رواية اسميته تميم مكتمله جميع الفصول بقلم هند ايهاب

دي
ابتسمت ولقيت لؤي بيبص علينا وقال
طب يا عم الحبيب هنقوم ولا هنخلينا كمان شويه
بص له بطرف عينيه وقال
خلينا كمان شويه
ضحكوا وقومنا نزلنا وركبنا وروحنا علي الأوتيل ولؤي قال
طب ليه مخلتش البنات يبقوا في أوضه واحده!!
معلش عشان كل واحده فيهم تاخد راحتها
بس أنا كنت حابه أبقي مع هند
عملت نفسي مش سمعاها خدنا الشنط وكانت أوضتي جمب تميم وبتطل علي البحر.
هتنزلوا علي طول ولا هتناموا!!
بص لي وقال
والله لو هند حابه تنزل هنزل
ابتسمت وقولت
عايزه أقضي الأربع أيام كلهم فسح وخروجات معاك مش عايزه أفوت يوم واحد
بصوا لنا وبعدين هز راسه وقال

تمام تحبوا نعمل أيه دلوقتي
ننزل البحر طبعا
وافقنا علي أختيار ست دعاء ودخلنا الأوض طلعت المايوه الشرعي وبدأت ألبس خلصت ولقيت الباب بيخبط.
فتحت وكان تميم قفلت الباب وطلعنا وقفنا لحد ما يطلعوا
أمال فين دعاء!!
خبطت عليها قالت أنها بتلبس وهتجيلنا علي هناك
نزلنا البحر وكان تميم متعمد يقرب مني كان بيغوط في المايه ويسحبني معاه لأجل أني أكون قريبه منه
مسكت تميم وقولت
تميم أنا كده هغرق
عيب والله ټغرقي وأنت معاي
يا شباب
بصينا في أتجاه الصوت وكانت دعاء لؤي قام وقف بعصبيه وطلع من المايه.
تميم بعد عيونه عنها وقولت
تميم أجري حوشه بسرعه
كانت لابسه مايوه مفتوح بطريقه وحشه جدا كل حته فيها كانت باينه.
كان بيقرب منها بس تميم مسكه وهو بيقول
هو أيه القرف اللي أنت لابساه ده
رفعت حاجبها وقالت
ماله ده مايوه
طلعت من المايه وقربت من دعاء وقولت بصوت واطي
دعاء مينفعش اللبس ده
علت صوتها وقالت
ومينفعش ليه يا ست هند أن شاء الله أنا من حقي ألبس وأعمل اللي أنا عايزاه
آه ده هناك في بيت أبوكي أنما أنت خلاص بقيتي علي ذمتي يعني تحترمي وجود الراجل اللي في حياتك أنت فاهمه!!
بصيت له بستفزاز وقالت
هو أنت هتعمل الشويتين بتوعك دول قدامهم لاء يا لؤي فوق وأعرف أنت بتتكلم مع مين أنا مش هند أنت فاهم
زق تميم وقام ضربها بالقلم لدرجة أنها وقعت علي الأرض وقال
تصدقي أن هي برقبة عشره زيك
خد بعضه ومشي تميم مد لي أيديه وقال
يلا أحنا يا هند
بصيت عليها وهي بټعيط وبصيت له وكنت هتكلم بس قاطعني وقال
يلا
حطيت أيدي في أيديه ومشيت معاه طلعنا الأوتيل وكان لؤي طالع من الأوضه ومعاه الشنطه.
أنت رايح فين!!
ماشي
ماشي أزاي يعني ومراتك!!
مراتي!! دي لو بقت علي ذمتي أصلا
يعني أيه!!
بصينا ورانا وكانت دعاء بعد عيونه عنها وقال
يعني اللي بينا أنتهي لحد كده
تعالا معاي يا لؤي
لف دراعه علي كتفه ومشيوا قربت منها وقولت
أنت كويسه!!
بصيت لي وعيونها مدمعه وقالت
هو بجد اللي أنا سمعته ده!! هو بجد عايز يطلقني!!
ربعت أيدي وقولت
أنت غلطتي يا دعاء مكنش ينفع تعملي كده وبعدين من أمتي وأنت بتلبسي كده أصلا
أنا من حقي أعيش حياتي
يا ستي ما تعيشيها بس عيشيها في حدود كان ممكن تلبسي مايوه ماشي بس مش كده يعني لو كان شرعي كان أكيد مش هيتكلم أنما كده يا دعاء جسمك مكشوف جدا
سكتت وقولت
أدخلي ألبسي حاجه تانيه يلا
اتنهدت ودخلت غيرت ولبست مايوه شرعي طلعت وقولت
ما كان من الأول
هو بجد هيطلقني!!
مش عارفه بس أكيد تميم هيهديه تعالي ننزل
نزلنا وكانوا علي الرمله وباين فيه نقاش حاد جدا قعدنا بعيد عنهم شويه ولقيتها بتبص لي وقالت
يا بختك
بصيت لها بستغراب وقولت
يا بختي في أيه!!
باين عليه كويس وعاقل بيحاول يوزن الأمور مبيحاولش يقلل منك أبدا وبيحترمك
ابتسمت وسكت وقالت
هو أنت أزاي كنتي مستحمله لؤي!!
ليه هو شخصيه صعبه!!
