العانس (وليدة المجتمع العقيم ) بقلم نونى الهوارى

الفصل الاول
في احدى المناطق الشعبية في مدينة الإسكندرية نسمع صوت اتي من عمارة قديمة الى حدا ما وهي عمارة الحاج عوض الصعيدي الذي يسكن فيها هو واولاده واحفاده وهذا الصوت اتي من شقة ابنه عزت 
زينب..قومي يابنتي هو لازم موال كل يوم أخواتك الرجالة يصحوا لوحدهم وانتي نابحة قلبي
نسرين..ياماما ياحبيبتي سبيني انام لسة بدري على ميعاد الشغل
زينب..هو انا لازم اعمل كل حاجة بنفسي مينفعش تساعديني هو انتي دايما كدا زي قلتك 
نسرين..ياماما انا كنت سهرانة بترجم الشغل اللي ورايا 
زينب..ما هو طول ماانتي كل همك الشغل عمرك ما هتتجوزي انتي ناسية ان عندك ثلاثين سنة

نسرين بتنهيد..وانا ايه ذنبي بس ياماما 
زينب..ذننبك انك تتلحلحي شوية 
نسرين..يعني اعمل ايه بس اقولك اعمل زي إلهام شاهين في فيلم خلطة فوزية وكل ما اشوف واحد اقوله تتجوزني ياخويا
زينب بضيق من سخريتها..دا اللي انتي فالحة فيه تتريقي وخلاص ماهي اختك عبير اصغر منك واتجوزت عصام ابن عمتك وخلفت بدل العيل اتنين وبنات خالاتك وبنات عماتك كلهم اتجوزو واهي تسنيم مخطوبة مفضلش غيرك ....انتبهت زينب لنفسها فسكتت
نسرين بعيون دامعة..عانس قوليها ياماما
شعرت زينب بالخجل من نفسها فخرجت من الغرفة
نزلت دموع نسرين فهي تعاقب على ذنب لم تقترفههي فتاة بيضاء طويلة جسمها متناسق عيونها عسلية محجبة جميلة خريجة قسم إنجليزي تعمل في مكتب للترجمةقامت من على السرير وفتحت الباب وكادت ان تخرج من الغرفة سمعت حديث والديها فوقفت مكانها ولم تتحرك
عزت..حرام عليكي يازينب الكلام اللي زي السم دا اللي بتسمعيه للبنت هي ذنبها ايه
زينب..يعني انت عجبك انها لسة لا اتجوزت ولا خلفت
عزت بضيق..أستغفر الله العظيم كل شئ نصيب 
زينب..ياسلام ياخويا ربنا قال اسعى ياعبد وانا معاك
عزت بدهشة من كلامها..ياستي دا في الرزق ولونفترض انه في الجواز يبقى للراجل هو اللي يسعى ويدور على بنت الحلال مش هي اللي هدور عليه ولا ايه يا أم احمد 
زينب بحسرة..أم احمد ياحسرة قلبي عليه طول وعرض وزي القمر وعنده شغله وشقته واهو قاعد جانبي معنس هو كمان قال ايه مش هتجوز إلا لما نسرين تتجوز افرض انها متجوزتش ابني يقعد كدا يرضى مين بس ياربي
عزت وقد تعب من الجدال مع زوجته..انتي الواحد احسن حاجة يسبلك البيت وينزل
زينب..انت رايح فين
عزت..نازل اقعد مع ابويا وامي في مانع
زينب بضيق ..لأ ياخويا انزل 
نزل عزت الى الطابق الارضي حيث يسكن والديه
خرجت نسرين من غرفتها وتوجهت الى الحمام دون ان تظهر نفسها لوالدتها اكملت وتؤضات ودخلت غرفتها في هدوء تصلي وتدعي ربها فهو احن عليها من اي حد وتشتكي له من الناس القريبة منها اكثر من الغريبة اكملت صلاتها ولبست ملابسهاهي ليست ملتزمة في ملابسها تلبس فساتين ضيقة بعض الشئ وبناطيل ضيقة قليلا وبلوزات ليست طويلة بما يكفي وحجاب قصيرخرجت من غرفتها ..انا نازلة ياماما هو احمد نزل
