ناهد

منزلتش ميه قبل كده ففضلت تلعب بالميه برجلها بس ومستمتعه بالهوا اللى بيطير شعرها وبروده الجو وشكل السما اللى بتحسسها بهدوء الليل 
يعدى الوقت .. الدكتور طمنهم على هارون وانه احتمال يخرج بكره .. قاسم حاول معاهم عشان يروحوا كلهم بس محدش رضى وفضلوا انهم يفضلوا جنبه .. نديم يقرب على جويريه .. تبصله بحذر لان اهلهم كلهم موجودين 
نديم بهمس وقته دلوقتى حد يتعب .. اهم هيأجلوا الفرح 
جويريه تبصله بنفاذ صبر من تفكيره اهدى مش وقته الكلام دا .. المهم نطمن على جدو 
نديم ما احنا هنطمن عليه .. هو كل فتره بيحب يخضنا عليه كده 
جويريه اكتفت بالابتسامه 
نديم يلا نروح 
جويريه لا طبعا مش هنروح ونسيبهم لوحدهم كده 
نديم يابنتى ماكلها ساعتين والنهار يطلع ونمشى كده وكده 
جويريه برضو خلينا معاهم .. واهدى ها اهدى 
نديم يضحك جامد الحق عليا كنت عاوز اخدك ونتمشى شويه .. يلا ملكيش نصيب
يسيبها وبيتحرك 
جويريه بسرعه استنى .. هنخرج بجد
نديم وهو بيبعتلها فى الهوا وماشى العرض كان سارى لمده دقيقه وانتى ضيعتيها 
يمشى ويقف جنب ابوه ويبصلها كأنه بيغيظها .. وهى تبص بعيد بلامبالاه مصطنعه ومن جواها بتضحك على حركاته الطفوليه 
يعدى الوقت .. نيران الميه دفيت خالص على رجليها وجواها فضول غريب تنزل وشكل الميه مع هدوء الليل مشجعها جدا على النزول .. تحط ايدها على طرف البسين وتنزل وهى ماسكه جامد .. اټصدمت اول لما ملقتش ارض تحتها حاولت تطلع تانى بس للاسف جسمها تقيل فى الميه مش عارفه تخرجه .. مش عارفه تعمل ايه وتتصرف ازاى .. هى مبتعرفش تعوم وعمرها مانزلت ميه قبل كده وتخيلت انها هتلاقى ارض لانه حمام سباحه مش بحر .. حاولت تنادى على حد بس اتحرجت حد يشوفها باللبس اللى لابساه دا غير ان محدش هيسمعها اصلا .. تبص تلاقى سلم الطلوع على الناحيه التانيه.. تمسك حرف حمام السباحه من فوق وتحرك نفسها فى الميه وهى ايدها واجعاها من كتر ما ماسكه حرف حمام السباحه بالشكل دا .. عماله تتحرك وخلاص هتعيط من كتر ۏجع ايدها وخۏفها من الميه .. ولسه بتتحرك تحط ايدها على مسمار فى حرف حمام السباحه .. تصوت جامد وتسيب ايدها ڠصب عنها ولقت نفسها نزلت لتحت .. فضلت ترفع نفسها وبتصوت وبتتمنى حد يلحقها ..
