العانس (وليدة المجتمع العقيم ) بقلم نونى الهوارى

وانفاس متقطعة من اثر البكاء..انا مش هقدر اتجوزه والله انا شايفاه زي احمد 
زينب نظرت لها بحدة وقضبت حاجبيها ..اوعي تكوني فاكرة اني مكنتش واخدة بالي من تصرفاتك وانتي ما تصدقي تطلعي فوق عشان تشوفيه ايه اللي غيرك 
شعرت نسرين بالخجل من نفسها ألهذه الدرجة كانت تصرفاتها واضحة ومازاد خجلها وجود والدها يسمع هذا الكلام لم ترد وظلت تبكي
عزت احدت عيناه بغيظ يرمها بنظرات غاضبة من كلامها فهو يفهمها هي تفعل هذا كله في محاولة لضغط عليها ..انتي هتحاسبيها على حاجة عملتها وهي صغيرة ومراهقة وطايشة وبعدين ماهي كانت قدامه ليه ماكنش شايفها وليه دلوقتي بعد ما اتجوز وخلف كمان جاي يتقدم لها دلوقتي شافها وعايزها ولا عشان عارف ان مفيش بنت هترضى به لكن طبعا لما يتقدم لنسرين احنا نطير من الفرحة ونجري عليه مش كدااا قالها بصوت عالي
زينب تغيرت ملامحها وهدئت نبرتها لتقول بهدوء..لأ هو قال انه ندمان انه مافكرش فيها من الاول وان هي اكتر واحدة هتخاف عليه وتتحمله
اراد عزت الرد على زوجته لانه يشعر بالڠضب الشديد منها يضغط على اسنانه وعيونه حمراء تكاد تخرج من مكانها من شدة الڠضب لكن قاطعه صوت رنين هاتفه ونظر فيه وجد رقم بدون أسم دخل غرفته ليبتعد عن زوجته وبكاء نسرين ويعرف يرد على المتصل
عزت اخذ نفس عميق وهدئ من انفعاله وغضبه وقال بهدوء..السلام عليكم 
ادم بنبرة هادئة ..وعليكم السلام حضرتك والد الانسة نسرين 
عزت بأستغراب فالمتصل يعرف نسرين ..ايوة انا ابوها انت مين وتعرف نسرين منين
ادم بتوتر ..إحم احم انا ادم عزالدين 
تذكر عزت هذا الاسم فهو صاحب المكتب الذي تعمل به نسرين 
عزت..ايوة أستاذ ادم صاحب المكتب مش كدا في حاجة هي نسرين عملت لحضرتك حاجة فهو تخيل انه اتصل كي يشكو منها لانه يعرفه انسان ملتزم واذا فعلت شئ لن يكلمها 
ادم بهدوء..ايوة انا بس الاول بلاش حضرتك دي انا زي ابنك ولا حضرتك مترضاش اني اكون أبنك 
عزت بنبرة ابوية حنونة..لأ طبعا انت زي احمد ومحمد ودي حاجة تشرفني يا ابني
ادم قد شعر بالرحة ..انا كنت عايز حضرتك في موضوع مهم 
عزت يستمع بأهتمام..اتفضل ياابني
ادم ..انا عايز اتقدم للانسة نسرين وعايز من حضرتك تسألها ولو هي موافقة نحدد ميعاد واجيب امي واطلبها رسمي ولو رفضت بردو ياريت حضرتك تبلغني لو سمحت 
عزت بفرح..دي حاجة تشرفنا ياابني حاضر هسألها وارد عليك 
ادم بنبرة يملأها السعادة..انا متشكر ليك جدا 
عزت ..مفيش شكر انت زي ولادي يبقى مفيش شكر ولا ايه
ادم بنبرة صوت متلهفة ..طب انا هستنى اتصالك بس ياريت......وسكت
عزت ابتسم فهو فهم من نبرة صوته المتلهفة انه يريد الرد بسرعة ..ماتخفش مش هطول عليك هسألها واتصل بيك 
ضحك ادم وعزت
ادم..طب السلام عليكم 
عزت ..وعليكم السلام مع السلامة 
