حماتي حلقتلي شعري

معايا قال
ساره 
انا مقولتش كده على فكره ولا هددتك با امجد ولا حاجة
ريم 
ااه قولي بقا ان انا كدابة مش كده ياست ساره انا قولتلها ياماما محدش يقدر يتكلم معايا غيرك وبس ياماما ومش عجبها كمان
ساره 
لا حول ولا قوة الا بالله دول مكنوش كلمتين قولتهم يا ريم انا ياماما لسه بقولها قاطعتني وقالت 
اسكتي ياساره مش عايزة اسمع منك حاجة وانتي باي حق عايزة تتحكمي في بنتي ده لا انتي ولا جوزك ليهم كلمة في البيت ده غيري انتي سامعة ويلا اتفضلي ادخلي على المطبخ شوفي اللي هتعمليه
ساره بدموع
حاضر ياماما عن اذنك

وسبتهم ودخلت المطبخ وقالت لبنتها 
وانتي يلا روحي شوفي انتي رايحة فين
ريم 
حړقت دمى المعقده دي ياماما بقولك ايه بقا ياست الكل ماتجيبي لي كده خمسمويايه تحت الحساب
فايزة 
خودي ياقلب يلا روحي اتفسحي ولا يهمك ياعين امك
ريم 
حبيبتى ياماما ياعسل
ودخلت حماتي المطبخ وقالتلي 
اسمعي بقا يلي اسمك ساره انتي ريم بنتي دي متاخدش أوامر غير مني انا وبس وانتي هنا ياحبيبتي ضيفة يبقا ملكيش دعوه بيها خالص تلبس اللي تلبسه وتمشي زي ماهي عايزة انتي سامعة ولا لا
ساره 
انا غلطانه والله يا ماما حقك عليا أنا بعتبر ريم 
زي شيماء اختي والله علشان كده اتكلمت معاها
الحما 
لا لاختي هي مش اختك ولا هتكون اختك 
بطلي بقي اللي انتي بتعملي ده وبعدها خرجت من المطبخ
وخلص اليوم ودخلت اوضتي فضلت اعيط ورجع امجد وقالي 
مالك ياسارة في ايه انتي بټعيطي ليه كده اول مره ارجع من الشغل الاقيكي بټعيطي حصل ايه 
ردت حور بنتي وقالتله 
اثل يابابا تيته وليم كانو بيسعقو لماما عثان كده ماما عيط
ساره 
بس ياحور عيب كده لما نشوف حاجة مينفعش نقول عليها
امجد 
صحيح الكلام ده يا سارة ماما وريم كانو بيزعقوا لك زي ما حور بتقول
ساره 
لا لا يا أمجد بيزعقولي ليه بس دنا عندي صداع وعنيا مطروفة عشان كده بدمع بس مش اكتر
امجد 
امال ايه الكلام اللي حور بتقوله ده
ساره
لا لا اصل احنا كنا بنهزر سوا وكده فحور فكرتنا بنزعق
امجد 
حاسس انك بتداري عليهم ياساره مش مرتاحلك
ساره 
لا ياحبيبي احنا كويسين مع بعض اطمن انت بس هاقوم احضرلك لقمة تأكلها 
ومشيت من قدامه
وبعدها بكام يوم لقيت حماتي بتقول لامجد 
بقولك يا أمجد في عريس جاي لاختك عايزاك بقا ياحبيبي تقابله وتقعد معاه وتوافق عليه ده جدع ابن حلال ومعاه فلوس بالهبل
امجد 
وانتي عرفتيه منين يا ماما
فايزة 
ده واحده صاحبتي قالتلي عليه وبتقول انه عينه من ريم وعايز يخطبها وبصراحه انا شايفة انه هيكون مناسب ليها
وقالت لريم على العريس وقالتلها 
انا مش موافقه ياماما عليه بصراحه بقي أنا عايزه اركز في دراستي
فايزة 
ليه بس ياريم ده متريش ومعاه فلوس بالهبل وهيعيشك احسن عيشة ياحبيبتي
ريم 
يا ماما انتي عمرك ما قولتي ليا علي حاجه لا اشمعنا الموضوع ده
فايزه
علشان فلوسه يا حبيبتي انتي مش عارفه 
معاه فلوس قد اي علشان تقولي كده الواد 
غني اوي
امجد 
هو ده اللي فارق معاكي يا امي وبس الفلوس 
لا طبعا انا مش موافق علي الكلام ده
فايزه 
اسمع يا حبيبي الرأي هنا راي انا انت سامع
ولا لا وبعدها بكام يوم خرجت ريم راحت تقابل مازن وقالها
مازن 
طيب وايه يعنى ياقلبي وافقي عليه وطالما معاه فلوس يبقا عز الطلب
ريم
انت بتقول ايه يامازن انا عايزاك انت مش عايزة حد تاني
مازن
ماحنا هنفضل مع بعض ياقلبي وكل حاجة وده بقا تتجوزيه وتاخدي منه فلوس زي مانتي عايزة قولتي ايه
ريم
خلاص ياحبيبي اللي تشوفه
وفعلا اتخطبت ريم لسامح ولبست الشبكة
ويوم الخطوبه
ساره 
حبيبي مينفعش كده الناس واخدا بالها انك 
مش مبسوط مينفعش كده
امجد 
بجد مش عارف
ايه اللي عملته ماما