وبتعافر مع الميه وبتحاول تقرب وتمسك طرف البسين لكن من كتر مقاومتها فى انها تستسلم للميه دخلت فى نص البسين ومبقتش عارفه تتحرك وخلاص مش قادره تاخد نفسها .. بعد مده مش قصيره عينها خلاص بدأت تستسلم للظلام حواليها .. ايدها ارتخت ومقاومتها اتشلت تماما وسكنت على الميه والميه رفعتها لفوق وفضلت نايمه على الميه ووشها لتحت وقاطعه النفس 
فى نفس اللحظات دى .. يدخل ادهم من باب القصر بعد ما استأذن منهم انه يمشى .. لانه بيتخنق من اجواء المستشفى .. لسه هيطلع اوضته يفتكر نيران اللى خبط فيها وهو نازل وهى كانت راجعه من بره .. ياترى كانت فين ! .. دا السؤال اللى ملقاش ليه اى اجابه كان عاوز يطنش ويطلع اوضته لكن مقدرش ولازم يعرف هى بتعمل ايه من وراه فى الاول والاخر هى شايله اسمه .. يروح عندها ويطلع خبط على الباب مريم فتحتله .. يدخل الاوضه من غير ما يخبط يلاقيها فاضيه تماما .. يستغرب يقرب على الحمام يلاقى نوره مطفى .. يدخل البلكونه وبرضو ميلاقيهاش وهنا حس پغضب كبير جواه انها ممكن تكون بره البيت .. لسه هيدخل يلمح حد فى البسين بتاعه وبيغرق .. ومعرفش مين لانها عماله تطلع وتنزل من كتر ما هى بتقاوم الميه بس عقله ترجم انها نيران .. يجرى بسرعه على تحت ويقرب على البسين يلاقيها ڠرقت بالفعل .. الوعى تماما .. لاول مره فى حياته يحس بالخۏف بالشكل
دا .. حس برهبه من انه ممكن يفقدها .. يحطها على طرف البسين و حاول انعاشها .. وهى مش بتستجيب معاه .. بتلقائيه عملها تنفس صناعى .. وهو مازال بينعشها وبيدعى من قلبه انها تقوم وميحصلهاش حاجه .. بعد مده دامت لعشر دقايق .. اخيرا ايدها اتحركت .. تكح جامد وباين على ملامحها الخنقه .. تفتح عينها ببطئ وتبصله وهى مش مصدقه انها شيفاه .. حاسه ان نفسها مكتوم وتحط ايدها على قلبها وهى مازالت بتكح .. ادهم مستمر فى انعاشها وهى بتستعيد وعيها .. واخيرا تمسك ايده تشيلها من عليها بضعف .. وهو هنا اطمن انها خلاص فاقت 
ادهم انتى كويسه
تبصله بتعب وتحرك عينها بمعنى اه .. وهو ساندها بالراحه ويتحرك بيها لاوضه الجيم .. ينيمها على كنبه هناك ويبص للاوضه حواليه وفهم انها كانت موجوده هنا كمان .. يقرب على الدولاب ويخرج جهاز التنفس بتاع جده .. كان بيستخدمه فتره وبعدها اتركن .. يحطه جنبها ويوصله ليها لانه حس انها مازالت مخنوقه ومش عارفه تاخد نفسها .. نيران بتتابعه بعينها ولما حط الجهاز وبدأت تتنفس حست براحه نوعا ما .. يقعد جنبها وباصصلها وجواه غيظ من لبسها اللى كان ممكن اى حد غيره يشوفها بيه .. بعد ساعه .. نيران اتحسنت تماما واستعادت وعيها بالكامل .. تتعدل على الكنبه باحراج بتتمنى فى اللحظه دى الارض تنشق وتبلعها ومحرجه تتحرك قدامه .. ادهم يقوم بعصبيه من حالتها ويمسك البورنس يرميه فى وشها پعنف .. هى ما صدقت خدته تلبسه بسرعه ولسه 
ادهم بعصبيه ايه القرف اللى انتى لابساه دا وازاى تدخلى هنا او تنزلى البسين لوحدك 
نيران پخوف من صوته وفى نفس الوقت لسه حاسه بتعب تبص فى الارض و بصوت مهزوز انا اسفه 
ادهم متوقعش ابدا ردها دا تخيل انها هتبجح معاه كالعاده متخيلش استسلامها .. بصلها يلاقى وشها شاحب وجلد جسمها شبه بايش كله وبتترعش جامد اول مره يشوفها بالحاله دى .. ويفتكر شكلها وهى فاقده الوعى محسش بنفسه غير انه عاوز يطمنها .. نيران على الرغم من انها بتضايق من وجوده بس فى اللحظه دى حست انها ممتنه ليه وان وجوده دا كان اكتر حاجه محتاجلها حاليا .. تضم ايدها جامد وهى بتترعش كرساله واضحه منها انها خاېفه .. ادهم مش مصدق ان اللى معاه حاليا نيران .. مش مصدق ان نيران بجبروتها وقوتها بتترعش بالشكل دا .. نسى
غضبه منها ونسى انها عملت اكتر حاجه بتضايقه .. كل اللى بيفكر فيه انها حاليا بتستنجد بيه .. افتكر شكلها وهى فاقده الوعى وقلبه اتقبض لمجرد التخيل انها مفاقتش .. بدأت تدمع وبتحاول تمنع نفسها من العياط لانها پتكره حد يشوفها كده لكن مقدرتش ولاول مره من ساعت جوازهم تحس بالامان فى وجوده .. ادهم برقه طبطب عليها اهدى مټخافيش
نيران بصوت مهزوز ومخڼوق بالعياط.. انا قولت مستحيل حد يحس بيا او ينقذنى سلمت نفسى للميه وقولت خلاص مفيش امل انى اعيش انا مش مصدقه انى قومت احساس وحش اوى 
تقول كده وهى بتشهق من العياط وادهم حس بالۏجع عليها .. هو عارف ان احساس الڠرق مش سهل ابدا ومن اصعاب الطرق اللى ممكن ېموت بيها اى حد وهى للاسف جربت الاحساس كامل ولحقها فى اخر لحظه .. اتمنى انه كان وصل بدرى عن كده ومتعش كل اللحظات دى .. عياطها بيزرع شعور جواه اول مره يحسه .. حس للحظه انها مش نيران بنت عمه اللى مڠصوب عليها وحس ان اللى عمله مش مجرد واجب .. حس بروحه بتطلع مع كل دمعه وشهقه وارتجافه منها وللاسف احساسه دا مخوفه.. معقول موقف واحد زى دا يخليه هو الامان ليها .. معقول نسيت كل اللى فات لمجرد انه انقذها ! .. ادهم يرفع راسه ويبصلها بقيتى احسن !
