الزوجه الثانيه

كفايه الدنيا جايه علينا هو إحنا مش بنى أدمين بتلعبو بينا الهانم عايزه طفل ومبتخلفش يقوم إيه الباشا مش عايز يزعل المدام بتاعته يجيبلها واحده تخلف ليها عيل وبعد كده يرميها فى الشارع أه مهو الشارع مش بعيد عليها مهى جايه منه بس لحد كده ونوقف مروه مش هتتجوز حد وإنتا ياباشا روح شوفلك واحده تتجوزها من الطبقه إلى إنتا منها إحنا كفايه علينا كده منكم ومن الدنيا إرحمونا شويه كفايه ظلم فينا 
جاسمعندها حق ياجماعه أنا مش هتجوز البنت دى 
ريناد جاسم إنتا إتجننت إنتا لازم تتجوزها ده الحل الوحيد 
هدى إنتى هربيكى وهعلمك الأدب إزاى تدخلى مكتبى كده وتتدخلى فى إلى ميخصكيش 

جودى إيه هتخلينى أكنس وأمسح وأكوى واطبخ حاجات أنا متعود بردك مش جديد تقدرى تقولى إنى مش فارقه معايا ولو الجوازه دى تمت وأهو سجن بسجن والحمدلله الباشا إقتنع ومش هيتجوز مروه عن إذنكم 
جاسم بتحدى إستنى عندك أنا قولت مش هتجوز البنت بس مقولتش إنى مش هتجوز خالص وأنا قولت هختار العروسه بنفسى 
جودى بعدم فهم بمعنى 
جاسم هتجوزك إنتى وأعرفك إزاى تقفى فى وش جاسم عز الدين وأحب ابشرك إنى أيامك الجايه عباره عن عڈاب بس يعنى إستعدى 
جودى نجوم السما أقربلك 
جاسم قعد الكرسى والكل واقف يشاهد المنظر يبقى هتجوز مروه ولو مخلفتش هرميها فى الشارع واجى هنا اختار غيرها إنتى متعرفيش أنا مين وممكن أعمل والملجأ إلى لمك إنتى وأصحابك ده بمكالمه واحده أقفله قولتى إيه 
جودى إنتا أكيد مش بنى أدم 
جاسمقلة أدبك ديه هحاسبك عليها بعدين مستنى ردك علشان على أساسه هعمل حاجات كتير 
جودى بتفكير هو أكيد ممكن يعمل كده الناس دى معندهاش رحمه ردت عليه پقهر وصوت مكتوم موافقه 
جاسم كده إنتى عاقله وعارفه مصلحتك هاتيجى معانا الفيلا والجواز هيتم هناك 
ريناد أنا سكت كتير دلوقتى إحنا مكشفناش على الهانم ولا عرفنا بتحلف ولا لأ وأنا مش هخاطر لازم تكشف قبل الجواز 
جودى شعرت بغضه فى قلبها كيف وصلت إلى هذه المرحله
يالهذا الزمن التى أصبح فيه
الفقير يباع بهذا الشكل 
عزت هناخدها ونطلع بيها على الدكتوره تكشف عليها ونطمن 
جاسمحتى لو كشفت ومبتخلفش هتجوزها أنا ليا تار عندها ولازم أدبها وأبقى أتجوز غيرها الكلام خلص لحد هناة
جودى بحسره وقهر هسلم على أصحابى وبعدها نمشى 
جاسم قعد على المرسى وحط رجل على رجل معاكى عشر دقايق أنا مش فاضى للكلام ده 
جودى طلعت سلمت على أصحابهاإلى اتقهرو علشانها ورهف هتتجنن من إلى بيحصل ومش مصدقه إن جودى خلاص مش هتبقى معاهم 
رهف ده جنان إنتى مش هتروحى فى مكان 