خرج عزت من الغرفة وقد تغير وجهه من الڠضب الى إبتسامة واسعة شعرت زينب بالراحة فهذا يعني انه فكر في الموضوع ووافق عليه اذا نسرين لا تستطيع الرفض فوالدها ليس معها وهذا يعني انها يمكنها الضغط عليها
اقترب عزت من نسرين التي انتبهت لفرحة ابيها وتغير وجهه مما زاد خۏفها فهي ايضا فكرت نفس تفكير والدتها وانه وافق بلعت لعابها بصعوبة وظلت تبكي
عزت نظر لها بأبتسامة ونظرة حانية..نسرين هو انتي رفضة معتز ولا رفضة الفكرة عموما
نظرت له نسرين بعدم فهم..يعني ايه مش فاهمة 
عزت ..يعني لو اتقدم ليكي واحد تاني ترضي ولا انتي مش عايزة تتجوزي اصلا
زينب عقدت حاجبيها بغيظ..ايه اللي انت بتقوله دا بدل ماتقولها هتتجوزيه ڠصب عنك
عزت نظر لها بحدة ..اسكتي يازينب انا بسألها هي ونظر لنسرين
نظرة مطمئنة يملأها الحنان.. ردي يابنتي ماتخافيش 
نسرين رفعت رأسها ونظرت له بترقب فهي تخشى ان يكون تفكيرها صحيح ووالدها اقتنع بمعتز..يابابا انا مش كرهة فكرة الجواز لأ انا زي اي بنت نفسي يبقى عندي اسرة واستقر في حياتي بس معتز لأ انا شايفاه اخويا
أبتسم عزت ..يعني لو اتقدم ليكي واحد تاني توافقي مش كدا
زينب نظرت له بأستغراب ..هو في واحد تاني متقدم لها ماتتكلم على طول وتفهمنا في ايه
عزت نظر لزينب ..ايوة ياستي اتقدم لها ادم عزالدين 
لم تنتبه نسرين للاسم ومازالت تبكي وتقول لنفسها ..ودا كمان يعرفني منين هو انا ناقصة معتز وسي ادم عزالدين دا كمان
زينب بأستغراب فهي تشعر انها سمعت هذا الاسم من قبل ..انا سمعت الاسم دا قبل كدا ونظرت لها.. بت يانسرين مش دا اسم المدير بتاعك ولا انا بيتهيقلي 
انتبهت نسرين لكلام امها ونظرت لأبوها وهي تمسح عيونها بظهر يدها كالاطفال..هو صح ادم يابابا
عزت هز رأسه بمعنى نعم..ايوة هو ياحبيبتي ونظر لها وجد دموعها اختفت وظهرت فرحة ولمعة في عيونها لامثيل لها ها ايه رأيك الراجل عايز يعرف ردك عشان يجيب امه ويجي يطلبك 
زينب نظرت لنسرين تسألها..هو كان في المكتب انهاردة 
نسرين..ايوة هو جيه انهاردة ليه بتسألي
زينب..طب ليه مكلمش معاكي وسألك هو
عزت ..عشان انسان ملتزم وعارف حدوده كويس واللي عمله هو الصح فاهمتي
زينب..ايوة ياخويا فهمت بس انت هتقول ايه لأبن اخوك 
عزت قضب حاجبيه ..يعني هقوله ايه كل شئ قسمة ونصيب والمهم هي عايزة ايه مش ابن اخويا ها يانسرين ايه رأيك 
نسرين بخجل..اللي تشوفه يابابا 
عزت بفرح..طالما اللي اشوفه فأنا موافق جدا وحاسس انكم لاقين على بعض اوي خاصة دلوقتي 
زينب بحيرة ..طب انا هقول ايه ل معتز
عزت..ولا حاجة قوليله ان في واحد اتقدم لها وانك مافتحتيش معها الموضوع اصلا وانه الراجل اتصل بيا وانا سألتها وهي وافقت قبل ماانتي تتكلمي معها
كدا احسن عشان مايفكرش اننا قارنا بينه وبين العريس او يفهم ان نسرين قبلت ادم عشان ظروفه احسن منه فاهمتي يازينب
زينب هزت رأسها تؤيد كلامه..ايوة ياخويا فهمت تسلم دماغك اهو كدا مايزعلش دا بردو ابن اخوك يعني زي ولادك 
