عادت إلى الحياة للكاتب عادل عبد الله

اللي طلعتها من التلاجة و عملتها وقعدت اكلتنا ولعبت معانا .
ينظر إيهاب لابنه سيف بحزن ثم يحتضنه بحنان ويقول معلش يا حبيبي دي اكيد تهيؤات علشان ماما وحشتك بكره تتعود علي غيابها 
ثم يترك ابنه ويتجه ناحية غرفة النوم .
يدخل إيهاب غرفة النوم فيجد الغرفة مرتبة بالكامل وملابسه مرتبة في أماكنها !!! ينظر إيهاب الي أنحاء الغرفة بتعجب ويتذكر أنه ترك ملابسه علي السرير قبل ذهابه للعمل صباحا !!
يفكر من الذي دخل شقته وقام بترتيبها 
ثم يبدأ في تغيير ملابسه ويدخل إيهاب المطبخ ويتجه ناحية الثلاجة ويفتحها فيجد صنية كبيرة بها قطع من الفراخ المحمرة !!!!
و حلة كبيرة مغطاة ويرفع الغطاء عنها فيجد مكرونة مطهية جاهزة للأكل !!!!
ينادي بصوت عالي يوسف سيف تعالو هنا بسرعة .
يدخل يوسف وسيف الي المطبخ ويقول يوسف نعم يا بابا 
إيهاب مين اللي عمل الأكل ده .
سيف قولتلك يا بابا ماما جت وعملتلنا الأكل .
يوسف أيوه يا بابا ماما جات عملتلنا أكل وقعدت أكلتنا ومشيت .
إيهاب مين اللي جه هنا يا يوسف وانا في الشغل قول الحقيقة
علشان مزعلش منك .
يوسف ماما .
إيهاب قول الحقيقة يا يوسف ومتخاقش انا عايزك شجاع .
يوسف والله يا بابا زي ما سيف قالك ماما جات وقعدت معانا وقعدت تلعب معانا شوية وبعدين عملتلنا الأكل و أكلتنا ومشيت .
إيهاب بتعجب ماما جات أزاي أنتوا هتجننوني 
يوسف ليه يا بابا 
إيهاب مفيش مفيش طيب هيه جات امتي ومشيت امتي 
يوسف جات بعد انت مشيت بساعة ومشيت قبل ما تيجي علطول .
إيهاب طيب اسخن لكم الأكل معايا ولا شبعتوا 
يوسف وسيف في صوت واحد لأ احنا شبعنا ومش جعانين . 
إيهاب طيب يا يوسف خد أخوك واطلعوا العبوا بره .
يخرج الطفلين و يقف إيهاب يسخن الطعام وهو في ذهول تام !!! يحاول ابجاد تفسير لما يقوله ابناؤه وما يراه دون جدوي !!!
يجلس إيهاب بجوار ابناؤه و يتناول الطعام ببطئ شديد وهو يفكر في شيئا ما بتركيز كبير !!!
ثم يمسك هاتفهه ويتصل .......
إيهاب مساء الخير يا مروان معلش ازعجتك .
مروان عيب عليك يا هوبا متقولش كده انت اخويا اتصل في اي وقت .
إيهاب انا لما روحت البيت لاحظت حاجات غريبة أوي !!!
مروان حاجات غريبة أزاي 
إيهاب الولاد قالولي ان سحر أمهم جت وقعدت معاهم وعملتلهم اكل واكلتهم وبعدها مشيت قبل ما ارجع البيت !!!
مروان معلش يا إيهاب ده طبيعي الولاد كانوا واخدين علي وجود مامتهم معاهم باستمرار اكيد قعدوا يتخيلوا أن مامتهم جات وكده وانت عارف خيال الاطفال ملوش حدود .
إيهاب انا كنت فاكر زيك كده لكن اكتشفت ان فعلا فيه اكل في التلاجة والشقة مترتبة والمطبخ نضيف زي ما يكون فعلا كان فيه واحدة ست دخلت عملت كل ده !!!
مروان أنت أكيد بتهزر !!
إيهاب يا عم بتكلم جد اومال انا اتصلت بيك ليه .
مروان اللي انت بتقوله ده يحصل أزاي وانت بنفسك كنت موجود وشوفتها لحظة ۏفاتها ولحظة ډفنها الكلام ده لازم يكون تهيؤات .
تنتبه ميادة زوجة مروان لحديثه في الهاتف مع صديقه 
إيهاب يا ابني بقولك انا شوفت الشقة والمطبخ والاكل في التلاجة بنفسي تقولي تهيؤات !!!
مروان كلامك ده ملوش الا معني من اتنين أما ان فيه حد فعلا دخل الشقة وعمل كل ده ومشي 
إيهاب حد زي مين 
مروان حماتك او اخت مراتك .
إيهاب سحر الله يرحمها ملهاش

اخوات بنات .
