حوريه بقلم_فريدة_احمد

كلام رشا كان بيغلي في دماغه لكن كان بيحاول ميصدقوش ورد عليها وقال .. انا استحالة اعمل كده في حورية وكل الكلام الاهبل اللي قولتيه ده معداش علي دماغي. لان حورية عمرها ماتعمل كده
رشا اتضايقت لما حست ان كل اللي بتعمله مش هيجيب نتيجة لكن قالت باستهزاء... بكرة تشوف ست الحسن لما تسيبك وتلاقيها بتطلق علشان تتجوز غيرك. اذا كان امجد بقا ولا المحامي اللي اشتغلت معاه. اصلي سامعة انه معجب بيها هو كمان .
وبعد مارشا نزلت فضل واقف وكلامها بيدور في دماغه وافكار كتير بتدور في راسه ومية سؤال وسؤال
مسح علي وشه وهو مش قادر يصدق كده في حورية لانه عارفها كويس وواثق فيها . نفض الافكار دي من دماغه وهو بيقنع نفسه ان حورية ماتعملش كده وتفكر في حد وهي علي ذمة راجل واتجاهل كل كلام رشا. لكن كان قلقان من انها تتطلق وتكون من نصيب حد غيره. وده اللي مستحيل يقبل بيه

بس بردو كان مبسوط انها هتتطلق. يعني هتبقي حرة وقال في نفسه بإصرار لازم تكون ليا اناا. هعمل المستحيل علشان تبقي معايا. حورية دي بتاعتي ومش من حق حد غيري. لازم اخدها منو واعلم عليه
عند محمد اللي بعد ما وقف قدام شقة معينة وفتحتله ست شيك جدا علطول حضنته وهي بتقول... وحشتني
دخل وكان باين عليه انه مهموم وهي لاحظت ده
كانت واقفة بتبص عليه راحت قالت بسخرية .... للدراجادي بتحبها..
كملت وقالت بحيرة... هو اللي مش فاهماه لو انت بتحبها حقيقي. بتخو نها ليه!!
كان سحب سېجارة وبيولعها بعد ماقعد علي الكنبة بصلها شوية وقال.... انا جاي .. هتعرفي ولا ارجع
قربت ليه بسرعة وقالت.... طبعا اعرف..
كملت بدلع... وانسيك اسمك لو عاوز
محمد.... وريني
صباحا
كانت حورية بتجهز علشان تنزل شغلها 
في الوقت ده محمد فتح باب الشقة ودخل بهدوء 
كانت حورية خارجة من اوضتها اتفاجات بيه في وشها
ولانه كان بايت بره طبعا حورية اول ماشافته قالت.. اهلا
وكملت بسخرية.... ياتري السهرة كانت مع مين الليلة
محمد.... يخصك في ايه
بصلها وقال بعد مارفع ايده وبدا علي خدها... مش نفسك عني.. لو عليا . بس انتي اللي مانعاني اقربلك ياحورية
برغم ان حورية عارفه ان ديلو بس كانت فاكرة انه بعد ماتكشف قدامها يمكن يحاول يبطل اللي بيعملو بس يظهر فعلا زي مابيقولو ديل الكلب عمره مابيتعدل
نزلت ايده پغضب وقالت بقرف....عاوز بعد ماشوفت وسا ختك بعيني مع اللي زيك فاكر اني هخليك تلمسني تاني
محمد.... انا قولتلك مستعد ماقربش من واحدة غيرك.. انا مستعد ياحورية. سامحيني وهتشوفي. من النهاردة مش اي واحدة.. بس ارجعيلي وانسي اللي حصل
كمل بتعب... اديني فرصة اتغير.. انتي اتجوزتيني
وانتي عارفة اني كده.. بس مساعدتنيش ياحورية
حورية.... انا عمري ماقصرت معاك في حاجة.. واه كنت عارفة انك بتاع