اخذ هاتف زوجته

الشباك الإزاز وقال بدموع أرجوكي متسبنيش مش هستحمل
بدأت دموعه تنزل وهو عمال يدعي ويكلم فيها علي أمل إنها تسمعو 
 جوا الأوضة 
 في حلم نيهال 
نيهال كانت واقفة ما بين عيسي اللي بيعيط وعلام اللي مبتسم ليها وبيقول عيسي محتاجك يا نيهال إمسكي في الحياه علشانو
نيهال بصت علي عيسي اللي مڼهار تماما وبيعيط وقالت بس أنا عايزة أجي معاك يا علام
علام بإبتسامة مسيرك هتيجي وأنا مستنيكي بس عيسي محتاجك 
 في الواقع 
الدكتور قال بيأس للممرضين أنا هعمل أخر محاولة علشان صعبان عليا حرفيا وإن شاء الله هتفوق

قال الدكتور قبل ما يقرب جهاز الإنعاش من نيهال بسم الله الرحمن الرحيم 
قرب جهاز الإنعاش منها وفاجأة رجع النبض إشتغل من تاني
الدكتور بعد لورا وقال الحمدلله يارب زي ما يكون حاسه بإبنها
بدأ يعدل ليها السلوك وإتطمن علي صحتها وطلع من الأوضة وهو مرسوم علي وشه إبتسامة راحة
وقفو عيسي وقال قولي إنها بخير
الدكتور بإبتسامة هي بخير فعلا والحمدلله رجعت للحياه تاني بعد ما كانت هتفارقها
زينة أخدت نفسها براحة وقالت هتفوق إمتي
الدكتور بهدوء يعني علي بليل كدة هتبدأ تفوق
عيسي سجد علي الأرض وهو بيعيط وبيقول الحمدلله الحمدلله يارب
قام وحضن زينة وقال الحمدلله إنكم بخير 
 في بيت مازن 
سهير قامت وقفت وقالت هنمشي إحنا بقا يا ريهام ونبقا نجيلك تاني يا حبيبتي
قامت فريدة اللي جات بعد سهير وقالت هنسيبكم إحنا يا حبايبي إنتو عرسان جداد
ريهام ومازن ودعو فريدة ورامي وسهير
أول ما مازن قفل الباب وراهم قال عايز أرن علي عيسي وأهزقو علشان مجاش بس بعد ما أخلص اللي عايز أعملو
ريهام بصتله بإستغراب وقالت هتعمل إيه 
قرب مازن وشالها وقال وهو متجه لأوضتهم هعمل كدة
ضحكت ريهام وخبت وشها في حضنو
 في الليل 
بدأت نيهال تستجاب وحركت إيديها الممرض كان في أوضتها بيعمل ليها المحلول أول ما شافها بتحرك إيديها جري علي برا وقال يا دكتور المړيضة اللي كانت محطوطة تحت الملاحظة فاقت
ساب الدكتور اللي في إيده ودخل لنيهال وقال حمدلله علي سلامتك يا مدام
نيهال بتعب عيسي فين عيسي
الدكتور قال للممرض روح بسرعة نادي علي إبنها
طلع الممرض ودخل أوضة زينة وقال أستاذ عيسي والدة حضرتك فاقت وعايزاك
عيسي قفل المصحف وقام بسرعة وزينة قامت من علي السرير بتعب وطلعت وراه
دخل عيسي أوضة نيهال وقال بلهفة حمدلله علي سلامتك يا حبيبتي إنتي كويسه صح 
نيهال بتعب أه يا حبيبي كويسة أنا بخير
مسك عيسي إيديها وبدأ يبوسها وهو بيعيط وبيقول الحمدلله يارب الحمدلله
الدكتور شاور للممرضين يطلعو وطلع
زينة بعياط كنتي عايزه تسيبينا وتمشي ليه يا ماما 
عيسي بعياط أهون عليكي تسيبيني لوحدي 
نيهال عينيها بدأت تدمع وقالت كنت عايزة أروح لأبوك يا عيسي بس قلبي مطاوعنيش أسيبك
مسحت دموعه وقالت أنا بخير يا حبيبي صدقني
مسك إيديها وبدأ يبوس فيها وهو بيقول الحمدلله إنك بخير الحمدلله
 في بيت مازن 
مازن بقلق برن عليه موبايله مقفول
ريهام بهدوء رن علي حد من صحابكم طب!
مازن رن علي رقم وقال ألو إيه يا أمجد متعرفش فين عيسي برن عليه فونه مقفول
أمجد بإستغراب إنت متعرفش اللي حصلو 
مازن بقلق واضح مالو عيسي يا أمجد
أمجد بحزن نادر رجع وكان هيخطف مدام زينة وطعن والدة عيسي بالسکينة
مازن پصدمة هما فين دلوقتي!