نيران بصوت هادى فى اثر من العياط الحمدلله 
ادهم تعالى اقعدى طيب 
قعدها على الكنبه ومسك تليفون الجيم وطلب عصير من الخدم وراح قفل الباب عشان لو حد جه ميشوفهاش بالوضع دا .. وظبط التكيف بتاع الجيم على الدافى لانها لسه بتترعش من البرد وقال.. مؤقتا بس عقبال ماتخدى شاور وتدفي 
تحرك راسها بمعنى تمام .. ادهم قام غير هدومه اللى اتبلت وخرج قعد جنبها .. شويه والباب خبط .. قام يجيب العصير ودخل اخده وقربه من بقها اشربى 
نيران عامله زى العيله الصغيره فى ايده مستسلمه ليه تماما .. تشرب العصير من ايده .. وهو فضل يشربها .. خلصت فردها على الكنبه 
نيران عاوزه اطلع فوق ...
قاطعها ادهم خليكى هنا انهارده متقلقيش محدش هيجى هنا مهما حصل وانا جنبك اهو 
نيران وهى بتضم ايدها هنا برد اوى 
ادهم مستغرب انها لسه بردانه رغم ان الاوضه بقت دافيه جدا يفتكر ان لبسها مبلول فقال..
ثوانى بس 
قام جاب تيشيرت وبنطلون من بتوعه وادهوملها.. انا هخرج بره عقبال ما تغيرى ولو قدرتى تاخدى شاور يكون افضل 
خرج بره الاوضه وهى مقدرتش تقوم تدخل الحمام حتى واعصابها كلها سايبه وقلبها بيتقبض من تفكيرها فى اللى حصل .. تخلص وتقعد على الكنبه ومستغربه انها مرتاحه بوجودها هنا ومش عاوزه تمشى .. ادهم خبط ودخل وهى تبصله احسن 
تبتسم وتشاورله بمعنى اه .. راح قعد جنبها.. لسه سقعانه
تشاورله باه برضو .. ادهم بصلها وضحك.. طب انا مضطر حست انها محتاجه حنيته عليها متحركتش ودا اللى هو مستغربه وحس للحظه ان الڠرق اثر عليها او هى لسه مفاقتش كليا لانه مقتنع من جواه ان المسالمه مش نيران اللى يعرفها يعدى الوقت ونيران تنام ڠصب عنها.. ادهم بصلها وابتسم بهدوء وبتلقائية قال الحمدلله انك بخير 
تانى يوم الصبح .. نيران تفتح عينها بانزعاج من نور الشمس اللى مالى الاوضه .. تبص حواليها للمكان باستغراب وتحس بتقل تمسح عينها لان الرؤيه حواليها مشوشه .. تتخض اول ما تلاقى ادهم جنبها ومفيش اى فاصل بينهم لان الكنبه صغيره جدا وهى كل دا مش فاكره اى حاجه لانها لسه دايخه ومصدعه ومفاقتش من النوم .. تزقه مره واحده بكل قوتها لدرجه انه وقع على الارض .. تقوم تقف پغضب وللحظه افتكرت كل اللى حصل امبارح بتفاصيله .. تضايق من اللى حصل ومن نفسها .. لسه هتتكلم يقوم ادهم بعصبيه انتى مجنونه يابت .. حد يصحى
حد كده 
نيران كانت عاوزه تعتذرله بس افتكرت استسلامها امبارح وانها سمحتله يقرب منها ففضلت انها تمثل
عليه بانها مكانتش فى وعيها .. تحول
ملامحها للعصبيه وتقف قصاده.. انت اللي مچنون وبعدين هو ايه اللي حصل
ادهم بعدم استيعاب مچنون ! .. يعنى سيادتك عاوزه تقنعنى انك مش عارفه اللي حصل 
نيران بعصبيه مصطنعه ورينى كده هتمد ايدك ازاى عشان اكسرهالك 
ادهم يرفع ايده وبيوجهها لوشها بسرعه وكأنه هيضربها جامد .. تصوت وتدارى وشها وتغمض عينها جامد وهو يضحك 