زينب..ايوة نزل من بدري ومحمد كمان نزل
نسرين..طب ياحبيبتي عايزة حاجة 
زينب بحدة ودون ان تنظر لها..لأ
نسرين بهدوء عكس ماتشعر به من كسرة نفس وحزن من معاملة والدتها...طب سلام خرجت واغلقت الباب خلفها رأت معتز ينزل من على السلم ابن عمها يسكن مع والديه واخته
معتز بجمود..صباح الخير 
نسرين بصوت واطي يملأه الاحراج والخجل ولم تنظر له..صباح الخير 
نزل معتز سريعا ودون ان ينظر لها أما هي فكانت خجلة من نفسها على مافعلته ولم تستطيع ان تنزل خلفة فظلت مكانها ثابتة وتذكرت يوم فكرت ان تفتح صفحة على الفيس بأسم نهى فهي تحبه من صغرها وهو لايشعر بها وارسلت له طلب صداقة وهو وافق وكلمته خاص
نسرين نهى..ممكن اتعرف عليك
معتز..ايوة طبعا 
وظلو يتحدثو معا يوميا وقد تعلقت به اكثر من الواقع لانه مرح وكلامه معها رائع وشعرت انه قريب منها على عكس الواقع وفي يوم وهم يتحدثو
نهى..ممكن اسألك سؤال
معتز..اه اتفضلي 
نهى..هو انت خاطب او مرتبط اصل الصفحة بتعتك كاتب انك اعزب صح
معتز..مرتبط
اثار فضولها معرفة من هي الفتاة التى يحبها
نهى..هي قريبتك
معتز..انتي تعرفيني
نهى بصوت يملأه التوتر..لأ وانا هعرفك منين
معتز..احنا اصحاب مش كدا 
نهى..ايوة اصحاب عشان كدا سألتك بس لو هيضيقك بلاش تجاوب
معتز..معلش النت عندي ضعيف وهقفل تصبحي على خير
استغربت نسرين وقالت لنفسها ..ياترى ايه اللي حصل وليه قفل ما احنا كل يوم بنتكلم كتير يارتني ما سألته
في الصباح
خرجت
________________________________________
نسرين من شقتهم وجدت معتز ينتظرها نظرت له بحب..صباح الخير 
معتز بعيون حمراء من الڠضب نظر لها ولم يرد
نسرين..مالك في ايه
معتز نظر لها نظرة ارعبتها..انتي عايزة مني ايه
نسرين بأستغراب..وانا هعوز منك ايه
معتز نظر لها نظرة مشټعلة. .مش انتي نهى بردو
اسكتت الصدمة نسرين
اخرج معتز هاتفه وارسل رسالة لنهى فأصدر تليفون نسرين صوت نظر لها بقلة احترام
معتز..انتي مش صغيرة عشان تعملي كدا وياريت الهبل دا ميتكررش تاني واعملي حساب لأبوكي وأخواتك وقسما بالله لو ما عقلتي لأكون قايل لعمي وأحمد ونظر لها من فوق لتحت وذهب و تركها في صډمتها وسمعته يقول..المتخلفة فكراني مش هعرفها فاقت من شرودها على صوت تسنيم ابنة عمها اخت معتز وخطيبة محمد اخوها عندها ٢٤ سنة مدرسة محجبة جميلة وعيونها سوداء صباح الخير 
نسرين والدموع في عيونها..صباح الخير 
تسنيم بأستغراب ..ايه اللي موقفك كدا مالك في ايه
نسرين بكذب تحاول ان تخفي دموعها..لأ ابدا مفيش بس عندي صداع نايمة متأخر كنت بشتغل وخالتك زينب صحتني من صبح الله 
تسنيم هزت رأسها في هدوء..طب فطرتي
نسرين بكذب..ايوة من بدري وتذكرت ان امها لم تقول لها حتى بالكلام افطري قبل ما تنزلي وكأنها تريد التخلص منها