أمجد بعد تفكير في مستشفي 
مازن قفل معاه ودخل الأوضة دخلت وراه ريهام وهي بتقول فهمني فيه إيه
مازن وهو بيلبس بسرعة عيسي ومراتو وخالتك في المستشفي
ريهام پصدمة إيه!! أصبر أنا جايه معاك
مازن وهو بيلبس البنطلون يلا بسرعة بس
 بعد نص ساعه 
ريهام بعياط أه يا ماما هما في المستشفي دلوقتي
سهير پصدمة ومحدش قالي ليه
ريهام وهي بتمسح دموعها يا ماما أنا لسه عارفة من مازن ومازن لسه عارف لو هتيجي إسم المستشفي 
قفلت معاها ونزلت من العربية ودخلو المستشفي
عيسي كان قاعد قدام الأوضة وهو باصص قدامه بشرود قرب عليه مازن وقال بلهفة عيسي إنت بخير!
عيسي براحة الحمدلله ماما فاقت وبقت كويسة
مازن بعتاب مقولتليش ليه يا عيسي ساعتها سايبني أعرف من أمجد
عيسي بهدوء مكانش فيا عقل كان كل اللي يهمني إنهم يبقو بخير وبس
مازن بص علي زينة لقا فيه لزق محطوط علي رقبتها ومكان الچروح
غمض عيونه بتعب وقال الحمدلله إنكم بخير
 بعد ساعتين 
سهير بعياط الحمدلله إنك بخير أنا مليش غيرك كان هيجرالي حاجة لو كنتي سبتيني
نيهال مسحت دموعها وقالت بإبتسامة أنا بقيت كويسة يا جم١عة هما حبة ۏجع بسيط بس وهيروح كمان
عيسي بإبتسامة قال الحمدلله الدكتور قال إنها ممكن تمشي معانا بكرة بعد إلحاح كبير لما كانو يومين
زينة إبتسمت وقالت طب كويس 
 تااني يوم 
دخلت نيهال الفيلا مع عيسي وزينة ورامي وسهير اللي أصرت إنها تقعد جمب أختها لحد ما تتعافي
دخلو نيهال أوضتها وتهاني قالت بدموع حمدلله علي سلامتك يا ست هانم الحمدلله إنك رجعتلنا بخير
نيهال بإبتسامة الله يسلمك يا تهاني
رامي فتح فونه وهو قاعد وسطيهم وبعت مسدچ لرقم وقال وحشتيني 
عيسي بصلها پصدمة وقال تطلقي!
زينة كانت بصاله وهي بټعيط وساكتة
عيسي مسكها من كتفها وقال تطلقي ليه! إنتي مش بتحبيني 
مسك وشها بين إيديه وقال أذيتك كتير بس ڠصب عني الإنتقام عماني بس بس أنا بحبك عايزه تسيبيني بعد كل اللي مرينا بيه دا! إنتي مش بتحبيني يا زينة 
زينة بصت في عيونه وهي بټعيط وقالت في بالها كلمة بحبك قليلة عليك بس مش هقدر أتحمل تضيع مني إنت أو مرات عمي
عيسي بدموع بدأت تبان في عينيه زينة إنتي مش بتحبيني 
عياط زينة زاد وإترمت في حضنو ومسكت فيه
عيسي كان مصډوم ومش عارف يرد يقول إيه مسك إيديها اللي ملفوفة حواليه وبعدها عنو وقال بحزن مدام عايزه تطلقي يبقا تستني إسبوع أو لحد ما ماما تتعافي علشان هتزعل والزعل غلط عليها
زينة بدموع بس أنا بس أنا محتاجة حضنك!
عيسي بسخرية ليه ما إنتي مش بتحبيني محتاجة تحضني واحد مش بتحبيه ليه 
زينة خبت وشها بين إيديها وفضلت ټعيط
عيسي رجع شعره لورا بضيق وشدها لحضنو جامد وهي مسكت فحضنو وفضلت ټعيط
فرد جسمو علي السرير وشدها في حضنو أكتر وفضل واخدها في حضنو أكتر من ساعة وهي بټعيط وماسكه فيه وهو محتار بټعيط ليه لما هي مش بتحبو!
لقاها سكتت من العياط بس صوت شهقات بسيط طالع منها
رفع وشها ناحيتو وهمس قدام شفايفها أنا مش عارف إنتي بتحبيني ولا بتكرهيني بس اللي متأكد منو إنك مبتعرفيش تنامي غير في حضڼي بس أنا بحبك ومستحيل أسيبك وعلي ما أمي تتعافي هحاول أقربك مني أو أفهم سبب طلاقك إيه لإن مقدرش أعيش من غيرك ولا أقدر يعدي يوم من غير الحضن دا يا زينة البنات
خلص كلامه وباسها بوسة رقيقة بس عميقة سيكا بعد وضمھا بقوة وإتنهد بحزن ونام
 في بيت مازن 
مازن بصوت عالي ريهام يا حبيبتي إنتي بتخربي إيه في المطبخ
ريهام طلعت وهي ماسكه طبق تسالي كبير وقالت بحطلنا تسالي يا مازن علشان الفيلم
حطت الطبق علي الترابيزة وقعدت جمبو وقالت الفيلم ړعب صح!
