مصلحه ثم عشق

عنوانها وراحت هي ويزيد ونزلوا وقفوا عن اليافطة ..
يزيد ارض شمس المهدي..
فيروز ايوا شمس مامتك الله يرحمها انت حطيت اليافطة دي علشانها.
يزيد مېتة وانا كام سنة
فيروز ١٤ سنة
يزيد بحزن الله يرحمها وبابا.
فيروز وانت عندك ٢٢ سنة
يزيد اتجوز بعدها .
فيروز لا كان بېموت فيها وعاش على ذاكرها ونمى حبها في قلبك وكبر جواك هو اشتراها هدية ليها ومشافتهاش وماټت فانت احتفظت بيها ذكرى .
يزيد وهو اشتراها ليه!
فيروز اتلبكت ومعرفتش ترد لان سالي مقالتش ايه سبب الارض دي بالذات بس جتلها فكرة 
_ كان عندها نفس حلمي تبني مجمع خيري كبير ومدرسة جنبه ووحدة صحية وتضم اطفال الشوراع والبيبهات اللي بترتمي من غير اب ولا ام ويتربوا ويكون دا عالمهم الخاص علشان كدا باباك اختار الارض دي بالذات لموقعها ومساحتها الكبيرة.
يزيد هو انا ليه حاسس بۏجع في صوتك من ناحية اطفال الشوارع .
فيروز مش بقولك حلمي فاكيد حاسة بيهم نفسي اوي اعملهم حياة خاصة بيهم وتجمعهم مع بعض.
يزيد همس بشرود حلم الفيروز والشمس غرييييب.
نوفيلا مصلحة ثم عشق 
البارت الرابع ...
مرت ايام قليلة ... وعلاقة فيروز ويزيد في تحسن..وعلاقته بملك بقت اقوى ودا عجب فيروز وخلى قلبها يطمن شويه 
من اخر مرة كانوا مع بعض فيها في الارض مجبش سيرتها تاني... افتكرت ضغوط سالي عليها في الايام اللي فاتت علشان تجيب سيرة الارض تاني مع يزيد ولكنها كانت بتحس ان في حاجه بتلجم لسانها ومتتكلمش على الارض نهائي استمتعت بيزيد وشخصيته وهدوءه وصوته وكل حاجه فيه قلبها بقى ينبض جامد كل ما وتهد اللعبة دي عڈاب ضميرها بيزيد عندها يزيد ابدا ميستهلش انها تعمل فيه كدا او تاخد ارض عزيزة عليه بالشكل دا وتعطيها لاولاد عمه ولكنها في محتارة جدا ومش عارفة تعمل ايه.... اتنهدت مرة تانية لما بصت على ملك اللي وشها نور اكتر في وجود يزيد..
فيروز ملك ..
ملك نحم.. نعم .
فيروز انتي بتحبي بابا يزيد قد ايه!.
ملك رفعت ايدها وشابت على اطراف اصابعها وقالت ببراءة قد كدا.
فيروز ابتسمت بحب طب ايه رايك نروح نقوله كدا ونشوفه بيعمل ايه.
ملك هزت راسها وفيروز اخدتها وراحت على اوضتهم ودخلت لقت الاوضه في حاله فوضى ويزيد واقف بيلف حوالين نفسه عقدت حواجبها وسالته بقلق في حاجه يا يزيد.
يزيد رفع راسه فيروز كويس انك جيتي كنت هادور عليكي دلوقتي انا محتاج اروح شقه اسكندرية ضروري..
فيروز بقلق ليه في ايه!!.
يزيد عاوز المفتاح اللي عبد الحميد قالي عليه قبل كدا في الشركه بتاع الخزنه.
فيروز وايه اللي هايجيبه عندي ..
يزيد اكيد هناك
.. انا دورت هنا وقلبت الدنيا تحت في المكتب وفي الاوضه هنا وفي مكتب الشركه ومفيش فايدة وبدام الخزنه دي مهمه اوي كدا يبقى انا اكيد

احتفظت بيه عندك مثلا.
فيروز بارتباك لا معنديش انا متاكدة انت مكنتش بتشيل اي ورق ولا اي حاجه عندي وبعدين.. دا دا ..دا تقريبا كان ييرافقك على طول.. ممكن يكون وقع منك في الحاډثه .
يزيد قعد على طرف السرير راسه جامد معقول يكون وقع مني انا عاوزو ضروري عبد الحميد قالي حياتي كلها في الخزنه دي وانا محتاج اعرف عن حياتي اكتر .
فيروز نزلت ملك تلعب حواليهم ووقفت قصاده مسكت راسه بشويش ورفعتها....
فيروز بهمس فتح عيونك .
يزيد فتح عيونه براحة فتحت اهو ..
فيروز انت ليه مصر على انك تعرف حياتك بسرعة سيب نفسك للدنيا والظروف وهاتعرف كل حاجه مرة واحدة بتضغط على نفسك ودا غلط انت المفروض حاليا في فترة نقاهه غلط اللي انت بتعمله في نفسك دا .