تسنيم تنظر لها نظرة متفحصة ..بس شكلك في حاجة مالك
نسرين هزت رأسها بالنفي..لا ابدا مفيش يالا ننزل بدل ما نتأخر
تسنيم..ايوة واحنا المديرة بتاعتنا عانس مش وراها حاجة وبتيجي من صبح الله 
لم ترد نسرين واكتفت بأبتسامة حزينة
شعرت تسنيم بالخجل فهي لم تقصد ان تجرحها بالكلمة وقالتها بعفوية
تسنيم بأحراج..طب يانسرين انا همشي بقى عن اذنك 
نزلت تسنيم بسرعة ونزلت نسرين ورأها ببطئ لانها لاتريد ان تسمعها جدتها فهي دائما تجلس بالقرب من باب الشقة لترى النازل والطالع وجدت جدتها تجلس في مكانها المعتاد اخذت نفس عميق..صباح الخير ياتيتة
الجدة بتهكم..صباح الخير ياختي يما نفسي ربنا يحن عليكي بقى وتتجوزي 
ابتسمت نسرين بحزن..ادعيلي انتي بس ياتيتة
الجدة..والنبي بدعيلك عشان خاطر ابني الغلبان اللي شايل الهم دا انا لما كنت في سنك ابوكي كان عنده عشر سنين 
نسرين بصوت متحشرج..معلش بقى ياتيتة نصيب
الجدة مطت جانب شفتيها بتهكم..نصيب طب ياختي انتي رايحة فين 
نسرين تنهدت بقلة حيلة ..الشغل يعني هروح فين
الجدة..روحي ياختي يكش يكون بفايدة خروجك كل يوم دا وربنا يفك عقدتك 
خرجت نسرين وهي غير منتبهة لشارع خبطت في جارتهم
نسرين بأسف..صباح الخير معلش مخدتش بالي 
الجارة..ولا يهمك ياحبيبتي 
ابن الجارة يمسك في يد امه نظر لنسرين وقال..مالت يانسنين انتي زحلانة
ابتسمت له..لا ياحبيبي مش زعلانة
الجارة تنظر لأبنها بړعب وتعض على شفاها السفلية..عيب قول طنط دي اكبر مني ونظرت ل نسرين..معلش ياحبيبتي 
نسرين بأبتسامة. .لا عادي مفيش مشكلة 
الجارة..لأ ازاي لازم يفهم انك كبيرة هو عشان انتي مش متجوزة مفكر انك صغيرة
نسرين بصوت متحشرج..طب عن اذنك انا متأخرة وذهبت
في مكتب الترجمة
دخلت نسرين وجدت اماني صديقتها من ايام المدرسة متزوجة وعندها ثلاث اولاد محجبة لكن لم تعد تهتم بنفسها بعد الزواج 
نسرين بأبتسامة هادئة والحزن مخيم على وجهها..صباح الخير 
اماني انتبهت لشكلها وحزنها فهي صديقتها تعرفها من نظرة عيونها..صباح الورد مالك في ايه 
نسرين بصوت يملأه الحزن..ابدا مافيش
اماني نظرت لها نظرة متفحصة..وانا هتوه عنك في ايه 
نسرين بعيون تملأها الدموع وتنهدت بحزن..ابدا موال كل يوم وحكت لها عن يومها بداية من امها معها وكلامها مع الدها 
ورؤية معتز وتسنيم والجدة وختاما بجارتها 
اماني بحزن على صديقتها..يانسرين ما تحمليش نفسك فوق طاقتها
نسرين نزلت دموعها المعلقة في عيونها...هو انا اللي بحمل نفسي ولا هما اللي بيحملوني 
اماني تحاول التخفيف عنها..معلش امك خاېفة عليكي فبتقول كدا من زعلها عليكي بس
نسرين تمسح دموعها ..يعني كلامها بيحل المشكلة دا بيعقدها انا في ايدي ايه بس 
اماني ابتسمت لها ..معلش وبعدين حكاية معتز دي عدت عليها كتير اوي يعني خلاص وهو كمان بيعملك عادي كأن مفيش حاجة حصلت وانتي كمان انسي ومشي الحكاية 
