رواية جميلة الرعد كامله

_جميله يا جميله 
نعم يا بابا 
_جهزي شنطتك علشان هنسافر البلد انهارده 
ف حاجه ولا ايه
_عايزك تتعرفي عليهم يا جميله دا انتي اخر مره روحتي كان عندك ٥سنين تقريبا 
بس كده يا حبيبي انت تؤمر والله 
_حبيبت قلبي ربنا يرضي عنك يا بنتي 
حبيب عمري انت 
انا جميله عندي ١٩سنه ف سنه تانيه جامعه كليه حقوق شخصيتي قويه نوعا ما بس قدام بابا انا زي العجينه بالظبط يشكلني مطرح مهو عايز هو كل الدنيا بالنسبالي معنديش أصحاب خالص هو صاحبي واخويا وامي وحبيبي هو كل الأدوار اللي انا محتاجاها ماما توفت وانا عندي ٦سنين ماما امريكيه وبابا صعيدي طبعا أهله غضبوا عليه لما اتجوز ماما بس وانا تقريبا عندي ٥سنين راح واتصالحوا وحبوا ماما جدا كانت مختلفه وجميله وبتتكلم عربي مكسر حبوا اختلافها وكمان كانت محترمه فحبوها

بابا من كتر حبه ف ماما متجوزش بعديها واكتفي بيا وبحبها وكلنا دلوقتي عايشين علي زكراها
ياولدي ياعمده استني
_نعم يما ف حاچه ولا اي
عمك محمود وبنيته چايين الليله عندينا
_ف حاچه ولا اي
لا يا ولدي عايز يعرف بنيته علينا 
_وه بنت الاچنبيه عايزه تتعرف علينا احنا 
متجولش علي روزا أكده روزا كانت ونعما الاخت 
_ماشي يما 
لازم تبجي موچود يارعد لما يچوا 
_حاضر يما عن اذنك 
انا رعد العربي عمده البلد عندي ٣٢سنه كبير البلد من بعد ابويا الحاچ صالح البلد كلها تعملي الف حساب اول أما اعدي من ايوها نحيه كله يختفي من جدامي 
الناس بتحول عليا جاسي جلبي حجر بس انا مش بيهمني عادي ما انا فعلا أكده 
والي بنتكلم عنها فوج دي انا وامي دي تبجي چميله بنت عمي مشوفتهاش غير مره كانت صغيره جوي 
مش فاكر شكلها اصلا هتلاجيها زي امها متفتحه بجي لبس وشعر وحاجه اخر حرف وهتجيب المشاكل ف اليومين اللي هتقعدهم حدانا
لبست وجهزت وحضرت الشنط وركبنا انا وبابا العربيه سوقت انا علشان بابا بقي بيتعب من القاعده بتاعت السواقه نيمتله الكرسي وشغلنا اغاني وفضلنا نغني معاها 
وقابلتك انت لقيتك بتغير كل حياتي معرفش ازاي حبيتك معرفش ازاي ياحياتي من همسه حب لقتني بحبلقتني بحي ودوب ف الحب اههههههه
انا وبابا بنحب الاغاني القديمه هو اللي عرفهالي بحب ام كلثوم وعبد الحليم وورده وشاديه وفيروز بحب كل الاغاني القديمه بحس فيها روح ودفي رهيب بيغير مود الواحد اول ما بيسمعهم
_بتمر ساعات بعد لوقانا
والروح لوجودك عطشانه
_توحشني عنيك 
علاقتي انا وبابا مليئه بالحب بابا كل الحب يحضر ف وجوده بابا كل العالم والله 
فضلنا طول الطريق بنغني لحد اما وصلنا 
نزلنا من العربيه لقيت ناس كتير مستنيانا وصلنا عندهم بدأ بابا يسلم عليهم وانا واقفه مكاني لاني معرفهمش واللي معرفهوش مش بعرف اتعامل معاه 
خلص بابا سلام وبدأ يعرفني عليهم 
تعالي ياجميله سلمي دي عمتك ليلي توأمي 
روحت سلمت عليها حسيت ف حضنها بدفي فظيع 
شددت علي حضنها وقولتلهاحضنك جميل اوي 
حبيبت جلبي اتوحشتك جوي
انتي اكتر يا عمتو 
تعالي يا جميله سلمي دي مرات عمك صالح واختي الكبيره 
اذيك يا طنط 
_كيفك يا بنت الغاليه اتوحشناكي جوي
الحمدلله وانا اكتر يا طنط 
وهكذا سلمت علي الكل طلع عندي بنات عم وعمه 
مريم وقمر بنات عمتي ليلي ودول اصغر مني بسنه وبسنتين
أما فجر وليل ولاد عمي صالح ودول أكبر مني بسنه بردوا واتنين 
جدتي خلفت تلاته بس عمي صالح وبابا وعمتي ليلي 
وماټت وجدي مرضيش يتجوز بعديها وطبعا ده كان غريب ف البلد بس جدي كان بيحب جدتي زي بابا كده بالظبط 
وده بقي رعد يا جميله كبير العيله بتاعتنا بعد عمك صالح وعمده البلد 
اهلا بيك يا عمده 
_نورتي البلد كلها يا چميله 
تسلم يا ابن عمي
وطلع بردوا عندي ولاد عم 
عمر و عمرو دول ولاد عمتي ليلي عندهم ٢٢و٢٠
أما رعد وأسد أكبر مني اللي عرفته من بابا أن عندهم ٣٢و٢٥
طيبين اوي اخيرا لقيت عيله كبيره وجميله زي دول 
دخلنا جوه الدوار كبير اوي اوي كله لونه ذهبي وشكله جامد من الاخر وروني اوضتي فين وبابا كمان اوضته
لبست بيزك ابيض وحجاب ابيض وجي نازله لقيت حد بيمسكني من ايدي و.........
رجعت من الشغل بعد يوم طويل استنيتا عمي أما يچي هو وبنته سمعنا صوت العربيه داخله طلعنا كلنا بره علشان نستجبلهم لقيت بنوته نازله من العربيه من كرسي السواج بتعرف تسوج كمان وايه