مازن بتأكيد صح الصح كمان
فرد نفسه علي كنبة الأنتاريه وشدها لحضنو وبدأو يتفرجو علي الفيلم وكل فترة بيميل يبوسها من خدها
 في بيت تقي 
مسكت فونها ورنت علي رامي
 رامي كان فاتح اللاب وشغال عليه فونه رن رد من غير ما يبص للإسم وقال أيوا
تقي كانت ساكتة تماما ومش بترد
رامي إستغرب وبص للفون عرف إنها تقي إتعدل في قعدته وقال أخيرا رنيتي وإفتكرتيني
تقي سمعت كلامه وعيطتت
رامي سمع صوت عياطها قال علي فكرة إنتي وحشتيني وإتعلقت بيكي يا تقي جايه بعد كل دا عايزه تبعدي تاني 
تقي صوت عياطها زاد رامي قال بتعب قريب أوي دموع الحزن دي هتتحول لفرح وسعادة يا حبيبتي
تقي قفلت وفضلت ټعيط اكتر وهي بتقول ياربي أنا بحبو أوي متبعدوش عني 
 في ڤيلا عيسي 
رامي قاعد حاطت راسه بين إيديه دخلت سهير وقالت رامي أ إيه دا مالك يا حبيبي
قربت وقعدت جمبو وحطت إيديها علي كتفه وقالت مالك يا رامي
رامي أخد نفس عميق وقال لما خالتو تفوق فيه مشوار عايزين نعملو أنا وإنتي سوا
سهير بإستغراب مشوار إيه 
رامي بإبتسامة هقرب المسافة من نصي التاني
سهير بإبتسامة حبيبتك!
رامي هز راسه وهو مبتسم سهير قالت هي مين 
رامي بغمزة خليها مفاجأة
 صباح تاني يوم 
صحي عيسي من النوم علي حاجة ماشيه علي وشو فتح عينو بتكاسل بقي زينة بتمشي إيديها علي وشه وسرحانه رفع إيده بهدوء ومسك إيديها اللي بتمشيها علي وشه ووباسها وقال صباح الخير
شدت إيديها وقالت بخجل إنت إنت صحيت إمتي 
مسك إيديها تاني ومشاها علي وشو زي ما كانت بتعمل وقال صحيت علي الحركة دي
باس إيديها وقال وعملت كدة
سحبت إيديها وإتعدلت وقالت قوم خدلك شاور علي ما أروح أشوف مرات عمي علشان نفطر
كانت هتقوم سحب إيديها وشدها لحضنو وقال إنتي هتطلعي كدة!
حاولت تشد نفسها بس هو ضمھا أكتر وقال بطلي محاولات وإتكلمي وإنتي كدة
أخدت نفس عميق وقالت طب حاسب علشان أشوف مرات عمي
عيسي بعصبية مكتومة وإنتي هتطلعي لمرات عمك بلبسك دا!
زينة بإستغراب مالو لبسي!
عيسي بهدوء ملهوش ولبسك حلو بس متنسيش إن رامي هنا ودا لبس ضيق
زينة بعد ما إفتكرت قالت أوبس أنا نسيت خالص طب خلاص هلبس فستان حلو وهطلع
قام عيسي وقومها معاه ووقف قدام الدولاب وقال هنقيلك أنا الفستان
فضلت واقفة جمبو بضيق وساكته وهو بيقلب في هدومها 
شاف حاجة في دولابها ضحك بخفة وبصلها بخبث وقال ليكي يومك وأشوفو عليكي
بصتله بعدم فهم وقالت هو إيه 
ضحك وكمل تقليب وقال مسيرك تعرفي في يومها
طلع فستان طويل بأكمام لونه زيتي وقال دا حلو ومحترم
بصت للفستان وقالت بضيق بېخنقني
عيسي بصرامة هو دا اللي هيتلبس
شدت من إيده الفستان بعصبية ودخلت الحمام غيرت
 في بيت مازن 
ريهام بهمس جمب مازن حبيبي
مازن بنوم قلبك حبيبك
باسته علي خدو بوسه رقيقة وقالت مش هنروح نشوف خالتو!
لف ليها ومسك وشها بين إيديه وباسها وقال من عيوني حاضر
قام دخل الحمام وهي جهزت الفطار 
 في فيلا عيسي 
دخل عيسي أوضة نيهال وقال عاملة إيه دلوقتي يا حبيبتي
نيهال بإبتسامة الحمدلله يا حبيبي بخير
قرب منها وباس راسها وقال عقبال ما تتعافي يارب 
رامي كان قاعد شار تماما وسهير ونيهال بيتكلمو وعيسي مركز مع زينة وزينة ماسكة الفون 
حبه ودخلت ريهام مع مازن وقالت أهلا يا جم١عة
دخلت سلمت عليهم هي ومازن وقعدو
سهير قالت بغمزة مش ناوي تفرحنا يا عيسي ب بيبي صغير كدة
عيسي قال بضيق إفرحي ببنتك الأول
مازن بضحك ألاه بنتها لسه