حمايا

تبدا حكايتنا في الشيخ ابراهيم وهو كان راجع من الجامع وبينادي علي بينته
الشيخ ابراهيم 
رقية رقية
رقية
ايوة نعم
الشيخ ابراهيم 
ايه يتعملي ايه
رقية 
ابدا كنت بجهز الاكل مع امي
الشيخ ابراهيم 
طيب يسب الاكل دلوقتي وتعالي عايز اتكلم معاكي شويه
رقية 
طيب اتغدي الاول عشان تاخد العلاج بتاعك وبعدين نتكلم

الشيخ ابراهيم 
لا الاكل براحته خلينا في المهم في موضوع ضروري لازم نتكلم فيه
رقية 
خير ياابوي
الشيخ ابراهيم 
اسمعي يا بنتي انا علمتك لحد الاعدادية وطلعتك من التعليم عشان البنت ان راحت ولا جات اخرتها لبيتها وعيالها والمهم انك حافظة كتاب الله وبتعرفي دينك ولا انا غلطان
رقية 
في اية ياابوي
الشيخ ابراهيم 
في عريس جاي يخطبك وانا موافق عليه
رقية 
عريس مين ده
الشيخ ابراهيم 
ما هوش غريب انتي تعرفيه دا يبقي بكر ولد الحج محمد ابوه يبقي ولد عمي
رقية 
طيب ما هو كان خاطب
الشيخ ابراهيم 
اختلفوا وما فيش نصيب والحج محمد جاني النهاردة وعايز ياجي هو ولده بعد العشا
وتيجي ام رقية اللي كانت سامعة الكلام كله من المطبخ
ام رقية 
ادخلي يا رقية جهزي الاكل عشان نتغدوا
الشيخ ابراهيم 
مالك يا ام رقية وشك مقلوب ليه
ام رقية 
انت عايز ارقص عاللي انت بتقوله
الشيخ ابراهيم 
لا حول ولاقوة الابالله وانا قولت ايه
ام رقية 
عايز تجوز بنتك لولد الحج محمد
الشيخ ابراهيم 
وماله الواد زين واخلاقه عالية وماسك شغل ابوه من الارض للطاحون
ام رقية 
انا مش علي كده
الشيخ ابراهيم 
اومال علي ايه هو في حاجة انتي عارفة وانا ماعرفش
ام رقية 
بكر كان يحب بنت عمته وكان عايزها وابوه اللي رفض والبلد كلها عارفة بالحكاية دي
الشيخ ابراهيم 
يوووه هو دا اللي مزعلك قوي
ام رقية 
الواد عاوز اللي بحبها والحج محمد من ساعة ما اټخانق مع ابو البنت ورفضهم
وحلف انه ما يجوز بنته لبكر
الشيخ ابراهيم 
ما انا عارف كل دا اي المشكله في كدا 
الجواز قسمة ونصيب
ام رقية 
ولما بكر يتجوز بنتك وهو عايز وبيحب وحدة تانية رقية تعيش معاه ازاي ولا تعيش في عڈاب
الشيخ ابراهيم 
بلاش منه كلام الحريم ده الواد هو اللي جاني قبل ابوه وبعدين جاب ابوه ايه 
ولا يكون بكر دا بنت و ما يعرفش يقول لا
ام رقية 
بنتك لسة صغيرة بلاش منها الجوازة دي 
رقية لسة ما عدتش 19سنه
الشيخ ابراهيم 
قولي كده انك ما عايزاش تفاق بنتك
ام رقية 
احنا ربنا ما عطناش عيال غير رقية لازم نحافظوا عليها ومنظلموهاش
الشيخ ابراهيم 
انتي فاكرة اني هظلم بنتي
ام رقية 
انا ماقصدش انا عايزة راحة بنتي
الشيخ ابراهيم 
وانا اكتر منك والله العظيم وان شاءلله ربنا يخيب ظنك وهاتشوفي
ام رقية 
يا ريت يا رب الامر لك من قبل ومن بعد. 
وبعد العشا وصل الحج محمد وابنه بكر
الشيخ ابراهيم 
نورتو البيت والله
الحج محمد 
البيت منور باصحابه ياشيخ ابراهيم
الشيخ ابراهيم 
عامل ايه يا بكر
بكر 
الحمد لله
الشيخ ابراهيم 
اتفضلوا القهوة
الحج محمد 
اومال فين عروستنا يا شيخ ابراهيم
الشيخ ابراهيم 
هتجي تسلم عليكم يا ام رقية تعالي وهاتي رقية تسلم
ولما دخلت ام رقية ورقية 
الحج محمد 
بسم الله ماشاء الله تبارك الرحمن انا ما كنتش عارف ان عندك
بنت حلوة كدا زي القمر سلمي علي عريسك يا عروسة
سلمت رقية علي بكر وهي كانت مكسوفة اوي واول عينيها ما جات في عنيه حطت عينها في الارض بسرعة ووشها بقي احمر من كتر الكسوف وقعدت وخرجت تاني
الحج محمد 
ونعم الادب والرباية بس نقول ايه بنت الشيخ ابراهيم لازم تكون منتهي الادب والاحترام
الشيخ ابراهيم 
الله يبارك فيك ويحفظك
الحج محمد 
عالعموم اهم من الجمال اصلها وادبها ودلوقتي نتكلموا في المهم
الشيخ ابراهيم 
لازم الاول نسمع راي بكر
الحج محمد 
قول يا عم بكر رايك
بكر 
هو انا لو مش موافق عليها اجي لحد البيت ام مسالة الشكل ده علي راي ابوي 
كفاية انها بنتك يا عم الشيخ ابراهيم
الشيخ ابراهيم 
يبقي دلوقتي اتكلم براحتك يا حج محمد
الحج محمد
اسمع يا شيخ ابراهيم الدهب زي ما انتواعايزين والقيمة اكتب الرقم اللي عايزة
والمؤخر اللي تقول عليه ياشيخ ابراهيم
الشيخ ابراهيم 
انا كل الكلام دا بالنسبة ليا شكليات المهم الشخص اللي هتعيش معاه بنتي
الحج محمد 
الله يكرم اصلك بس دا حقها واحنا ان شاءلله مش هنختلفوا
ام رقية دخلت جوا وكانت مضايقة وسالتها
رقية 
في ايه ياامي زعلانة ليه
ام رقية 
مش زعلانة انتي رايك ايه
رقية 
اللي يشوفه ابويا واكيد الشيخ ابراهيم مش هيختار اي حاجة ولا بني ادم مش كويس لبنته
ام رقية 
انتي لسه صغيرة ومش فاهمة حاجة 
وام رقية كانت ملاحظة سكوت بكر وفهمت انه جاي يخطب رقية عشان خاطر ابوه
ودخل عليهم الشيخ ابراهيم وقال
الشيخ ابراهيم 
مبروك يا رقية