يزيد بحزن ڠصب عني حطي نفسك مكاني انا واحد مش عارف اي حاجه عن اي حاجه معرفش دا بيكرهني ولا بيحبني تايهه باخد كلام من هنا على من هنا.. انا عندي فضول كبير اعرف حياتي قبل ما افقد الذاكرة..
فيروز هاتعرفها والله يا يزيد بس اهدى على نفسك شويه...
يزيد هز راسه بموافقه وسكت قطع سكوتهم ملك وهي بتقول بابي..
لف راسه ليها لقاها حاطة حاجة معدن في بوقها ولعابها سايل وبتضحك...
يزيد اوعي يا ملك ايه دا.
يزيد اخد الشئ اللي كان في بوقها لقاه مفتاح صغير عقد حواجبه ..
يزيد فيروز دا باينه المفتاح ولا ايه!..
فيروز بفرح ملك لقته.
يزيد تقريبا هو نفس المواصفات اللي عبد الحميد قالي عليها.
شفت اهو لما بتهدا كل حاجه بتبان.
يزيد صغيرة صح يا روح قلب يزيد..
خجلت من كلامه وهو اخد ملك وفضل يلف ويدوخ بيها شفتي يا لوكه بابا اخيرا هايعرف حياته قبل كدا.
اتنبهت اخيرا لكلامه انه بسبب المفتاح دا هايعرف حياته قبل كدا معنى كدا انها ممكن تنكشف لو الخزنه دي فيها حاجة عن ولاد عمه وعمته حست انها تايهة ومش عارفه تفكر صح تنفسها زاد بس فكرت بسرعة انها تمثل انها تعبانة وتاخد المفتاح من وراه ....
فيروز بتعب مصطنع يزيد.
يزيد وقف بسرعة من لعبه مع ملك في ايه يا فيروز ..
اترنحت في وقفتها يزيد جري عليها بسرعة بقلق مالك في ايه تعبتي فاجأة...
فيروز بتمثيل تعبانه اوي حاسة الدنيا بتلف بيا .
يزيد اخدها وحط المفتاح بلخبطة على الكمدينو جنبها وهي لاحظت كدا..
فيروز يزيد ممكن تخليهم يعملوا اي حاجه فريش اي عصير يعني...
يزيد حاضر يا قلبي ثواني...
يزيد خرج بسرعة وبلهفة وخوف عليها وهي اول ما خرج مسكت المفتاح وخبته وقعدت مكانها تاني تظبط تنفسها الخۏف والقلق ومشاعر كتير جواها ضميرها اللي بيأنبها حاجات كتير اوي فوق بعض للحظه نفسها تصرخ باعلى صوتها وتنهي اللعبه دي وفي وسط دوامه تفكيرها دخل يزيد وقدملها العصير الفريش وشربت منه يمكن يبردها ويبرد الڼار اللي فيها قعد على طرف السرير وراقب حركات عنيها وتوترها ...
يزيد مالك يا فيروز.
فيروز بارتباك مفيش تقريبا دوخت علشان مفطرتش الصبح.
يزيد ومفطرتيش الصبح ليه! انتي مش عارفه انك حامل ..
فيروز عارفه متقلقش دي كلها امور طبيعيه ميبقاش قلبك ضعيف كدا..
قالت جملتها الاخيرة بهزار وكانها كانت قاصدة تخفف من حدة الجو ابتسم على هزراها وهمس بحب وانا لو مخفتش عليكي اخاڤ على مين!.
في اللحظه دي اعترفت لنفسها بحبه حبته ومن اول ما شافته متعرفش جه امتى وازاي وهي قافله قلبها بقالها سنين ويوم ماتحب تبقى في لعبة او حب مصلحة الباب خبط بعد عنها بصعوبة وعنيه بتتحرك بشوق على ملامح وشها الباب خبط تاني...
يزيد مين..
_ انا يا باشا اياد بيه تحت عاوزك.
يزيد بنبرته الرجولية اللي بتأسرها نازله حالا.
كان بيرد على الخادمة وعينه عليها هي اتحرجت وحطت وشها في الكوبايه اللي في ايدها لاحظته واتكلمت برقة يزيد اياد تحت مينفعش تتأخر عليه وبعدين احنا مع بعض مش هانهرب..
قام ونزل على طول لاياد وهي اتنهدت بحب وحطت ايديها بتلقائية على صدرها وهمست لنفسها وعينها على الباب انا شكلي حبيتك ولا ايه!..
قطع تفكيرها رنين تليفونها لقت سالي بتتصل نفخت بضيق وردت الو .
سالي اياكي تكوني مفتحتيش معاه حوار الارض.
فيروز بضيق لا معرفتش.
سالي نعم!! هو ايه اللي معرفتيش يا فيروز انتي بتطولي في الحكاية وانا بدات اللعبة دي متعجبنيش تقدري تقوليلي ايه مانعك.