نسرين ..ازاي بس انا كل ما بشوفه بحس اني انسانة مش كويسة واللي عملته غلط كبير والله اعلم ايه الفكرة اللي خدها عني 
اماني ربطت على كتفها ..هوني على نفسك شوية خلاص اللي حصل حصل وانتي كنتي عايزة تقربي منه بس قوليلي انتي لسة بتحبيه 
نسرين بحيرة فهي فعلا لم تعد تعرف ومطت جانب شفتيها..تصدقي مش عارفة ان كنت بحبه ولا لأ
وحتى لو بحبه انا خلاص نزلت من نظره وعمره ما هيفكر فيا قاطعهم دخول أدم شاب ٣٣سنة صاحب المكتب صديق جوز اماني من ايام الجامعة طويل شعره بني عيونه عسلية متدين وملتزم جدا وعنده لحية تزيده وسامة ..السلام عليكم دون ان ينظر لهم
نسريناماني بصوت واطي ..وعليكم السلام 
نظر ادم لهم نظرة سريعة وبان على وجهه الڠضب وظل يستغفر بصوت مسموع
نسرين بضيق..هو انا هلاقيها منين ولا منين بس ياربي
اماني..مالك يابنتي بتكلمي نفسك 
نسرين..اهو حتى استاذ ادم مش طايقني وكل ما يشوف وشي يااما يكشر يااما يستغفر تقوليش شاف عفريت 
اماني بأستغراب ورفعت حاجبيها ..ليه يعني دا انتي حتي وشك زي القمر ولبسك شيك جدا
نسرين تنهدت بضيق ..انا بفكر اسيب الشغل عشان يرتاح من وشي 
اماني..ياشيخة حرام عليكي دا أستاذ ادم كويس جدا ومحترم وملتزم جدا ولا عشان مش بتاع كلام وسلام وهزار مع البنات يبقى وحش
نسرين..والله مش قصدي بس الدين مقلش ان الواحد يكشر كدا دا حتى تبسمك في وجه اخيك صدقة 
اماني..والنبي اخيك مش اختك واصحابها وحبايبها لو على كلامك دا يبقى انتي كمان امشي وزعي ابتسامات وقولي صدقة
نسرين بضحك..تصدقي صح ماشي ياستي انا غلطانة خليه كدا منكد علينا ماشي 
اماني وهي تعدل حجابها..ماشي
نظرت نسرين بأستغراب ل اماني فملابسها غير مرتبة واصبحت تبدو اكبر من عمرها وقالت..صحيح ياموني ايه اللي جرالك مش بتهتمي بنفسك زي ايام المدرسة ولا ايام الجامعة 
اماني..ياسلام ياختي ما إنتي لو جربتي تصحي تجري في الشقة زي المچنونة من المطبخ وتحضير الفطار وتصحي البيه وتحضري هدومه وتصحي العيال وتلبسيهم ونفطريهم قوليلي فين الوقت اللي البس فيه واتشيك زيك كدا
لم ترد نسرين واكتفت بأبتسامة حزينة انتبهت اماني لما قالته ..احم انا مش قصدي والله دا انا بحسدك واقول
يابختك عايشة حياتك 
نسرين بصوت يملأه الحزن والألم ..يابختي على ايه بس انتي لو اټسمم بدنك بكلمة من ماما ولا من تيتة هتكرهي نفسك والدنيا كلها 
اماني..طب ياختي افردي وشك دا
سرحت نسرين في ڠضب ادم المستمر منها فهي لم تفعل ما يغضبه وقالت لنفسها..مز وشكله حلو بس فيه تكشيرة ياباي فاقت من شرودها على صوت أماني..ايه روحتي فين 
نسرين..ها ابدا ماروحتش وبدات تعمل في هدوء مر الوقت سريعا وانتهى اليوم 
اماني..خلاص الساعة ٦يالا بينا
نظرت نسرين في الساعة..ايوة صح الوقت عدى بسرعة وانا بكره ارجع البيت ........
