارف إللى فيها 
مالك .بس طنط هتزعل وماحدش فاهم حاجة والكل مفكر جوازكم رسمى خلاص يبق تتعامل معاها قدام الناس على انها مراتك 
وسيم .انا فعلا تعبان محتاج اروح انام سلام يا هندسة 
مالك .سلام يا دوك 
.................
حاول عاصم ان يتصل وهو متردد وفى الاخر قرر الاتصال وانتظر الرد لم يأتي أى رد 
...................
عاد وسيم منزله في وقت متاخر من الليل ووجد الجميع قد نام من تعب السفر وصعد إلى غرفتة 
فتح الغرفة ودلف إليها وجدها نائمة فى سريرة. 
وسيم بضيق .كمان واخدة مكانى ونايمة ولا على بالك 
جلب له ملابس من الدولاب الخاص بة وذهب إلى الحمام اخذ شاور وبدل ملابسة وتوجة إلى السرير ونام أيضا بجانبها 
وسيم .للاسف مطر انام جنبك عشان دة سريرى وانا ماعرفش انام غير فى مكانى ..
كانت تغوص فى نوم عميق وفجاة تقلبت فى نومها ووضعت يدها على صدرة العارى 
الټفت إليها وحس بنبضات قلبة تتزايد من مجرد وتأمل ملامحها وهى نائمة عن قرب وبدون وعى كانت ابتسامة على وجه وهو ينظر إليها بملامح وجهها برئية وجميلة وبدون وعى ووضع رقيقة ونام على وجه ابتسامة لا يعلم ما مصدرها ...
.....
الفصل السابع 

هتفت بضجر .ايوةةةة حيطة سد مش عارفة احركها انت ياعم الوسيم الله يخرببتك يا بعيد 
كان يسمع صوتها بهدوء واستغرب لهجتها فهى لا تتكلم الصعيدى 
غصون .ايوةةةة اقوم ازاى انا دلوقتى 
ابتسم وحاول منع نفسة أن ينكشف الأمر فحرك يدة ومازال على وضع النوم يريد أن يراقب تحركاتها 
تنهدت بارتاح اخيرا تمت بنجاح 
وقفت عند الدولاب تطلع إلى ملابسها وجلبت لها لبس لترتدية كان عبارة عن برمودا زيتى وبدى نصف كم اونج وتوجهت إلى المرحاض أخذت حمام دافئ وغيرت ملابسها وخرجت من المرحاض ..
كان يراقب حركاتها من بعيد ومعجب بشياكتها وزؤقها فى اختيار الالون وجدها ترتدى أسدال الصلاة اعلى ملابسها وبحث ف أنحاء الغرفة عن سجادة الصلاة فلم تجدها 
غصون. مافيش سجادة صلى توحد ربنا ايوةةة انا فى بيت ابولهب ولا اية هههه 
حاول كتم ضحكتة واستمتع بمراقابتها وجد انها فتاة مرحة وكلامها رقيق وهادئ ونبرة صوتها حنينة والغريب مظهرها ولبسها لا يدل على انها من الصعيد ....
فاق من شرودة على صوت غلق الباب. 
وسيم .راحت فين المچنونة دى نظر إلى الساعة وجدها 5 صباحا 
ارتدى تيشرت ونزل خلفها يبحث عنها فمازال والدتة واختة نائمين ماذا تفعل فى هذا الوقت ....
بعد أن اتمت فريضة الفجر نزلت بالاسدال إلى مكان المطبخ لانها احست بالجوع فهى لم تذق الطعام منذ ثلاث أيام...
دخلت المطبخ وفتحت الثلاجة وجدت بها جبن عملت لنفسها سندوتش وجلست على السفرة الصغيرة داخل المطبخ وشردت فى بيت اخواتها وتجهيز الطعام وايقاظ اخيها عاصم وأحمد والمشاكسة مع احمد والخۏف من عاصم وفرت الدموع من عينها على الحنين إلى اخويها الحبيبان نور عيناها..
كان يقف خلفها واحس بشرودها 
غصون. دلوقتى مين هيحضر الفطار وينضف البيت ويجهز الغدا وياخد التعلمات من ابية عاصم والهزار مع حمودى ومين هيستناكم لم ترجعو من المستشفى ويحضرلكم الاكل ياترى دلوقتى بتعملو اية اةةة وحشتونى اوى 
ومسحت دموعها ووضعت الاكل من غير ان تاكل منة مافيش لقمة بتتبلع من غيركم وقامت لتخرج من المطبخ اصطدمت به وأطلقت صړخة مڤزوعة 
وسيم. اشششش اهدى اية شوفتى عفريت 
غصون تنظر إلى العينان الزرقاء پصدمة 
وسيم بابتسامة. انتى نمتى ولا اية عجبك الوضع دة ههه 
فاقت غصون وجدت نفسها فى حضنة فرجعت إلى الخلف 
وسيم احس بخۏفها. بتعملى اية دلوقتى 
غصون تهز راسها 
وسيم. اتكلمى ولا القطة كلت لسانك 
غصون بزعل. انت قولت قبل كدة ماتفتحيش بوقك وتتكلمى عشان مش ناقص قرف ولم سكت تقول القطة كلت لسانك طب انا اعمل اية دلوقتى 
وسيم بابتسامة. لم اسئالك تردى وتبطلى لماضة مفهوم 
غصون لنفسة .كل حاجة مفهوم مفهوم كانة بيتكلم مع حد من غير دماغ يفهم 
وسيم.
مش بحب اقرر كلامى كتير 
غصون. فى المطبخ كنت عايزة اكل بس خلاص مافيش نفس 
وسيم. لية 
غصون. اهو بقى نفسى اتسدت 
وسيم. طب اعملى نسكافية بلاك وتعالى نتكلم شويا فى الهول 
غصون. حاضر 
خرج ينتظرها بالهول 
وغصون أحضرت له النسكافية وقدمتة آلية 
غصون. اتفضل 
وسيم. ماعملتيش لنفسك حاجة لية 
غصون. مابحبش اشرب حاجة دلوقتى 
وسيم. طب اقعدى 
جلست غصون بتوتر وقلق 
معقول عايز يتكلم معايا أيها المغرور الوسيم الهمجى...
وسيم. انتى كنتى عايشة فين 
غصون. مع اخواتى 
وسيم. فى الصعيد ولا فين بالظبط 
غصون. فى اسكندرية 
وسيم. هههههههه بجد اسكندرية هههههه 
غصون. هو انا قولت نكتة 
وسيم. لا بس كنت فاكرك من الصعيد وبتتكلمى صعيدى زى جدى وعمى 
غصون لنفسها .مافكرتش تسأل جدى علية حتى فعلا مغرور 
غصون. هى طنط ويمن بيتاخرو فى النوم 
وسيم. امم لسة على 9 كدة هيصحو 
غصون. طيب ممكن طلب 
وسيم باستغراب .اية خير 
غصون. ممكن اروح مع ابية عاصم وأحمد هيجو يفرشو الشقة