حكاية كامله
كل حاجه غلط وهسقط نفسي
يالهووووي وليه كل ده مستقبلك يا بنتي اهم من اي حاجه
الي زيك كان مفروض يقعد في البيت فضحتينا قدام الناس يا شيخه
قالها فادي الذي دلف الي الشرفه توآ ابتلعت مريم ريقها ثم ظلت تنظر امامها لتقول نيره
ولسه انتو
شوفتوا حاجه ده انا هطين الدنيا كلها علي دماغ اخوك ومحروسه بتاعته
هتف فادي وهو ينظر لمريم
ثم تابع بمزاح
اوعي يا مريم تكوني فتانه وتوصلي كلام ل اشرقت
خلاص يا روش وبعدين انت واقف هنا ليه بنات واقفه تتكلم مع بعض تقف معاهم ليه !
قالتها نيره ليقول فادي
ابقي شيلي البلوك يا
نيره عايز اقولك حاجه مهمه
قطبت نيره حاجبيها باستغراب هاتفه
بلوك ايه يا اهبل
ربنا يشفيك يا روحي
قالتها نيره بسخريه ثم خرجت من الشرفه كادت ان تتحرك مريم خلفها ولكنه اوقفها وهو يقبض علي معصم يديها صړخت هي به
اوعي سيب ايدي يا حيوان سيب اييييدي
قالت جملتها الاخيره صاړخه تركها وهو يقول
طيب طيب خلاص اهو بس من فضلك بلاش تمشي اسمعيني ثانيه واحده
لو خاېف اڤضحك متقلقش مش هعمل كده علشان اختي ملهاش ذنب اكسر فرحتها تصدق لما بعتلي ازيك كنت مستغربه ايه الي فكرك بيا دلوقتي بس فهمت السبب
حرك راسه بالنفي وهو يقول
انا معرفش اصلا ان الي هيخطبها سليم اختك ولا اعرف اني هاجي اشوفك هنا انا بعتلك علشان اقولك سامحيني
ااااا اييه اسامحك !! ده انت احلامك عاليه اووي يا فادي ده انا في كل صلاه بدعي عليك
لم تمهله فرصه ان يكمل باقي جملته حيث خرجت وتركته ليقول فادي
يا بركه دعاكي يا مريم
ثم لحقها وهو يهتف
هيلبسوا الدبل امته علشان نغور من هنا علي راي نيره
قاموا بالاتفاق علي موعد حفله الحفله الكبيره للخطبه بعدما قاموا بارتداء خواتم الخطبه
وعندما وصلوا للمنزل هتف سليم
لو فاكره يا نيره بحركاتك الخايبه دي هتبوظي الجوازه تبقي غبيه
يا بنتي انتي ايه معندكيش كرامه قولتلك مش عايزاك مش عايزاك ولا بحبك مش شايفك قدامي اصلا وبحب خطيبتي الي لابس دبلتها في ايدي
قال جملته الاخيره وهو يحرك سببابتها امامه لتقول ناديه
كفايه يا سليم
ليقول سليم
لا مش كفايه لازم تعرف كويس اني مش هسيب اشرقت وابصلها هي واقسم بالله يا نيره حركاتك دي لو اتعملت تاني هتشوفي مني وش مش هيعجبك ويخليكي تكرهيني طول حياتك
في ايه تاني پتزعقوا مع بعض ليه
هتف سليم
ما تبعتها يا بابا تقعد عند اهلها خلينا نرتاح شويه من قلبت الدماغ الي بقالنا سنين فيها دي
ليقول شريف
نيره قاعده في بيتها يا سليم والي مش عاجبه يسيب هو البيت ويمشي
واخيرآ هتفت نيره بصوت مكتوم
انا هريحكم كلكم من قلبت الدماغ دي
قالتها وركضت الي غرفتها ليقول شريف
ده كلام تقوله يا سليم قدامها
يعني يا بابا اسيبها تبوظ خطوبتي نيره مش هتهدي غير لما تخربها
اعذرها نيره بتحبك ومتعلقه بيك وشويه شويه هتاخد علي الوضع وتتعود عليه
ليقول فادي
انت بكلامك ده حسستها ان وجودها تقيل علينا
يا عم
دي جبله
صفعت الباب خلفها بقوه ثم اخرجت هاتفها من الحقيبه وظلت تبحث عن رقم ما ثم قامت بالاتصال وعندما جاء الرد هتفت
ازيك يا بابا انا نيره
كويس يا نيره متصله ليه في حاجه ولا ايه !
