طول عمري
طول عمري عيشتي مرتاحة ، عمري ما واجهت مشكلة، أهلي كانوا مرتاحين ماديًا بس علموني أعتمد على نفسي وطلعت مهندسة واتجوزت دكتور أسنان
بس لما اتجوزت مخلفتش ، بقالي خمس سنين وعملت أربع عمليات والدكاترة قالوا الحل عند ربنا، الطب يعجز عن إنه يجعلك حامل، يومها صوت صړيخ قلبي كان فاضحني، زوجي رفض يتجوز عليا وكان بيهون عليا طول الوقت ويقولي: ياستي الفلوس بتسند مش لازم عيال، محدش بياخد من الدنيا كل حاجة
صوت البنت اللي قاعدة في الترابيزة اللي ورايا لفت انتباهي وهي بتتكلم في التليفون وبتقول لصاحبتها:
كان نفسي أحقق وصية أبويا بس قلة الفلوس منعاني، مسحت دموعي وروحتلها وقولت: ينفع أقعد معاكي؟
وبعد ما أتعرفت عليها وطلعت شخصية جميلة وحنونة قولتلها:
سمعتك وانتي بتقولي قلة الفلوس بتمنعك تحققي حاجات كتير بس على الأقل معاكي صحاب بيحبوكي وممكن تتجوزي وتخلفي، أنا بقا مبخلفش وصحابي كلهم بتوع مصالحهم، صدقيني الفلوس مش سعادة الإنسان الحقيقية
ضحكت وقالت: بس قلتها بتخليكي عاجزة مش عارفة تحققي حاجة في حياتك، وبتذل الإنسان، أنا أبويا وأمي بعد ما حوشوا تحويشة عمرهم عشان يحققوا حلمهم ويروحوا الحج سوا الفلوس اتسرقت معرفتش أرجعها
ضحكت وقولتلها بقالي خمس سنين نفسي أجيب حتة عيل معرفتش أجيبه بالفلوس، مشكلتك سهلة بالنسبالي بس صعبة بالنسبة لكل الناس، ردت عليا رد متخيلتهوش:
بس مش صعبة بالدعاء، مش صعبة بالصدقة واليقين، انتي غايب عنك حاجات كتير مكسلة تعمليها
الحمد لله بعمل العبادات وبحب ربنا وبيني وبينه عمار
طيب وحلمك متحققش ليه؟
مين قالك متحققش، بيجيلي كل يوم رسالة إنه هيتحقق، وجالي رؤية بتأكدلي ده
وبعد معرفة قوية بينا وصحوبية عملتلها جواز سفر ورنيت عليها قولتلها: رؤيتك اتحققت يا عائشة
أبويا وأمي كل يوم يقولولي في الحلم إحنا مبسوطين أوي
طلعتها الحج وبقت تكلمني من جبل عرفات وتقولي:
أبويا وأمي كل يوم يقولولي في الحلم إحنا مبسوطين أوي
بقيت أقولها بالله عليكي ياشيخة تدعيلي عندك، أنا روحت الحج كتير بس حاسة قلبك صافي عني، قعدت تقولي بصوت مليان فرحة:
بقيت أعيط وأقولها: بالله قولي لربنا يجبر بخاطري
وقبل ما تنزل من السفر بيومين كنت محضرة أضحية أنا وجوزي لعيد الأضحى وقولت أفرح ناس كتير يمكن ده يكون سبب فرحتي
وهما بيدبحوا الأضحية أغمى عليا ومكنتش قادرة أقف
زوجي أتخض ورن على دكتور صاحبه فتحلي العيادة مخصوص وسمعت أحلى كلمة في حياتي: مبروك المدام حامل
رنيت على عائشه وهي في الطيارة بقت تقولي:
قولتلك ربنا عاوزك تروحيله بقلب سليم عشان عوضه لما ينزل مينزلش في قلب مخروم
واقعيه
