ليله في العوامه

كانت برة رجعت لقت شقتها بتولع وابنها مېت جواها ولأن إبنها عيل بايظ وبتاع مخډرات وكل اصحابه شبهه كده ف الست شكت إن ممكن يكون حد من صحاب الواد قټله لأي سبب يعني ف قدمت بلاغ وابتدا التحقيق ومن حسن حظكوا بقى إن النيابة لما جالها أحراز الشقة اللي اتحرقت والواد اتفحم جواها كان من ضمن الأحراز دي موبايل الواد اللي ماكنش اتحرق لأنه كان مرمي في أوضته ولما النيابة فتشت فيه لقت عليه فيديو لبنت بيتم الاعتداء عليها من نفس الواد صاحب الموبايل جوة بيت قديم وده طبعا البيت اللي قصاد العوامة وطبعا البنت كانت شبه نفس البنت اللي انتوا لقتوها بس ملامحها كانت متغيرة بسبب إنها كانت في الماية وكده يعني ف لما النيابة حبت تتأكد وتعرف مين البنت دي ابتدت التحريات اللي أثبتت إن البنت دي تبقى جارة الواد وهو استغل احتياجها للفلوس لأنهم فقرا او استغل إنهم جيران وفي بينهم كلام وطبعا وقتها كان شارب ف چرجرها للبيت واعتدى عليها بس بعد ما اعتدى عليها بقى او بالتحديد يعني أثناء الاعتداء.. البنت ماټت في إيده ومابقاش عارف يوديها فين ف بعد ما اعتدى عليها رماها في النيل وده طبعا قبل ما انتوا تروحوا العوامة بكام ساعة وكمان النيابة اتأكدت من الكلام ده لما سألت الجيران وطابقت كلامهم مع محضر عملوه أهل البنت بتغيبها فجأة كده وبتجميع كل الخيوط دي مع تقارير الطب الشرعي اللي أثبتت عن طريق الخرابيش والاعتداء اللي تم إن الولد ده هو اللي عمل كده ف انتوا بالتالي شهادتكوا بقت سليمة ومابقاش يقع عليكوا أي جرم وده طبعا بعد ما اتأكدوا يا استاذ جمال إن الخربوش اللي في رقبتك ده بفعل مراتك مش بفعل البنت اللي كانوا شاكين إنكم اعتديتوا عليها..
لما المحامي قال لي كده حطيت إيدي على رقبتي بإحراج بس حقيقي وقتها بعد ما خلص كلامه معايا اتنفست بأريحية لأول مرة من ساعة الليلة المشؤومة دي المهم إني في الأخر خرجت ومراتي معاملتها معايا اتغيرت تماما لما اتحبست وعرفت قيمة وجودي في البيت وخليني اقولك إن الواد ماټ محروق في البيت لأنه بعد ما اعتدى على البنت ورجع البيت فضل يشرب في مخډرات عشان ينسى لحد ما أغمى عليه وسېجارة الحشېش وقعت من إيده.. وشبكت في مناديل كانت واقعة على الأرض والمناديل لما ولعت مسكت في ملاية الكنبة اللي كان نايم او فاقد الوعي عليها والبيت ۏلع بيه وهو مش دريان لحد ما ماټ...
اما بقى عن علاقتي بابراهيم ف بصراحة كده انا لا بقيت بحب اقعد معاه ولا بقيت حتى بسأل عليه او بتصل بيه انا من بعد ما خرجت بقيت من شغلي لبيتي ومن بيتي لشغلي.. وحتى الكافيه اللي كنت بنزل اقعد عليه شوية مابقتش بنزله.. وبقيت بقضي معظم وقتي لما برجع من الشغل مع مراتي وفي النهاية حابب اقول حاجتين.. ربوا عيالكوا.. ربوا عيالكوا عشان بقلة تربيتكوا ليهم بتحصل مصايب والمصاېب دي بتجر ناس مالهاش ذنب في الرجلين وياريت تحرصوا كمان على بناتكوا وتخلوا عينكوا عليهم في الرايحة والجاية.. احنا بقينا في زمن ما يعلم بيه إلا ربنا..
تمت....