عزت..كدا تمام اروح اجيب تليفوني نسيته في الاوضة
احضر هاتفه ورجع بيضحك
نسرين اتسعت عيناها بأستغراب ..بتضحك على ايه يابابا
عزت..ابدا اصل ادم رن عليا ست مرات اما اتصل به لا يفكر اننا مش موافقين
نسرين بخضة..اتصل بسرعة يابابا 
عزت بضحك..يابت اتقلي شوية 
انتبهت نسرين لنفسها ..انا قصدي يعني......عن اذنكم انا داخله
انام
عزت..لسة بدري هتنامي دلوقتي الساعة تسعة
نسرين..اصلي تعبانة وعايزة انام 
عزت..زي ماتحبي تصبحي على خير 
نسرين..وانت بخير 
زينب..هو بس اللي بخير
اقتربت نسرين منها وقبلتها ..وانتي بخير ياحبيبتي 
زينب ربطت على ظهرها..اوعي تزعلي مني يانوسي انا عايزة مصلحتك وكان نفسي اجوزك واطمن عليكي 
هزت نسرين رأسها بإجاب..انا عارفة ياماما بس انا مفيش في ايدي حاجة 
زينب قبلتها بحنان ..ربنا يسعدك ويفرح قلبك يارب بس قوليلي هو ادم دا كويس
نسرين اتسعت عيناها بسعادة وابتسامة رائعة على وجهها..اوي ياماما كويس اوي
اخذ عزت هاتفه واتصل على ادم وانتظر الرد 
عزت..السلام عليكم 
ادم بلهفة..وعليكم السلام ها قالت ايه 
عزت..معلش يابني ماسمعتش صوت التليفون لما رن بس انت شكلك مستعجل اوي 
ادم..انا اسف اني رنيت على حضرتك كتير بس حبيت اعرف رأيها 
عزت..هي موافقة وانا كمان موافق ولاموافقتي ملهاش لازمة
ادم بفرح وسعادة ..لا ابدا ياعمي ماتقولش كدا
عزت..انت مش قولت اني زي ابوك ليه بقى عمي دي
ادم بفرحة واضحة في صوته..ماشي يابابا اجي امتى انا وامي
ضحك عزت على طريقته ..الوقت اللي يناسبك ياحبيبي
ادم..بكرة الساعة تمانية كويس
عزت..كويس يابني تأنس وتشرف ربنا يسعدكم
اغلق عزت مع ادم واتصل على احمد وحكى له فرح احمد بشدة ف ادم مناسب جدا ل نسرين وزادت فرحته عندما اخبره والده انها سعيدة وفرحانة فتمنى لها السعادة فهي تستحق كل خير واخبر والده انه سوف يأتي ليكون بجانبها في هذا اليوم 
وكذلك كلم عزت محمد وحكى له وهو ايضا فرح لنسرين واخبر والده انه سوف يأتي ليكون معهم
اخبر محمد تسنيم لكنه لاحظ تغير وجهها بزعل
محمد..مالك في ايه وشك اتغير كدا ليه
تسنيم..لا ابدا بس كنت عايزة نسرين لمعتز هي اكتر واحدة كانت هتخاف عليه وتحب بنته وتراعى ربنا فيها
محمد..كل شئ قسمة ونصيب وبعدين ماهي
كانت قدامه 
تسنيم..عندك حق ماما ياما قالت له عليها قبل حتى ما يتجوز داليا وهو كان شايفها اخته
محمد..يبقى الموضوع منتهي هو شايفها اخته وهي جالها عريس انتي متزعليش نفسك عشان اللي في باطنك 
تسنيم..عندك حق هو احنا هنروح بكرة مش كدا
محمد..ايوة طبعا لو انتي تعبانة خليكي براحتك 
تسنيم..لأ دي نسرين ياما تعبت معنا ودي اقل حاجة نعملها معها
في هذا الوقت اخبر عزت زينب بموعد زيارة ادم ووالدته وذهبت لغرفة نسرين واخبرتها بالموعد
في منزل عادل
اماني تجلس بجانب زوجها تحاول معه كي يخبرها فهي تشعر انه يعرف شئ ولايريد ان يخبرها به..انت لسة مش عايز تفهمني في ايه