مفروض تقولي وانتي ازيك اخبارك ايه مش تسالني متصله ليه لو اتصالي مضايقك مش هتصل بيكي تاني حاضر اساسا انا بقالي سنتين متصلتش بيك ولا كلمتك
مش قصدي كده يا حبيبتي لا طبعا اتصالك هيضايقني ليه انا قلقت بس لانك اتصلتي فجاه كده والوقت كمان متاخر
جلست علي الفراش ثم قامت بخلع حذائها وهي تقول
انا عايزه اجي اعيش معاك
زفر بملل وهو يقول
لسه مكبرتيش وعقلتي قولتلك مينفعش وفهمتك الظروف قبل كده
كررت جملتها مره اخري قائله
انا عايزه اجي اعيش معاك
نيره انا مشغول الايام دي في فرح اختك ومش فاضي للعب العيال ده
ريم هتجوز !
قالتها بابتسامه ليجيبها هو
ايوه اول شهر جاي ان شالله
وطبعا انا مش هحضر صح !
لا طبعا لو عايزه تحضري تعالي اكيد عمك هيجي وولاده بس انا شايف جيتك ملهاش لازمه يعني عندك مذاكره ثانويه عامه وكده
ابتسمت بسخريه وهي تقول
مش عايزني اجي صح ! حاضر مش هاجي
انا مقولتش كده براحتك عايزه تحضري تعالي مع عمك
عايزه اجي اعيش معاك يا بابا
يلا بقي تصبحي علي خير هكلمك بكره
قالها وانهي المكالمه علي الفور نظرت
هي الي الشاشه بحسره واضحه ثم قامت بالاتصال به لم يجيبها وفي المره الثانيه اغلق الهاتف تمامآ
صاحت وهي تخفي وجهها بين يديها
انا بكرهك بكرهك
اشرقت انتي عايزه تخلي ليله قرايه الفاتحه بتاعتنا نكد ولا ايه
قالها سليم وهو يتحدث بالهاتف لتقول اشرقت
انت عارف كويس اني مليش في نكد بس بنت عمك بتحبك الحركات دي بتاعه واحده بتحب انت مشوفتهاش كانت بتبصلي ازاي دي كان ناقص شويه وتقوم تاكلني
اجبلك من الاخر علشان نخلص من موضوع ده
ياريت
هي بتعيش مرحله مراهقه وشايفه انها بتحبني واني اتجوزها وعبط ده يعني
مرحله وهتعدي
ضحكت اشرقت رغمآ عنها وهي تقول
مراهقه اه قولتلي
بلاش تهتمي بحركاتها دي هي شويه وهتعقل
لا وانت الصادق شويه كمان وتقولي سوري يا اشرقت انا اكتشفت اني بحب بنت عمي
ليه ان شالله قاعدين في فيلم ولا ايه لا طبعا مفيش كلام كده
هنشوف يا سليم
قالتها بحسره لمحها سليم في نبرتها وهتف
نيره قصدها بحركاتها دي تلعب في دماغك وتوقع ما بينا عايزه تبوظ الجوازه ب اي شكل بلاش تديها الفرصه
دي
تحاول مره النوم ولكنها لم تستطيع تظهر صورته امامها كلما اغمضت عينيها وضعت الوساده علي وجهها وهي تزفر بقوه هاتفه بهمس
يعني خلاص ضاقت الدنيا عليكي يا اشرقت رايحه تحبي اخو فادي !!
هدات الاوضاع قليلآ
نيره منذ يوم قراءه الفاتحه وهي في غرفتها تتطلب طعامها دليفري وتتناوله في غرفتها بصمت تام ترفض ان تتحدث مع اي شخص حتي فادي
مرت الايام وهي علي هذا الوضع ولكن اليوم مختلف تمامآ عاد سليم من الخارج وملامح الڠضب علي وجهه ثم اتجه الي غرفتها ودفع الباب بقوه ودلف الي الغرفه لتقول نيره
انت ازاي تدخل اوضتي بالشكل ده
لم يهتم بكلماتها تلك ظل يبحث عن شئ ما ونيره تقول
انا بكلمك رد عليا
تناول هاتفها ثم قام بالعبث به واخرج شريحه من الهاتف وهتف
ومن امته بقي انتي معاكي خطين ولا ده الخط الي بتبعتي منه الرسايل ل اشرقت
هتفت بتوتر
رسايل ايه مش فاهمه !
الرسايل الي بتقوليها فيها سليم بيحب بنت عمه وقلبه مش معاكي وبصي لنفسك في المرايه بقي دي منظر واحده يحبها حد ورسايل تانيه كتير
حركت راسها بالنفي وهي تقول
انا مبعتش حاجه لحد
بصي بقي علشان انا قرفت منك وجبت اخري
اوعي سيب ايدي
قالتها هي ليقول سليم عندما وصل الي الطابق الاسفل هتفت ناديه
في ايه يا سليم سيبها
تركها بقوه وهو يقول
انا زهقت وقرفت منها يا اما تشوفوا حل معاها يااما انا هسيبلكم البيت وامشي
في ايه يا سليم حصل ايه لكل
ده !