مروان تبقي حماتك هي اللي دخلت وعملت كل ده والولاد خافوا يقولولك فأخترعوا حكاية مامتهم دي علشان مش تعاقبهم انهم دخلوا حد الشقة وانت مش موجود .
إيهاب كلام منطقي واحتمال كبير جدا يكون صح فعلا .
مروان لازم يكون صح لأن الاحتمال التاني مرعب !!!! 
إيهاب ايه هو الاحتمال التاني 
مروان الاحتمال التاني ان تكون روح مراتك سحر موجودة معاكم في البيت .
إيهاب ايييه !! انت بتهزر يا مروان 
مروان لأ انا بتكلم جد ممكن تكون روح مراتك من حبها وخۏفها علي الولاد جات تسكن معاكم البيت .
إيهاب ولو روح سحر زي ما بتقول سكنت البيت مش معقول هترتب وتنضف الشقة وتطبخ !!
مروان معنديش تفسير غير الاحتمالين دول طيب أسأل حماتك يمكن تقولك مين اللي دخلت الشقة وانت مش موجود .
إيهاب لأ مش هسألها لأني لو سألتها وطلعت مش هيه اللي جات الببت وانا مش موجود هتخاف علي الولاد وتقولي اسيبهم معاها وانا مش عايز الاولاد يقعدوا عندها .
مروان عموما عدي النهاردة وشوف الموقف ده هيتكرر بكره تاني ولا لأ وبعدها نشوف هتتصرف أزاي .
يجلس مروان وبجواره زوجته ميادة بعدما أنهي المكالمة مع إيهاب .
ميادة كنت بتكلم مين 
مروان ده إيهاب زميلي في الشغل .
ميادة مش ده اللي لسه مراته ماټت من ايام 
مروان يضحك ماټت ورجعت تاني .
ميادة ازاي مش فاهمة 
مروان زي ما سمعتي بيحكيلي أنه لما رجع البيت لقي اكل مطبوخ والشقة نضيفة ومترتبة ده غير ولاده اللي بيقولوا ان مامتهم جات وأكلتهم وقعدت لعبت معاهم .
ميادة بسم الله الرحمن الرحيم دي تبقي روحها يا مروان هي اللي رجعت البيت علشان تطمن علي عيالها !!!
مروان رغم اني مش بصدق اوي في الكلام ده لكن انا برضو بيتهيألي كده .
ميادة هوه
اكيد كده .
مروان الله اعلم .
ميادة تعرف يا ميرو ان خالي صلاح له في المواضيع دي وبيعالج كمان 
مروان خالك صلاح 
ميادة ايوه عموما لو صاحبك احتاج اي مساعدة ممكن نقوله وهوه مبيتأخرش عن مساعدة اي حد .
يدخل إيهاب الي فراشه وبجواره ابناؤه لينام ويبدو عليه أنه مازال يفكر في تفسير لما رأه بعينه وحكاه أولاده له ثم يسألهم أنتوا شفتوا ماما بجد النهاردة 
سيف ايوه يا بابا .
يوسف أيوه شوفنا ماما .
أيهاب طيب لما جات عملت معاكم ايه وكانت لابسه ايه 
يوسف ماما كانت لابسه هدوم بيضا وقعدت تلعب معانا وبعدين عملتلنا الأكل وقعدت اكلتني انا وسيف .
إيهاب وماما أكلت معاكو 
يوسف لأ 
إيهاب طيب يلا ناموا بقي ولو جات بكره ابقي تقولولي عملت معاكو ايه لما ارجع تصبحوا علي خير .
اغمض إيهاب عينيه وبعد قليل فتح عينيه فوجد ابنه سيف مازال مفتح العينين فسأله فاتح عينيك ليه يا سيوفه مش قولت غمضوا عينيكو علشان تناموا !! 
سيف عايز اشوف ماما لما تيجي .
إيهاب هي قالت إنها هتجيلكو بالليل 
سيف لأ هي كانت مش بتتكلم خالص كانت بتضحك وبس .
إيهاب طيب يا حبيبي يلا نام بقي علشان بكره اجيبلك شيكولاته كبيرة .
اغلق ايهاب الانوار و اغمضوا جميعا أعينهم .
وبعد قليل.....
صوت خبط من ناحية المطبخ !!!!
يقوم إيهاب سريعا ويجري ويفتح باب الغرفة و يخرج الي المطبخ فيجد ملعقة ملقاة علي الارض !! يقف إيهاب مندهشا ثم يرفع الملعقة الي مكانها 
و يعود الي الريسيبشن ثم يظل يبحث في كل أرجاء الشقة فلم يجد شيئا غير طبيعي غير ذلك !!
واثناء سيره يلمح بطرف عينه شيئا ما يمر سريعا ويختفي !!!
تبدو علي ملامح إيهاب علامات الحيرة والخۏف !!!!
يظل واقفا في مكانه يتلفت ويراقب كل شيئا في المكان دون ان