جودى للأسف لازم أروح معاهم ياكده يايقفلو الملجأ وإنتو تتشردو فى الشارع الناس دى مبتهظرش 
رهف إنتى إزاى بتتكلمى بجمود كده عيطى أصرخى أى حاجه بقلق عليكى لنا بتبقى كده 
جودى هصرخ واعيط وهتجوزه بردك وحياتى كده كده اټدمرت مفيش جدال أشوف وشكم بخير 
رهف أنا هاجى معاك أبقى جنبك مينفغش تبقى لوحدك 
أخدت جودى رهف وذهبت إليهم وأخبرتهم أن رهف سوف تذهب معها لتكون بجانبها 
وبالفعل ذهب الجميع الى الطبيبه التى أكدت لهم أن جودى تستطيع الإنجاب 
جودى كانت فى عالم أخر لم تصدق مايحدث معها أيعقل هذا هل ستظل تتعرض لهذه الانواع من البشر أيعقل لايوجد أناس طيبون فى هذا العالم 
وبعد فتره وصل الجميع إلى فيلا جاسم عز 
قام جاسم بالاتصال بالمأذون وايضا بريان ليشهد على الزواج وبعد فتره اجتمع الكل 
وكانت رهف بجانب جودى كل هذا الوقت وتعجب ريان من وجود رهف وكيف تزوج صاحبه بين يوم وليله
وتم الزواج ورحل المأذون 
ذهبت رهف مع جودى إلى غرفتها التى خصصها لها جاسم فى الفيلا لتودعها 
وذهب جاسم مع ريان ليتحدث معه وذهبت وجلست ريناد مع عزت 
رهف جودى لازم تبقى قويه الناس دى مبتهظرش كفايه إلى عملوه فيكى انا مصدقه لحد دلوقتى إلى حصل لازم تردى للى اسمه كريم ده إلى عمله فيكى وأوعى تسمحيله يقرب منك ويبقى كده إلى عايزه حصل وتخلفى ويرميكى 
جودى قويه وهجيب القوه منين وانا عامله زى
الورقه إلى شويه ريح بيخليها تروح من مكان للتانى 
رهففوقى
بقا لازم ترجعى تانى جودى القويه إلى مبتخافش من حد لازم تقفى للكل
وظلت تتحدث معها 
عند ريان وجاسم 
ريان إنتا
ازاى توافق على كده ذنبها إيه البنت ديه تعمل فيها كل ده عملتلك إيه علشان تإذيها بالطريقه دى إنتا بقيت كده ازاى 
جاسم قولتلك هى إلى خلتنى أعمل كده لسانها طويل وبعدين مش ده كلبى إنى أجيب طفل وأهى اتحلت انا عايزه إيه تانى ياريان ده سببى علشان اتجوز وعزت حل الموضوع 
ريان بلاش تظلمها ياجاسم هى ملهاش ذنب فى كل ده بلاش تظلمها 
جاسم ليه بتقول كده وأنا من امتى بقيت كده 
ريان من ساعة لما سمحت لنفسك تكسر بنت ملهاش ذنب غير إنها أتربت فى ملجأ ولما وافقة على إلى عزت طلبه منك لمجرد إنه ميزعلش بنته إلى إنتا اساسا مش حاسس بحبك ناحيتها 
أنا ماشى دلوقتى نتقابل بعدين 
خرج جاسم وريان وجدو ريناد تتحدث مع رهف بقله حياء
جاسم ليفض الامر أنسه رهف بعتزر منك حالا السواق هيوصلك 
رهف لا أنا أقدر أصرف لوحدى شكرا لحضرتك 
ريناد جاسم هى ازاى هتتعود على العربيات الكبيره والسواق والحاجات دى دى متعرفش غير الاتوبيس والملجأ إلى هى فيه 
جاسم ريناد كده إنتى غلطى فيها ولازم تعتذرى 
