ناهد

الجديد 
ناهد .. ماشى ياحبيبتى خش...
يقاطعهم الجرس اللى رن .. نيران تخاف للحظة .. تاخد نفس عميق.. مفيش خوف تانى محدش هيقربلى اهدى
قالت كده لنفسها ونفخت بهدوء ومامتها واقفه مش عارفه تعمل ايه 
ناهد .. هنفتح ولا ايه 
نيران تشاور لها بمعنى اه .. وتروح تفتح الباب تلاقى بنت غريبة اول مرة تشوفها 
نيران .. ايوه !
مريم .. انا مريم
.. استاذ هارون كان مبلغ بابا إن أول ما حضرتك تيجى يقولى عشان اجي اشوف طلباتكم 
..نقف لحظه .. مريم .. بنت جميله .. عندها ٢٥ سنه .. خريجه فنون تطبيقيه .. طموحه ومبدعه وبتحب الخير للكل لكن للاسف ظروف باباها كانت أقوى من طموحها فاضطرت تشتغل فى نفس البيت اللى باباها بيشتغل بواب فيه وشهادتها بقت مجرد ورقه بتزين دولابها .. شعرها بني وقصير جدا .. 
نيران بتفهم .. اه تمام بس احنا مش محتاجين حاجه حاليا 
مريم باحراج .. لا ماهو انا هسكن معاكم وهشوف طلباتكم فى اى وقت
ناهد .. طب ادخلى يا حبيبتى .. تعالى 
مريم تدخل ونيران تقفل الباب وراها .. انا هدخل ارتب الاوض وارص الهدوم فى الدولاب 
ناهد .. ماشى .. معلش ابدأي باوضه نيران عشان تعبانه وكانت عاوزه تنام 
مريم بابتسامه حاضر 
نيران تبتسم اسمك ايه بقى 
مريم اسمى مريم 
نيران عاشت الاسامي 
مريم تبتسم لها وتروح توضب المكان ونيران تقف فى البلكونة عقبال ما تخلص .. بعد نص ساعة تخرج مريم وتبص لنيران انا ظبطت لك الاوضه والحمام عشان لو عوزتى تاخدى شاور ولا حاجه 
نيران شكرا .. معلش تعبتك معايا 
مريم تعبك راحه .. هروح اخلص الاوضه لحضرتك 
ناهد ما بلاش حضرتك بقى وبتاع ارفعى الألقاب ياحبيبتى انتى زى نيران بنتى دلوقتى وادينا عايشين سوا اهو 
مريم تبتسم وتروح تروق اوضه ناهد .. نيران تستأذن مامتها وتدخل الاوضه ويدوب قفلت الباب وراها تبص للديكور وتحس پخنقه غير طبيعيه وحست ان المكان ضاق بيها لمجرد انها افتكرت اول ليله ليهم سوا فى اوضه مشابهة للاوضه دى وبتبص لباب الحمام وكأنها مستنياه يخرج منه بعد كل اللى عمله .. تبلع ريقها بصعوبه وتمسح الدمعه اللى خانتها ونزلت تحرك راسها پعنف كأنها بتطرد الافكار من دماغها تدخل الحمام تغسل وشها وتطلع تقف فى البلكونة جايز الهوا يبرد الچرح اللى پينزف جواها وللاسف الچرح ڼزف اكتر من اللى شافته وحست ان الارض بتدوب من تحتها وقلبها مقبوض وبيتخنق اكتر من المنظر قدامها تغمض عينها پعنف وتنهيداتها بدأت تعلى وكأن قلبها بيعلن الحړب جواها .. تفتح عينيها ببطء وهي بتتمنى ان يكون دا حلم وانهم مش قدامها دلوقتى يادوب فتحت عينها تتخض لما تلاقيه باصصلها ولسه هتدخل تتفاجئ بجرأته على الرغم من انه شايفها تبصلهم پصدمه وتحط ايدها على بقها وتجرى تدخل جوه عند ادهم اول ما لاقاها دخلت يبعد عن بوسى .. مش يلا بقى عشان تعبان وعايز انام 
بوسى تشاور له بمعنى لا.. ادهم واقف ثابت قدامها واللحظه استغربت وبعدت عنه 
بوسى .. فى ايه !
أدهم .. يلا نطلع الاوضه 
بوسى .. اوك 
تعدى من قدامه وتدخل القصر وهو يبص على بلكونتها يلاقى النور بتاعها اتطفى فخمن انها نامت .. يدخل ورا بوسى ويطلعوا اوضتهم .. اول ما قفل الباب يلاقي بوسى واقفه ومربعه ايدها وبتبصله 
أدهم .. خير !