قالها فادي باستغراب ليقول هو
الست
هانم شغاله تبعت رسايل ل اشرقت سليم بيحب بنت عمه وقلبه مش معاكي ورسايل غيرها كتير فاكره بالحركات الزباله دي اشرقت هتبعد
اه هتسيبها انا مش هسكت غير لما تسيبها هفضل وراكم لحد ما اخرب الجوازه دي انت من حقي انا مش هي المفروض تكلمني انا تسهر معايا انا لصبح تقولي انا بحبك
مش هي ليه هي تيجي تاخدك مني علي الجاهز كده !!
شايفين الجنان ! طب بصي مهمها عملتي اشرقت واثقه فيا ولا يمكن تبعد ولو حصلت وبعدت بردو مش هبصلك ولا هعبرك ارتاحي بقي
انا احلي واحسن منها ليه مش عايز تحبني ليه يا سليم
قالتها هي باكيه ليقول سليم بنفاذ صبر
طب ونبي دي اقولها ايه !
يا نيره الحب مش بالعافيه كفايه كده خلاص
قالها فادي لتقول نيره
محدش عايزني يا فادي بابا مش عايزني ولا اخواتي ولا سليم مفيش حد عايزني
قالت جملتها الاخيره وهي تتمسك بذراعيه وتصيح باكيه رتب عليها فادي وهو يقول
لا يا حبيبتي
احنا عايزينك وسليم كمان عايزك
شهقت هي باكيه لتقول ناديه
روح يا سليم شوف وراك ايه
اوما سليم راسه بالايجاب ثم اقترب من نيره وهتف
خلي عندك شويه كرامه لو سمحتي
سليييييم
قالتها ناديه بتحذير ليقول سليم
خلاص حاضر بالاذن بقي علشان رايح اجيب البدله بتاعه الخطوبه
قالها ورحل لتبكي هي بقوه تنهدت ناديه وهي تقول
كفايه كده يا نيره خلاص هو قلبه مع واحده تانيه مفيش نصيب ما بينكم
وفي يوم حفله الخطبه
جلست علي الطاوله وتنظر لهما وهما يقومون بالرقص وعينيها تشتعل بالغيره والحقد
شعرت بشخص ما يجلس بجانبها وجدته حازم الذي يهتف بابتسامه
ازيك ! انا حازم مش فاكراني ولا
ايه !
ابتسمت وهي تقول
لا فاكراك
طب كويس انك فاكراني قاعده لوحدك كده ليه وفادي فين
معرفش تلاقيه بيرقص هناك
اممممم شكلك زعلان كده ليه !
حركت كتفيها وهي تهتف
مش زعلانه عادي
علي فكره انتي شكلك جميل اووي النهارده مغطيه علي العروسه بجد يعني
ابتسمت وهي تهتف
شكرا لذوقك
ليتابع هو هاتفآ
وكمان فستانك يجنن بجد
حازم انت ايه الي جايبك هنا
قالتها فادي ليقول حازم
بقي كده متعزمش صحابك علي خطوبه اخوك نعرف من علي فيس زي الغرب
نسيت انت جاي ليه اصلا !
قالها فادي بصرامه لتقول نيره
ايه قله الذوق بتاعتك دي يا فادي
اسكتي انتي وقاعده معاه بتعملي ايه اصلا !! قومي من هنا روحي شوفي ماما
متدتنيش اوامر انت ومش قايمه من مكاني
استهدوا بالله يا جماعه مالكم في ايه
قالها خازم بدهشه مزيفه ليقول فادي وهو يجذبه من ذراعيه
لا وانت تعرف ربنا اووي
وعندما ابتعدوا هتف فادي بانفعال
عايز ايه !
مش عايز حاجه انا بس مستغرب شويه ان عروسه اخوك تبقي اخت مريم
حازم انا الي فيا مكفيني خد خالد ويوسف واختفوا من هنا
لسه قلقان من موضوع نيره ولا ايه ! ما قولتلك اطمن مفيش حاجه هتكشف
يا جدع بلاش استفزاز وامشي من هنا
ابتسم حازم وهو يقول
حاضر هسلم علي نيره وامشي
قالها ورحل وفادي يزفر بقوه ويراقبه من بعيد وهو يقوم بمصافحه نيره
اما عند نيره هتف حازم بابتسامه
معلش يا قمر لازم امشي بس اكيد هشوفك تاني
حركت راسها بنعم وهي تهتف
اه طبعا اكيد
اخرج هاتفه من سترته وهو يقول
ممكن رقمك ولا في مشكله
ترددت وهي تنظر الي هاتفه وعندما وجدت سليم يميل ناحيه اشرقت ويهمس لها ببعض الكلمات لتضحك هي تناولت الهاتف من يديه هاتفه
اه طبعا
قامت بكتابه رقم هاتفها ابتسم حازم ثم قام بالرن عليها وهتف
سجلي رقمي بقي عندك
لم ينتبه فادي لما حد حيث كان مركز عينيه علي مريم اقترب منها وهتف
انا محتاج مساعدتك يا مريم
زفرت مريم بملل وهي تقول
ياااد حل عني متخلنيش