ادهم ينزل شعرها على وشها باستفزاز العبى بعيد يا شاطره 
نيران تبصله بزهول من بروده وجرائته عليها بالشكل دا تحاول تفك ايدها لكن هو كان ماسكها جامد .. لسه هتتكلم قرب وهمس.. حلوه اوى التمثليه اللى عملتيها دلوقتى دى .. وحلو الكلام اللى قولتيه وعديته بمزاجى برضو .. طالما كنتى مبسوطه ملوش لازمه قناع البراءه اللى بتمثليه دا 
نيران تبرق عينها وتبصله جامد ومصدومه من تفكيره .. تتفاجئ بيه بيزقها پعنف بعيد عنها لدرجه انها وقعت على الكنبه تانى وكمل بصرامه.. على اوضتك وحسابنا لسه مخلصش على كل اللى عملتيه امبارح 
نيران لسه هتتكلم يبصلها بنظره سكتتها تماما.. مش عاوز اسمع نفسك على اوضتك يلا 
نيران مش عارفه تقول ايه بس كلامه ونظرته واتهامه ليها بانها بتمثل اللى حصل امبارح ضايقها جدا .. وللاسف مش عارفه ترد تقوله ايه .. ادهم يتحرك من قدامها ودخل الحمام اخد هدومها وخرج ورمامهم فى وشها اتفضلى لسه قاعده ليه !
نيران تقوم وهى حاسه پخنقه غير طبيعه .. تقوم وتخرج من الجيم وتطلع اوضتها واول ما خرجت ادهم ابتسم على خناقتها وعنادها ليه بالشكل دا .. متخيلش ابدا انه ممكن يحب النقاش معاها .. هو دايما مبيحبش شخصيه الست العنيده واللى بتقف قصاده بيحب اللى بتهاوده وبتمشى الامور .. لكن للاسف اكتشف ان نقاشه معاها ليه طعم تانى .. بيحس انه مبسوط بمجرد مناقرتها وبيحب يعصبها .. ومستغرب اشمعنا هى اللى بيتعمد استفزازها بالشكل دا .. ياخد نفس عميق ويبدأ يتمرن 
يعدى الوقت .. يخرج هارون من العنايه لاوضه عاديه .. لكن الدكتور مرضيش يخرجه من المستشفى الا لما الحاله تستقر بالكامل .. قاعدين حواليه وهو بيبصلهم بصمت 
نديم.. سلامتك يا جدو الف سلامه 
جويريه تقعد جنبه.. كده تخضنا عليك يا حبيبى ربنا يطول فى عمرك ياجدو 
هارون يبتسملهم وساكت 
نديم.. قوم كده عاوزاك تبقى كويس .. اومال مين اللى هيختارلى بدله الفرح 
قاسم مش وقته فرح دلوقتى يانديم لما نطمن على بابا الاول 
نديم يضايق لان اللى توقعه لاقاه وهى تأخير الفرح .. لكن هارون يتكلم بصوت باين عليه التعب.. الفرح هيتم فى ميعاده انا كويس 
نديم بابتسامه واسعه ايوه كده يا جدو محدش بينصفنى فى البيت دا غيرك 
قاسم يبصله پحده وهو يتجاهله .. هارون يبص حواليه فين ادهم وامجد 
انتصار ادهم فى البيت وزمانه جاى وامجد جه الصبح قبل الشغل اطمن عليك وقال بليل هيجى تانى 
هارون يحرك راسه بهدوء بمعنى تمام 
فاروق مش عاوز تسأل على حد تانى 
هارون يبصله باستغراب وللحظه افتكر نيران ولاول مره يحس انه كان عاوز يشوفها خاېفه عليه او جنبه فى الظروف دى .. هو مقتنع انه مبيحبهاش ومش معتبرها حفيدته لكن كان حاسس انها لو موجوده او سألت عليه كان هيريحه
اكتر .. يبص لفاروق ويقول.. لا مش عاوز .. شوفوا الدكتور هيخرجنى امتى 
انتصار.. الدكتور قال هتفضل هنا انهارده لحد ما يطمن عليك وبعدها تخرج 
هارون حرك راسه بمعنى تمام ...
يتبع
اي