بوسى .. انا عايزه افهم ايه اللى حصل دلوقتى دا 
ادهم باستغراب .. ايه اللى حصل 
بوسى .. من شويه قربت مني لدرجه انى قولتلك تبعد شويه لانى معرفتش اخد نفسى .. وبعدها بعدت ولما قربت منك كنت زى لوح التلج قدامى وكأن اللى معايا من شوية دا كان شخص تانى مش انت ! ايه تفسيرك لدا ومتقولش طبيعى لانه مش طبيعى ابدا 
أدهم .. لا طبيعى عادى .. كنتى وحشانى ايه المشكله ف كده 
بوسى تبصله بتوجس .. انت عارف ان دا مش قصدى .. بطل تلف وتدور 
ادهم بهدوء .. انا لا بلف ولا بدور انا بس بعرفك انه عادى يعنى 
بوسى بصوت عالى نسبيا .. وانا مبتكلمش عن كده ولا لا لانه عادى انا بتكلم فى نقطه انك بعدت فجأة ومتقبلتش قربى .. وكأنك قربت متعمد تغيظ حد او عاوز تثبت حاجه الموضوع غريب 
بوسى .. والله ! انت عاوز تقنعنى ان دا السبب 
أدهم .. اه صدقتى تمام مصدقتيش دى مشكلتك انتى بقى 
بوسى .. طب تمام هحاول اصدقك بس
ليه بعدت اعتقد اننا متجوزين وعادى لو عملت كده لا هو عيب ولا حرام 
أدهم .. مش عيب ولا حرام هنا فى اوضه نومنا مش قدام الناس .. اه احنا متجوزين ومحدش هيتكلم لو شافنا كده لكن دا مش معناه انه
صح .. مينفعش نعمل كده فى مكان مفتوح ايا كان المكان بقى .. احتراما للناس اللى ممكن يشوفونا 
بوسى .. انت بتقول اى كلام على فكره .. انت بتبرر لنفسك وخلاص 
أدهم .. انا قولت اللى عندى ومش مضطر ابرر حاجه .. بعد اذنك 
يفتح الباب وهيخرج 
بوسى .. ادهم استنى 
يتجاهلها تماما ويقفل الباب وراه ويخرج .. بوسى تقعد على السرير بغيظ وقالت بعصبيه .. كان لازم يعنى اتكلم واحلل وافكر فى الموضوع اهو اضايق وسابلى الاوضه كلها اوف 
ادهم سابها ورجع لمكانه على البسين .. قلع جاكيت بدلته والجزمه بتاعته وحطهم على الارض جنبه وشمر كمام قميصه وفتح الزراير من فوق .. يفرد جنب البسين بالظبط ويبص للسما وجواه سؤال مش لاقى ليه اى تفسير ليه .. مستغرب نفسه جدا ليه عمل كده وليه تعمد يعمل كده قدام نيران بالتحديد وليه بعد عن بوسى اول ما اختفت .. مش متقبل فكرة انه حب يستفزها بمنظرهم او ېجرحها مش متقبل انها شغلت حيز من تفكيره وانه عمل دا لمجرد انه يضايقها بس .. مش قادر يصدق اصلا انه عمل قيمة لوجودها وعمل فعل ايا كان كويس او وحش بس غرضه لفت انتباها .. ياخد نفس عميق بيبص لبلكونتها يلاقى النور لسه مطفى .. يرجع يبص للسما تانى وعمال يفكر وبيحاول يوصل لسبب يرضى غروره غير محاولة ابتزازها لانها مش فى دماغه او لانه بيتمنى انها متكونش ف دماغه ! .. وفي وسط ما هو غرقان فى تفكيره .. ينتبه لصوت 
بوسى .. بقى انت سايبنى وقاعد هنا لوحدك 
ادهم يبصلها يلاقيها لبست فستان وحطت ميكب وسرحت شعرها .. يبتسم باستهزاء 
أدهم .. قلت اسيبلك الاوضه تفكرى براحتك وتقتنعى بالسبب 
بوسى .. مش مقتنعه بس برضو مش عاوزاك تبقى زعلان 
تروح تقعد جنب راسه وتبصله فى عينه وادهم يتنهد .. تمام 
بوسى تقرب اكتر وتدلدل رجليها فى الميه .. ادهم حط راسه على رجلها وهى بدأت تدلك شعره وبتعمله مساج لدماغه وقالت بصوت هادى ورقيق .. ليه تمام وبس ماانت ممكن تقنعنى ونتجنب المشاكل خالص صح 
أدهم .. متعودتش ابرر او اقنع حد بحاجه 
بوسى .. بس انا مراتك والمفروض حبيبتك ودا حقى عليك .. الوضوح اقل حاجه ممكن تقدمهالى 
ادهم يفكر شويه ويتعدل ويبصلها 