هزت راسها بلامبالاه وقالت
لو رجع بي الزمن وشوفت تميم وأفعاله معاكي مكنتش بصيت للؤي
سكت حسيت أني مستحقراها أوي والأكتر حسيت بغيره وقالت
بس للأسف مبقاش ينفع أسيبه
حمحمت وقولت
تميم باين بيشاورلنا يلا نروح
قومنا وروحنا ناحيتهم الحقيقه أنه مكنش بيشاور بس كان لازم أتحجج بأي حاجه كلامها مش أحسن حاجه يمكن حاسه أنها أتسرعت بسبب ذنبي أنا يمكن ربنا حب يعوضني بدخول تميم حياتي ومخليني أتفرج علي حياة لؤي ودعاء هتبقي عامله أزاي.
اسميته_تميم 
بقلم هند_إيهاب
السادس
قربنا وقال
هسيبكوا تتكلموا شويه مع بعض وعايزين نيجي نلاقيكوا كويسين
كانت بتبص له جامد كانت هتاكله بعينيها قولت
طب يلا أحنا
هز راسه وبعدنا وقال
مالك!!
هزيت راسي وقولت
ولا حاجه
شكلك مضايق ليه!!
سكت ووقفنا بعيد عنهم بصيت عليها لقيت عيونها كل شويه علينا أو بمعني أصح عليه.
بصيت بضيق وقولت
عايزه أمشي
رفع حاجبه وقال
تمشي فين!!
عايزه أرجع بورسعيد
طب ليه طيب في حاجه حصلت!!
سكت مهو أنا هقوله أيه دعاء عينها منك وأنا غيرت عليك.
مالك!!
ابتسمت وقولت
أنسي
في حتة حفله النهارده هندخلها أنما أيه تحفه
حفله أزاي وهما!!
كلمت لؤي وأقنعته أن في الأول بيحصل مشاكل ويحاول يعدي آه هي غلطانه بس أنت مش من أول مره كده تهد كل حاجه
ابتسمت وقولت لنفسي
طب والله معاها حق اللي تشوف تميم متبصش للؤي
قربوا علينا وباين عليهم أنهم متصالحوش وقال
ها هتعملوا أيه دلوقتي!!
تعالوا بس نطلع نلبس ونروح مطعم نتغدا لأن فيه حفله النهارده
هزوا راسهم وطلعنا لبست بنطلون كتان بلون الكافيه علي شميز أبيض وكوتش أبيض حطيت ميكب هادي ولبست أكسسورات هاديه وفي نفس الوقت تنطق الطقم.
طلعت كانوا هما برا مستنييني تميم صفر بأعجاب وقال وهو بيمد لي أيديه
تسمحي لي!!
ابتسمت وحطيت أيدي علي أيديه وقام باسها ولفني.
دعاء كانت عينها علي كل تصروفاته معاي تجاهلت نظراتها لينا ونزلنا روحنا مطعم لذيذ وهادي.
قعدنا وطلبنا الأكل كان كل قعدته يا بيأكلني يا بيسألني شبعتي!! عايزه حاجه تاني!!
أما لؤي فا كان مهتم جدا بأكله فقط ودعاء حاولت أنها تأكل لؤي يمكن يبادلها نفس الموضوع
جرا أيه هو أنا صغير!!
حرجها جدا لدرجة أن ملامح وشها أتغيرت استأذنت وقومت عشان أدخل التويليت.
خديني معاكي
قومنا ودخلنا التويليت غسلت أيدي وفتحت الشنطه وبدأت أظبط الروچ
هو أنت أزاي خليتي تميم يعمل معاكي كده!!
بصيت لها من المرايا وقولت
كده اللي هو أزاي!!
يعني بيهتم بيكي وتصروفاته جميله أي بنت تتمنا أن الشخص اللي معاها يهتم بيها ويتصرف معاها كأنها بنته وحبيبته
قفلت قلم الروچ وحطيته في الشنطه وقولت
دي حاجات الشخص مبيتعلمهاش لو أتحبيتي بجد هتلاقيه بيعمل كل حاجه أنت عايزاها وأكتر كمان من غير ما تعلميه أو تطلبي منه ده
سكتت وطلعنا دفعوا الحساب وقومنا ومشينا روحنا الحفله وكانت مليانه ناس كتيره جدا وأغلبهم كابلز وأغاني كان جو حلو جدا.
الله يا تميم
شدني من أيدي وجرينا نرقص مع الناس فضلنا نتنطط ونغني ونرقص.
بصيت لدعاء وشاورت لها بصت للؤي اللي مكشر ومن طريقته عرفت أنه رفض.
تميم رفع التليفون وبدأنا نتصور بڤيديوز كتيره جدا وصور حلوه.
خلصنا رقص وقربنا منهم وقال
مجتوش ترقصوا ليه!!
مبحبش أرقص
طب وأنا!! أنا عايزه أرقص
بص لها پغضب كأنه بيسكتها قعدنا وحرفيا الحفله دي كنت مستمتعه بيها بشكل رهيب.
خلصنا وروحنا الأوتيل متأخر طلعت الأوضه وغيرت هدومي لقيت الباب بيخبط وكانت دعاء.
خير يا دعاء في حاجه!!
فاضيه!!
هزيت راسي ووسعتلها الطريق عشان تدخل دخلت وقعدت علي السرير قعدت قدامها وقالت
أنا حاسه أني مش عايزه أكمل
مش عايزه تكملي في أيه مش فاهمه!!
مش عايزه أكمل مع لؤي أنا وهو مش شبه بعض حاسه أنه بني أدم رجعي مالوش في الرومانسيه ولا ليه في أي حاجه بني أدم أناني مبيفكرش غير في نفسه وبس
كنت ساكته تماما أصل