داء السلامه دنيا سعيد فوزي
مش عارفه جبت الشجاعه دي منين بس حسيت إني لازم أبقى على طبيعتي عشان محدش ينخدع فيا لما يقرب مني ويبقى كل
شئ على المكشوف
دخلت الكافيه وكالعاده مراد لسه مجاش يمكن دا طمني شوية إني مش هدخل على المواجهه علطول حاولت أهدي نفسي لحد ما يجي غيابه طال كل ثانيه كانت بتعدي كانت بتاخد معاها جزء من ثباتي قد إيه الإنتظار ممېت
تأملت الرسالة شوية وأنا ببتسم بحزن قولت ف سري أنا مستحملاك علطول بس هل أنت هتستحمل هل هتفضل قدامي دايما ولا هتختار طريق تاني وتبقى إمام لحد غيري!
دخل الكافيه وأول ما شافني شاورلي واترسمت على وشه بسمه صغيره اتمنيت إن ابتسامته تدوم للأخر كنت
سحب الكرسي وقعد قدامي وكالعاده عينه جت ع بقع البهاق والنظرة دي لوحدها كفيلة تدبحني ساعتها قولت أي اللي أنا بعمله دا لما من نظرة أتوجعت أومال لما يعرف ويتكلم معايا هعمل أي!!!
قطع الصمت بكل هدوء حقك عليا
_ قولتلك خمس دقايق وجيت بعد نص ساعه
أتعودت خلاص
كنت بتكلم معاه بنبرة باهته يمكن عشان مكنتش عايزة أتعشم إنه هيتمسك بيا تقريبا لاحظ نبرة صوتي وقال مالك! وبعدين أول مرة تخرجي من غير ما تحطي حاجه ع وشك أو ايدك ممكن أعرف جبتي الجرأه دي منين
مضايقك الموضوع دا
_ موضوع أي
شكلي مضايقك
بصيتله كتير وعيوني بتقوله لو نظرات الناس قتاله فأنت الوحيد اللي معاك الترياق يا مراد أرجوك متخذلنيش
_ مراد
رد بدون تفكير معاك
لأمتى
_ لحد ما تزهقي
وبعدها هتمشي
ابتسمت بس عيني كانت رافضه تكدب لقيت نفسي بدمع سألني وقتها مالك
_ أنا عندي بهاق
قولتها بدون مقدمات لأن كل تأخير كان عقلي بيستغل الوضع وبيطرحلي سيناريوهات أسوأ من بعضها
بصلي بدون تعبير وكأنه بيحاول يستوعب أنا قولت أي ميعرفش إن سكوته كان سکينه بارده وهو مرحمنيش طول في سكاته لحد ما كل جزء ف جسمي ڼزف كل جزء مني كان پيصرخ طالب الرحمه وبرضو مرحمنيش
كنت ماشيه تايهه حسيت بالۏجع اللي محستش بيه لما عرفت