رهف الملجأ إلى إنتى بتتكلمى عنه ده إلى جوزك اتجوز منه علشان حضرتك مش عارفه تجيبله طفل وإلى من الملجأ إلى هتجيبه بإذن الله يعنى تقفى عوج وتتكلمى عدل وتعرفى معنى الكلام إلى بيطلع منك 
عن إذنكم وتركتهم ورحلت 
ريان خرج ورائها سريعا 
جاسمبزعيقإنتى غلطى ياريناد
ريناد إنتا إزاى تسمحلها تكلمنى كده بالطريقه ديه أنا سمحت بكل ده علشان الطفل إلى إنتا عايزه بس لو فكرت إنى ممكن أسيبك للبنت دى تبقى اټجننت 
جاسم وإنتى لو مفكره إنك بتلوى دراعى تبقى إتجننتى أنا راجل ياريناد وأعمل إلى أنا عايزه أوعى تفكرى إنى علشان وافقت على الجواز بالطريقه قولتى إنى ضعيف 
ريناد وأنا مش عارفه إنتا اتغيرت معايا ليه كده فين حبك ليا ووعودك 
جاسمقبل ماتسألينى اسألى نفسك فين حبك أنا هسيبك وأطلع لمراتى 
وسبها وهى ھتموت منه وطلع 
فى الخارج 
ريان أنسه رهف تعالى معايا أوصلك للمكان إلى إنتى رايحاه 
رهف وهى بتمسح دموعها لا أنا عارفه
المكان شكرا لحضرتك 
ريان وقد لاحظ بكائها بتعيطى
علشان صحبتك صح 
رهف لا بس أن عملت معصيه قولت لريناد كلام عن الخلفه وهى مالهاش ذنب فيها ربنا هو الى بيرزق هى الى اضطرتنى لكده وهى بتقلل مينى 
ريانريناد تستاهل كل إلى إنتى قولتيه وده كان رد اى واحده طبيعيه عليها 
رهف أى واحده مش انا واحده من ملجأ تتطاول بالكلام على واحده زى ريناد يبقى أنا إلى غلطانه مش هى دى نظرة المجتمع المفروض إنى أتشتم وأسكت أتهان وأسكت 
دى نظرة الناس لينا حتى صاحبك لما حب يجيب واحده يتجوزها وتخلف وتدى الولد لمراته حبيبته الاولى وميزعلهاش راح الملجأ للبنات إلى ملهاش أهل اهلنا رمونا الناس هتعطف علينا وتحبنا أنتا الصبح مكنتش مستوعب كلامى دلوقتى أهوه اتأكدلك فى نفس اليوم عن إذنك 
سابت ومشيت يفكر هوه ليه اصلا متعاطف مع البنات دى هو مكانش كده ولاعمره فكر كده حتى والدته لما غلطت قاطعها ومنعها إنها تشوف حور وساعدته فى كده صافى وفكر فى صافى وسببب قسۏتها دى وهى ربته على القسۏه 
رحل بسيارته وهو غارق فى افكاره 
فى فيلا ريان الجمال
فريده أرجوكى ياصافى أشوف حور مره واحده بس نفسى أشوف بنتى 
صافى وأنا قولت لا وتمشى من هنا حالا هطلب البوليس وأقول إنك بتتهجمى على البيت عيالك مش عايزينك أنا أخدت منك كل حاجه عيالك وبيتك والشركه وكله إنتى معدش ليكى هنا حاجه 
فريده أنا أذيتك فى إيه ليه تقلبى عيالى عليا كل ذنبى إنى اتجوزت تحرمينى من عيالى 
صافى منا إتحرمت من بنتى إشمعنا أنا حور وريان عوضونى فراق بنتى ومستحيل اسمحلك تبعدينى عنهم 
فريده بتعقبنى أنا ليه ذنبى إيه أنا وعيالى ليه أتحرم منهم 
