رواية عهد الاسود ( كامله جميع الاجزاء ) بقلم زهرة الربيع

حصل بالحرف
في مزرعه بعيده حواليها صخور وجبال ومكان اشبه بالكهف كان ضرغام فاقد الوعي ومربوط من اديه بسلاسل حديد في الحيط وكان راكع على ركبو لانو فاقد التوازن
وصلت عربيه جييب كبيره ونزل منها الشخص المجهول ودخل المكان وبص للجاردات وقال..هو فين
واحد منهم شاورلو على الكهف واخدو على مكان ضرغام واول مادخل وشاف ضرغام بالحاله دي ابتسم وقال ..ولله زماااان يا ابن الثابت..زمان يا ضرغام...صحيح مسير الحي يتلاقى وبص للرجاله بتوعو وقال..انا هدخل اريح عينكم عليه...اوعو يهرب واول ما يفوق تدوني خبر
المجهول قال كده ودخل المزرعه وكان هناك شاب مستنيه وباصص من الشباك وضهره ليه

المجهول ابتسم وقال..شرفتني يا ان شالله الضيافه تكون عجبتك
منصور بصلو وقال بضيق..تمام ..المهم..انا وفيت بوعدي الجدع عندك اها....دخلت الراجل بتاعك وخرجتو من غير ما حد يحس كده انت كمان تعمل الي عليك
المجهول قال...متقلقش..اسامه في حسبتي اصلا ...والبنت الي انت عايزها مش هتكون غير ليك متقلقش
منصور اتنهد وقال...كده نبدأ الشغل الصح بس زي ما اتفقنا ابوي ميعرفش حاجه
عند اسامه كان بيسمع اسد بزهول وقال..انتو عايزين تفهموني ان مكان زي ده مليان حراسه قدر شخص يدخل واحد زي ضرغام وفي قوتو من غير ما حد ياخد بالو..ازاي يعني..ها...فهموني ازاي
اسد قال بتوتر....انا معرفش...وحاول يقلل قلقو وقال..انا قولتلك علشان لو حابب ترجع اخوك..وبعد كده انا مليش دعوه انا اصلا مش بطيقه
اسد ليه هيمشي اسامه وقال بحزم..ده على اساس اني انا الي بطيقه..بس ده من عيلتنا وعيب علينا لما يتخطف من وسطينا واحنا راجلين قاعدين نتفرج
اسد بص على عهد وكانت پتبكي وقالت..انتو لازم تتصرفو لازم تلاقوه...اعمل اي حاجه يا اسد اتصرف
اسد اتنرفز لما لقاها قلقانه عليه وقال انا مليش دعوه ومش هدور على حد وبعدين هندور فين اصلا هو عيل وتاه احنا منعرفش حتى خيط يوصلنا ليه
اسد قال كده ولسه هيمشي شوق كانت خرجت من الحمام وسمعت