عادل بأبتسامة هادئة ..ياموني ياحياتي احنا مالنا بس 
ارادت ان ترد عليه لكن قاطعها صوت رنين هاتفها نظرت فيه وجدت اسم نسرين 
اماني..دي نسرين 
ردت عليها..السلام عليكم 
نسرين ..وعليكم السلام قولي لجوزك شكرا انا عرفت هو كان بيتكلم مع ادم على ايه 
اماني..ايه دا انتي عارفتي ازاي دا انا حاطها على كرسي الاعتراف ومش راضي يعترف
نسرين..بابا هو اللي قالي
اماني بأستغراب..ابوكي هو اللي قالك طب ازاي انا مش فاهمة حاجة 
حكت لها نسرين ماحدث
اماني بفرح وسعادة من اجل صديقتها..الف مبروك ياقمر طلعت القلوب عند بعضها ربنا يسعدك ويفرح قلبك 
نسرين..هو جاي بكرة ومعه مامته 
اماني..بسرعة كدا دا واقع بقى حلو اوي انا فرحانة أوي عشانك
اغلقت الهاتف ونظرت لزوجها نظرة زعل
عادل حاول ان يفهما كل شئ..انا عارف انك زعلانة مني عشان مقولتش ليكي بس ممكن اتكلم واحكي ليكي الاول وبعدين احكمي انتي وحكى لها القصة من اولها عرفتي بقى ياستي مكنش ينفع اقولك هو اللي اصر اني مدخلش وانا والله كنت عايز اقولها لاني عارف هو قد ايه بيحبها وكنت عايز اقولك عشان تقنعيها بس هو كان عنده حق لازم التغير يكون من جواها هي اللي عايزاه مش عشان خاطر حد فاهمتي ياقلبي
اماني..ايوة فاهمت بس كان نفسي تقولي وانا كنت هحتفظ بالسر
عادل نظر لها وضيق عيونه..طب عيني في عينك كدا كنتي هتحفظي السر
اماني بضحك..بصراحة كنت هقول لها عشان حرام يضيع عمرهم كدا
عادل..يضيع ايه بس ماهم لسة صغيرين والحياة قدامهم ان شاء الله 
اماني..ربنا يسعدهم طب هو ينفع اروح بكرة
عادل..بلاش بكرة هو رايح هو وامه بس خلينا احنا يوم كتب الكتاب
اماني..بس نسرين كانت معايا يوم ماجيت انت وبابا ومراته 
عادل..طيب فكري كدا معايا احمد ومي ومحمد ومراته وجدها وجدتها وعمها ومراته وابنه دا غير ابوها وامها واختها وجوزها بقى العدد كبير ولا ايه 
اماني..طب اروح انا بس واسيب العيال عند ماما ايه رأيك 
كاد ان يرد عليها ولكن قاطعه رنين هاتفه ووجد اسم ادم
عادل بفرح..السلام عليكم 
ادم..وعليكم السلام انا كلمت ابوها و......
قاطعه عادل ..وهي وافقت ورايح بكرة الساعة الثامنة 
ادم..ماشاء الله بالسرعة دي وصلتك المعلومات عارفت ليه قولتلك ماتقولش حاجة 
عادل..ايوة عرفت وكان عندك حق 
ادم..طب انا عايزك بكرة معايا انت اخويا وصاحبي ولازم تكون جانبي في يوم زي دا
سمعت اماني ماقاله ادم وظلت تهز رأسها بالموافقة واشارت له كي يوافق
عادل..ان شاء الله هاجي انا واماني والعيال هسبهم عند ماما ايه رأيك 
ادم..تمام تسلم يا صاحبي
اغلق مع ادم ونظر لزوجته وجد ابتسامة رائعة على وجهها..ارتحتي اهو هتروحي فرحانة دلوقتي 
اماني بدلع..أوي أوي يادولة
عادل..اه ياعيون دولة انتي هما العيال مش سامع صوتهم ليه
اماني بضحكةرقيقة..ناموا ليه
عادل غمز لها..تعالي وانا اقولك ليه........