صافى محدش بياخد كل حاجه إنتى اختارتى حبيبك يبقى متزعليش لما ابعد بعيالى أخويا 
وفى هذا الوقت أتى ريان وتفاجأ بوجود فريده
ريان للامن مين إلى دخل الست ديه هنا كلكم هتتغيرو من بكره أنا قولت متدخلش هنا كلمتى تتنفذ دلوقتى تطلعى ولا أخليهم يرموكى بره ياله من هنا وإوعى تحلمى إنى ممكن أسيبلك ملك ودلوقتى بره
خرجت فريده وهى تبكى پألم وحسره فهى تركت أولاده لهذه الحيه لتغرس فى قلوبهم الحقد والكراهيه والقسۏه فهى ضحت بأولادها قصاد حبها لامت نفسها على تركها لأولادها هل تسمى نفسها ام مراد لديه حق فهى تركت أولادها ورحلت وتنفذ رغباتها وقررت النظر مره اخرى فى زواجها ونوت على الطلاق
جاسم خلص كلامه مع ريناد وطلع عندى جودى 
جاسمإنتى دلوقتى فى بيتى ومراتى يعنى أقدر أعمل إلى أنا عايزه وأذل فيكى براحتى وزى منا عايز 
جودى تذكرت كلام رهف ووقفت أمامه بصمود وقوه كل إلى
هتعمله دلوقتى
عرفاه هتحاول تستقوى عليا وتظهر رجولتك 
جاسم إنتى إزاى تتكلمى معايا بالطريقه دى من اليوم ده بدأ تعذيبك أوعدك مش هفوت لحظه من غير مأعذبك 
جاسم ترك شعرها
ولكنه وجدها تقف بجمود أمامه ڠضب بشده
رهف وصلت الملجأ بعد فتره 
هدى رايحه فين 
رهف رايحه اوضتى ولا دى فيها مشكله كمان 
هدى الحمدلله خلصت من صاحبتك فاضل إنتى عن قريب 
وتركتها ورحلت وذهبت رهف إلى غرفتها
رهف بكت على حالها هى وصديقتها أيعقل أن يكون هؤلاء بشړ لا ليسو بشړ إنهم ذئاب 
وظلت تبكى حتى غفت فى مكانها 
فى الصباح فى فيلا ريان الجمال يتناولون الإفطار 
ريانأنا إمبارح شوفت صاحبتك إلى من الملجأ
حور شوفتها فين رهف بتطلع من الجامعه على الملجأ مش بتخرج منه 
صافى بسخريه وهى الأشكال إلى زيها ليهم مكان يلمهم 
حور لا رهف مش كده رهف محترمه ولو كانت مش كويسه أنا مكنتش هصاحبها 
ريانجاسم اتجوز واحده صاحبتها من الملجأ
حور مش جاسم متجوز ريناد والمفروض بيحبو بعض وبعدين إتجوز مين
صافى جاسم إتجنن إزاى مستواه ينزل لكده ويتجوز من الملجأ مش خاېف على اسمه ووضعه وريناد وافقت بكده ولا طلقها 
ريان ده موضوع يطول شرحه عايز يخلف والحل إنه يجيب بنت غلبانه تخلف وريناد تاخد الولد تربيه والبنت تطلق وتمشى أه البنت اسمها جودى 
حور پصدمهجودى هو صاحبك ده معندهوش قلب إزاى يعمل فى جودى كده هى مش إنسانه زينا 
ريان تعرفيها 
حور أه صاحبتى هى كمان أنا عايزه أروح اشوفها ريان أرجوك 
صافى إنتى إتجننتى خالص تروحى فين علشان الناس
تعرف إن حور الجمال بتعرف ناس من الملجأ 
ريان حور
إطلعى هاتى حاجتك وأنا هوديكى تشوفيها 
حور طلعت فوق 
صافى إنتا هتاخدها تشوف البنت دى
بجد 
ريان أنا شايف إن
البنات دول

ملهومش ذنب