أدهم .. تمام هوضح لك .. قربى ليكى مش لاقى لحد دلوقتى اى سبب مقنع ليه ومش عارف انا ليه عملت كده بس اكيد كنتى وحشانى خصوصا انى مشوفتكيش طول اليوم .. أما بعدى عنك فدا لانى فعلا مش حابب حد يشوفنا لانه غلط 
بوسى شبه اقتنعت بكلامه .. طب تمام غلط .. بس انا لما رجعت قولتلك انى عاوزه انزل البسين قولتلى لا مينفعش عشان اهلك وكده بس لما اضايقت قولتلى تعالى نروح التانى اللى ورا الفيلا دا محدش بيجى عنده خالص لانك انت اللى عامله هو واوضه الجيم يعنى خاصين بيك .. ليه خاېف من الناس بقى 
ادهم انا مش خاېف من الناس انا بحترمهم مش اكتر .. وبعدين فكك من الموضوع دا واقفليه انا وضحت لك ومعنديش كلام تانى 
بوسى تبتسم وتحرك راسها بمعنى تمام .. متزعلش منى انت بس غامض شويه ومحتاجه افهمك 
أدهم .. تمام 
بوسى .. مش هننزل البسين بقى 
أدهم .. مبتنسيش ابدا 
بوسى بدلع .. تو تو وهتنزلنى مليش دعوه 
ادهم يبتسم ويقوم .. هروح اغير واجي 
تشاور له بمعنى تمام وهو يدخل اوضه الجيم اللى فيها دولاب فيه لبس الجيم ولبس البحر بتاعته يغير هدومه ويخرج يلاقيها قلعت الفستان بتاعها ولابسه مايوه معلقش على الموضوع وينط فى الميه يمد لها ايده يلا 
تبتسم وتمسك ايده وتنط هى كمان وتضحك بصوت عالى وهو الى حد
ما مبسوط 
عند نيران تسمع خبط على الباب .. تفتح عينيها ببطء وتبص حواليها .. تلاقى نفسها فى الحمام وقاعده فى البانيو والميه من كتر ما قعدت فيها بقت ساقعه .. تقوم من البانيو باستغراب انها قدرت تنام .. خرجت تفتح الباب تلاقيها مريم 
مريم .. ناهد هانم بتقولك مش هتتعشى 
نيران بصوت نايم .. لا قوليلها هتنام 
مريم .. تمام يا هانم 
نيران .. بلاش هانم والجو دا .. اسمى نيران وقولي لماما .. يا ماما ناهد عادي 
مريم باحراج .. ميصحش ......
تقاطعها نيران .. لا يصح احنا كلنا زى بعض بالعكس جايز انتى كمان ظروفك متسهله عنى شويه فارفعي الألقاب ومتقلقيش احنا اه من العيله دى لكن مبنحملش اى طباع منهم احنا عيله بالاسم بس 
مريم تبتسم لبساطتها .. تمام يا نيران 
نيران تبتسم لها وتقفل الباب وراها وترجع تنام 
يعدى الوقت .. ادهم يبص لبوسى مش كفايه كده .. انا عندي شغل بكره 
بوسى خلينا شويه كمان 
ادهم يبتسم هنبقى ننزل تانى .. بس بجد يلا تعبت 
بوسى برقه ننزل بكره
أدهم لو رجعت بدرى هنزلك 
بوسى توعدنى 
ادهم انا كلمتى لوحدها وعد 
بوسى تبتسم وتتحرك ناحية السلم وهو ينط منه ويطلع
على طول من غير ما يروح للسلم .. يطلعوا اوضتهم ويناموا 
تانى يوم .. تقوم نيران من النوم وتاخد شاور وبعدها تروح شغلها ومن بعده الكورس .. عند نديم .. يعدى على اوضه جويريه ويخبط .. تفتحله وبعدها كانت هتقفل تانى يحط ايده ويمنع الباب 
نديم مش هنبطل لعب عيال بقى 
جويريه پغضب واضح نعم .. خير .. عاوز ايه سيادتك !
نديم يغمز لها عاوزك 
جويريه ملكش دعوة بيا و متتكلمش معايا خالص .. وبعدين عاوز ايه من واحده زنانه زيي يعنى .. ومش مدياك مساحتك الشخصية !! .. ايه اللى يجبرك تكلمنى او تعوزنى اصلا 
نديم يضحك امممم انتى مفعله مود النكد .. طب اجيلك وقت تانى بقى شكلك مجنونه دلوقتى 
جويريه يكون احسن لو مجتش خالص 
نديم يضحك تانى وبيحاول يستفزها ليه بس كده يا جوجو .. تقدرى على بعدى
جويريه
اه اقدر واتفضل يلا متتكلمش معايا 
نديم اوك
همشى دلوقتى .. كده كده كلها شهرين