في الصباح 
لم تذهب نسرين للمكتب وزينب صعدت ل فاطمة واخبرتها ان عريس تقدم لنسرين وهي وافقت واخبرتها بموعد الزيارة 
تغير وجه فاطمة وبعد ان نزلت زينب اخبرت معتز الذي شعر انه من ضيعها من يداه هي كانت تحبه وتنتظر كلمة منه وهو الان كان ينتظر كلمة منها لكنها خلاص سوف تتم خطبتها لغيره نزل لزينب كي يفهم 
طرق الباب فتحت زينب بأبتسامة ..اهلا معتز تعالا ياحبيبي اتفضل
معتز بملامح حزينة..لأ مش عايز أعطلك هو فعلا في عريس متقدم لنسرين وجاي النهاردة
زينب بتوتر..ايوة يا ابني هو جاي انهاردة امبارح انا ملحقتش اكلمها عمك طلع من عند جدك والراجل كان مكلمه وهو سألها وهي وافقت وقال الراجل جاي وحدد معه الميعاد
معتز خيم الحزن على وجهه ولمعت عيونه بدموع..طب ياخالتي ربنا يسعدها ياريت الكلام اللي قولناه امبارح كأنه محصلش ومحدش يعرفه
زينب ..حاضر يابني اوعى ماتنزلش تشوف
________________________________________
العريس دي مهما كانت بنت عمك 
معتز ابتسم إبتسامة حزينة ..حاضر عن اذنك 
خرج معتز واغلق الباب خلفه وجلس على السلم يفكر ان الانسان لايشعر بقيمة الشئ إلا اذا فقده وظل في صراع بين عقله وقلبه
عقله..انت كنت فاكر انها اول ماتعرف انك بتحبها هتجري عليك
قلبه..يعني خلاص كدا راحت مني
عقله..ماهي كانت بين ايديك وانت اللي رفضتها واختارت داليا
قلبه..خلاص دا موضوع خلص وانتهى لكن دلوقتي انا بحبها و هي افضل واحدة ليا وكمان البنت هي اكتر واحدة هتراعي ربنا فيها اوعي تسبها اتصرف اعمل اي حاجة.............
الفصل العاشر
وقف معتز عن مكانه وقرر انه لن يتركها تضيع منه كما ضيعها سابقا اقترب من باب شقة عمه وطرق الباب مرة اخرى ولكن هذه المرة فتح عزت..اهلا معتز عامل ايه تعالا اتفضل
سمعت زينب صوت معتز وقالت لنفسها..ياترى رجع تاني ليه واقتربت من باب المطبخ كي تسمع ما يقوله 
معتز بنبرة حزينة تدمي القلب ..الحمد لله كويس ياعمي هو صحيح نسرين اتقدم لها عريس 
عزت شعر بحزنه لكن ماباليد حيلة فهي لاتريده قال بهدوء..ايوة يابني كلمني وانا وافقت لكن طبعا سألتها لان رأيها الاهم وهي وافقت وجاي انهاردة يتقدم لها رسمي
معتز الفضول ېقتله يريد ان يعرف من هذا الذي تقدم لها ليأخذها منه ..هو مين حد نعرفه
عزت..اه تعرفه هو صاحب المكتب اللي نسرين بتشتغل فيه وانت شوفته يوم كتب كتاب احمد ومحمد
معتز پصدمة فقد تذكر ذلك الشاب الوسيم الذي حضر كتب الكتاب وعرفه احمد عليه..اه اه عرفته تخيل معتز ان نسرين وافقت عليه لان ظروفه المادية افضل منه بكثير ولامكان للمقارنة بينهم طب ياعمي لوسمحت انا عايز أكلم نسرين عشر دقايق لوحدنا
أستغرب عزت من طلبه..ليه في حاجة 
معتز اراد ان يتحدث معها ويذكرها بحبها له وانه ايضا يحبها..ايوة عايز اتكلم معها في موضوع مهم ودي اخر فرصة ليا عشان اكلمها فلو سمحت بلغها
فهم عزت انه يود ان يتكلم معها وترجع عن موافقتها على ادم ويطلبها هو لزواج فقال لنفسه..هو من حقه يكلمها وهي من حقها تقبل