الفصل الثاني 
رجعت نسرين الى البيت وجدت جدتها تجلس في نفس المكان وكأن لا شئ تفعله سوا الجلوس هكذا ومراقبة الداخل والخارج 
نسرين بهدوء..السلام عليكم 
الجدة ..وعليكم السلام ياختي عملتي ايه 
نسرين بأستغراب من كلام جدتها ..عملت ايه في ايه
الجدة حركت فمها يمين ويسار وحركرت يدها..يعني زي ماروحتي زي ماجيتي 
نسرين بضيق من كلامها..هو كان المفروض اعمل ايه ياتيتة بس
الجدة..ولا حاجة ياختي خليكي كدا زي البيت الوقف 
نسرين وقد لمعت الدموع في عيناها..طب ياتيتة عن اذنك انا جاية تعبانة من الشغل وصعدت على السلم
الجدة رفعت حاجبيها ومطت جانب شفتيها..شوفوا البت مش عجبها كلامي ومشت وسبتني ازاي
الجد من داخل الشقة..تعالي ياأم عزت وسبيها في حالها 
الجدة التفتت اليه ..يعني انت عجبك كدا البت عانست وعايزني اسكت
الجدتنهد بقلة حيلة .دا نصيب ياأم عزت انتي حجيتي بيت ربنا عارفة كل حاجة 
الجدة وضعت يدها على فمها بخبطة خفيفة..خلاص اديني سكت اهو ارتحت
الجد بتنهيدة وهز رأسه بهدوء ..ايوة ارتحت ربنا يريح قلبك برضاه تعالي بقى اعملي لي حاجة اكلها انا جعان
الجدة بضيق..ما انت لسة متغدي الساعة ٣لحقت تجوع 
الجد..بنفاذ صبر..ياستي دلوقتي الساعة ٧ وبعدين هي شوربة الخضار اللي نزلتها زينب دي أكل
الجدة..ماهو الدكتور اللي قال عليها 
الجد..طب قومي من عندك واقفلي الباب خلاص كلها روحو
الجدة..لأ لسة هينزل معتز واحمد وبعدين يرجعو الساعة ١٠
الجد بيأس..طيب خليه مفتوح قومي يالا
الجدة بضيق..طيب قايمة اهو
في هذا الوقت صعدت نسرين السلم واقتربت من شقتهم لتفتح الباب لكنها سمعت صوت عالي من داخل الشقة كانت ستفتح الباب سريعا لولا سماعها صوت والدتها..هي عانست وخلاص هتضيع انت شبابك ليه اللي زيك متجوزين ومخلفين بدل العيل اتنين وتلاتة لم تستطيع نسرين ان تفتح الباب وظلت واقفة مكانها ودموعها تنزل على خدها بلا توقف 
احمد بضيق من كلام والدته..ياأمي بلاش كلامك دا وبعدين نسرين زمانها جاية حرام عليكي
تسمعك بتقولي كدا عليها لما أمها بتقول كدا اومال الناس الغريبة تقول ايه
زينب اتسعت عيناها پغضب وقالت بحدة..متغيرش الموضوع وبعدين هما الناس لسة هيقولوا المهم دلوقتي انت تسمع كلامي ولا لأ
احمد بضيق..شوفي انا بقول ايه وانتي بتقولي ايه ياامي خفي عليها شوية حرام هي ايه ذنبها نسرين جميلة ومتعلمة وبتشتغل يعني الف مين يتمناها 
حركت زينب فمها يمين وشمال..هات انت بس واحد من الالف دول واخر كلام عندي وديني وما اعبد لو ما سمعتش كلامي لكون سايبة البيت وماشية وانت حر
احمد..دي مش طريقة تفاهم 
محمد..ياأحمد ماما معها حق انت هتقعد كدا لحد امتى 
زينب بفرح من كلام محمد..اهو شوفت اخوك العاقل
محمد..طب ماتجوزيني انا وتسنيم دا احنا خللنا من القاعدة ضړبته زينب بخفة على كتفه..يااخي اتلهي احمد الاول وانت بعده على طول
محمد..ما أنا بصراحة مش هقعد استنى البيه ابنك وهو مستني نسرين يعني كدا راحت الجوازة وعلى فكرة بقى خالتي فاطمة قالتلي بصريح العبارة ياأما اتجوز على طول ياأما اسيب تسنيم وموقفش حالها وهي بصراحة عندها حق انا عندي ٢٨سنة وهي ٢٤شبابنا هيروح هنتجوز امتى وهنخلف امتى 
زينب..يبقى خلاص ادور ل احمد على عروسة وانت وهو في يوم واحد ودا اخر كلام عندي
احمد بضيق..عن اذنكم ودخل غرفته واغلق الباب على نفسه
محمد ل امه..دوري بسرعة والنبي انا لو قعدت استنى بنتك يبقى راح عمري
زينب تربط على كتفه..لأ ما تخفش خلاص انا