كلامهم وقالت بسرعه..بس انا اعرف
عند سيلا كانت رايحه جايه پخوف واتصلت على الشخص المجهول وقالت..الو..ايه الاخبار
المجهول قال..كلو تمام متشغليش بالك انتي
سيلا قالت بتوتر..مشغلش بالي ازاي وانت سايبني في وش المدفع كان لازم اهرب ..افرض شكو فيا
المجهول ضحك وقال..لو كنتي هربتي كانو هيشكو فيكي..انما دلوقتي محدش هيفكر ان ليكي دخل اصلا..متقلقيش انتي اخر واحده ممكن يشكو فيها وعلى بال ما يدورو ده لو دورو عليه اصلا..هيلاقوه مېت ..المهم متتصليش بيا تاني مش ناقصه حد يسمعك تبقى مشكله
سيلا قفلت معاه وقعدت بتوتر
عند اسامه كل الانظار بقت على شوق لما قالت انها تعرف حاجه عن ضرغام والدهشه على وجوه الكل خصوصا اسامه وقال باستفهام..تعرفي ايه..عارفه مكانو
شوق قالت بارتباك ..لا معرفش مكانو بس هو عارف كل حاجه..وعارف انو هيتخطف كمان
اسامه قال باستغراب... ايه....انتي بتقولي ايه
شوق قالت..انا جيت هنا مع ضرغام..ولما كنا في العربيه..طلع فلاشه وادهالي قالي انو الايام الي جايه مش هكون بخير وقلي لو اختفيت فجأه ومعرفتوش تلاقوني ادي الفلاشه دي لاسامه هو هيتصرف
اسامه بصلها پغضب وقال..ومقولتليش ليه
شوق قالت پخوف..هو هو قلي لو احساسي طلع غلط ومحصلتليش حاجه متجبيش سيره وانا هبقى اخدها منك تاني...انا استغربت خصوصا انو اخد مني رقم التليفون بتاعي و من ساعه تقريبا بعتلي فيديو وقلي اخليكم تسمعوه قبل الفلاشه 
اسامه لسه هيتكلم اسد قال بسرعه وفين الفيديو والفلاشه الي بتقولي عليهم
اسامه وعهد بصولو وهو قال بسرعه..انا قصدي يعني مدام نويتو تساعدوه التأخير ملوش لزوم
اسامه ابتسم ابتسامه جانبيه وقال...اممم..طيب...شكلنا هنساعده..روحو استنوني في اوضتو هستحمى ولما اجي نسمع التسجيلات
اسد قال بضيق..انت لسه هتستحمى
اسامه بصلو پغضب وقال...عندك مانع
اسد اتنهد وقال..يلا يا عهد..حاول متتاخرش
وفعلا اسد وعهد راحو على اوضه ضرغام وفضلو مستنين اسامه عهد بقت تروح وتيجي في الاوضه بتوتر وقالت..ټفت..تفتكر..يكون..يكون جرالو..جرالو حاجه...يعني..يعني مين ممكن يكون..خ..
اسد ابتسم بحزن لما لقاها اتلعثمت وقال..خاېفه عليه
عهد بصت بعيد وقالت..انا ...لا طبعا..انت بتقول ايه..انا مش..مش خاېفه ابدا..انا
اسد وقف وقال..اهدي ..هو اكيد بخير انتي متعرفيش ضرغام قدي..محدش يقدر يأذيه بسهوله
عند ضرغام فتح عنيه بتعب شديد وكان دايخ جدا قال بتعب وضعف..انتو..انتو مين..عايزين ايه
الجارد قال...اه..اخيرا فوقت..احنا هنا عبد المؤمور انما الي عايزك زمانه على وصول
ضرغام وقف وحاول يفك اديه بس كانو متسلسلين كويس قال پغضب...انتو مش عارفين بتلعبو مع مين...اتقو شړي وفكوني والا مش هيحصل خير
الجارد لسه هيرد دخل الشخص المجهول وقال...اهدى يا باشا ليطقلك عرق...العصبيه مش كويسه في وضعك ابدا
بقلم..زهرة الربيع
ضرغام اتسعت عنيه بشده وبصلو وهو مش قادر ينطق وقال...ان..انت
اما اسامه راح اوضة ضرغام ومعاه شوق.. اسد جري عليها وقال..جبتي التسجيلات
اسامه ابتسم بسخريه وفتح اللاب ووصلو بالتليفون وبص لعهد وشوق وقال باستهزاء..انا رأيي تخرجو انتو يا بنات احسن تطلع عليها ليله من لياليه ..ولا حاجه ميصحش تشوفوها
ععد
ادايقت وشوق نفخت بزهق وقالت..يعني الي انت بتقول عليه ده هيبعتو على تليفوني ليه اخلص يا اسامه افتح بلاش تضيع وقت
اسامه قال.. براحتكم... وفتح الفيديو واول ما