فيروز اللي مانعني انه انهاردا كان قالب الدنيا على مفتاح الخزنه اللي في الشركة.
سالي پخوف ايه لقاه! اوعي تقوليلي انه لقاه.
فيروز بحذر لا مش لقاه طب هو لو لقاه فيها ايه!..
سالي فيها ايه!! فيها ان كل حاجة هاتنكشف يزيد حياته في الخزنه ولاب توب وهو عاملهم نظام
حمايه كويس جدا لو فتح الاتنين هايعرف انك اصلا مش موجودة في حياته وهايعرفنا على ايه وكل حاجه هاتتهد بقولك ايه ظبطي انتي الدنيا عندك وامنعيه خالص انه

يدور عليه الهييه يا فيروز انا بكرة مش هاكون في الشركه اوعي بكرة يجي مثلي مثلا انك تعبانه وخليه جنبك انا وعامر ورانا مشاوير في شركتنا اللي في اسكندريه..
فيروز طيب حاضر هاعمل كدا ولو لقيته هاعينه واديهولك على طول .
سالي ايوا كويس جدا يا فيروز بداتي تشغلي دماغك معايا.
فيروز متقلقيش..
فيروز قفلت معاها وشردت في حاجه ولكنها رجعت اتصلت عليها تاني ...
سالي في حاجه يا فيروز..
فيروز معلش كنت محتاجه اسالك عن شويه تورايخ علشان يزيد بيسالني فيهم وانا مش عارفه الصراحه...
سالي قولي تواريخ ايه!..
فيروز عيد ميلاده مثلا عيد ميلاد مامته عيد ميلاد ابوه الشركه بتاعتكوا اتاسست امتى يعني قوليلي اهم التواريخ في حياته يوم ۏفاة مامته لانه بيسالني كتير عن تواريخ وانا مش عارفة ...
سالي طيب طيب هابعتلك كل التواريخ في مسج.
فيروز ماشي .
فيروز قفلت معاها تاني وفكرت بصوت عالي مع نفسها ماهي خزنه يعني اكيد مفتاح ورقم سري..ياترى اللي بفكر فيه صح ولا لأ...
الباب اتفتح بسرعة وهي انتفضت على السرير واتخضت في ايه!..
يزيد باسف انا اسف خضتيك بس اظاهر نسيت المفتاح..
فيروز بارتباك بجد..
يزيد ايوا نسيته..
وبدء يدور في كل مكان تاني وهو تايهه ومش مركز وهي راقبته بحزن بس كانت لازم تعمل كدا.
يزيد بعصبية هايكون فين ضاع تاني.
فيروز بارتباك طيب اهدى هاندور كويس وزي ما لقيناه المرة اللي فاتت هانلاقيه تاني
يزيد دا انا لسه بقول لاياد عليه قالي هو دا طب هي فين ملك.
فيروز طلعت من زمان تلاقيها راحت لسناء .
وبدئت تقوم تدور معاه وهو لاحظها ونهرها بسرعة فيروز انتي بتعملي ايه اقعدي مكانك يالا في داهية المفتاح هنلاقي حل المهم انتي تعبانه.
قعدت مكانها تاني وعينها بتراقبه بصمت وهو وقف بتعب ونفخ بضيق وخرج من الاوضه طلعت المفتاح وبصتله وعزمت على تنفيذ قرارها...
في ڤيلا صافي ..
سالي دخلت بهيبتها وقعدت وصافي كانت في استقبالها وعمر جه ومش فاهم في ايه..
سالي بصوا بقى انا جايلكوا علشان بلاش نلعب من ورا بعض.. ويبقى الكلام واضح.
صافي كلام ايه! ولعب ايه يا سالي ماتوضحي كلامك.
سالي اسالي جوزك المحترم اللي رايح يتفق مع نهلة السكرتيرة ويقولها تروح ليزيد وتمثل انها مراته عاوز يوقعنا كلنا والا تكون فاكر انك تنفذ خطتي بس باسلوبك ولا تكون عاوز توقع بين فيروز ويزيد وتفوز بيها.
عمر انتي بتتكلمي كدا ليه اهدي شويه انا متفقتش مع حد انتي هاتصدقي حته سكرتيرة لا راحت ولا جت وتكدبيني.
سالي بحدة اسمع يا عمر كويس انت دخلت العيله دي بارداتنا دخلت بردو وسطنا بارداتنا شاركناك معانا بردوا بارداتنا وبارداتنا بردوا ننهيك خالص وكانك ملكش وجود المهديه محدش يضحك عليهم ولا حتى انت دا اخر تحذير ليك.
وبعد كدا وجهت كلامها لصافي بحدة اكتر وانتي يا صافي المهزله اللي حصلت عند يزيد انا مش ناسيها و عدتها بالساهل فيروز حړقتك انا عارفه بس يا هانم