غلطه مين

بابا انا عاوز اتجوز
سليم بضحك تتجوز مرة واحدة طب خلص الثانوية بتاعتك الاول وبعدين فكر فى الجواز
بابا انا مبهزرش انا فى بنت مستقبلها هيضيع بسببى وانا مش هسيبها تتأذى واقعد اتفرج عليها
سليم پصدمة يعنى ايه تقصد ايه بكلامك ده يا استاذ سيف!
سيف ايوة اللى فهمته انا غلطت مع البنت دى ودخلت المستشفى
سليم يومك اسود ومنيل ع دماغك واهلها عرفوا ان انت اللى عملت كده!

سيف لا هى مرضيتش تجيب سيرتى ولحد الان متكلمتش ولا عرفتهم
سليم اسمع اوعى حسك عينك تفكر تتواصل معاها ولو رنت عليك متردش عليها ولا اقولك حطها ع البلاك ليست وسيبنى اتصرف
سيف تتصرف فى ايه يا بابا بقولك انا لازم اصلح غلطتى
سليم پغضب تصلح غلطتك ايه يا عيل انت ايه خبرتك فى الحياة اصلا ولا انت تعرف تفتح بيت! يا ابنى الجواز ده هو اللى بيختارنا مش احنا اللى بنختاره وبعدين انت لسه عيل عندك ١٨ سنة لنفترض انى وافقتك وجوزتها ليك هتقعد معاها اد ايه شهر ..شهرين .. سنة بالكتير وهتمل منها وتدور ع غيرها وهكذا
سيف مش مهم هكمل معاها اد ايه المهم اخلصها من الورطة اللى وقعتها فيها وخلاص
سليم پغضب اسمع يلا انت هتنفذ كلامى اللى قولته ليك بالحرف والا قسما عظما هتشوف منى وش تانى نتفاجئ بيه احنا الاثنين انت فاهم .. قولى ابوها مين!
سيف ابوها مجدى الجلاد عضو مجلس الشعب
سليم كمان ... تمام انا هتصرف وخلى بالك لو اتصرفت من دماغك هزعلك
مشى سليم پغضب شديد وهو بيفكر هيتصرف ازاى فى المصېبة اللى ورطه فيها ابنه
فى مكان تانى داخل مستشفى خاص كانت هدير بټعيط بسبب كلام ابوها
مجدى عارفة لو مكناش فى مستشفى كنت كسرت عضمك او كنت قلتك وخلصت منك
هدى الام ممكن تهدى شويه بقا وتوطى صوتك هتفضحنا!
مجدى پغضب هفضحكوا! انا لسه هفضحكوا احنا اتفضحنا فعلا بسبب عملة الهانم بنتك السودا وبعدين انتى بتتكلمى ازاى كده ببجاحة انتى زيك زيها مذنبة
هدى انا!
مجدى ايوة انتى ما دى نتيجة تربيتك السبور يا مدام ما انتى مش فايقة غير للنادى والشوبينج والسهر والمؤتمرات واخر همك بيتك وبنتك
هدى انت ليه كل مصېبة تحصل تحط كل الحق واللوم عليا انا ها! انت كنت فين قولى!
مجدى كنت فين! كنت فى شغلى عشان اجيب لحضرتك الفلوس اللى تعملى بيها شوبينج وتلبسى بيها السينيهات وتجيبى الالماظات وغيره
هدى ده مش مبرر وجودك كان مهم وبعدين احنا بدل ما عمالين نحط الحق ع بعض لازم نفكر هنعمل ايه ونتصرف ازاى فى الورطة دى
مجدى انطقى يا بت انتى مين اللى عمل فيكى كده!
لم تجيب هدير وفضلت ترتعش پخوف .... مجدى قرب منها ومسكها من شعرها انطقى يا زفتة انتى مين ابو اللى فى بطنك ده!
هدير بۏجع اه يا بابى شعرى سيبنى بليز
مجدى شدد من مسكته لشعرها اكتر قسما بالله لو ما قولتى ھقتلك
هدير پخوف هو ...هو واحد زميلى فى المدرسة
مجدى اسمه ايه اخلصى!
هدير اسمه ...اسمه سي..........
وهنا دخلت ممرضة وقالت استاذ مجدى فيه واحد برة عايز حضرتك
مجدى واحد مين ده !
الممرضة اسمه سليم المهدى
مجدى باستغراب سليم المهدى ده رجل اعمال معروف جدا وده عاوز منى ايه 
هدى اخرج قابله وانت تعرف
مجدى لهدير هرجعلك ومش هرحمك يا بنت هدى
خرج مجدى وحاول يبان طبيعى سلم ع سليم وقال اهلا سليم باشا خير!
سليم ممكن نقعد مع بعض ونتكلم
مجدى اكيد اتفضل فيه كافيه مش بطال جنب المستشفى
سليم تمام اتفضل
وصل الاثنين ع الكافيه وقعدوا وطلبوا قهوة ...مجدى خير ان شاء الله 
سليم اخبار بنت حضرتك ايه اتمنى تكون بخير!
مجدى پخوف وانت بتسأل ليه عن بنتى 
سليم لان الموضوع ده يهمنى زيك بالظبط انا ابو الولد اللى عمل كده مع بنتك
مجدى پغضب وليك عين كمان تيجى وتتكلم معايا بمنتهى البرود ده انا هوديك انت وابنك فى ستين داهية
سليم ببرود اهدى يا مجدى بيه اللى بتعمله ده مش صح ابدا انت كده هتفضح بنتك وهتضيع مستقبلها وهتوقف سوقها وكمان سيرتك هتبقى ع كل لسان وانت عارف النواب اللى زى حضرتك محط انظار الصحفيين والإعلاميين
مجدى انا مش هسيب حق بنتى انت فاهم
سليم بقولك ايه يا
مجدى بيه بلاش الجو
ده عشان بنتك مش خضرة الشريفة يعنى هى عملت كده بمزاجها مكنتش مڠصوبة او مضړوبة ع ايديها
نزلت الكلمات كالسکين ع مسامع مجدى لكنه مقدرش يرد ع كلمات سليم القاسېة فأكمل أنا جايلك بنفسى لحد عندك عشان نخلص الموضوع بدون اذى لا ليك ولا ليا
مجدى اخلص وقول اللى عندك
سليم احنا نكتب الكتاب بشكل رسمى وبعد يوم او اثنين يتم الطلاق وبكده بنتك هتبان كانت متجوزة وحافظت ع شرفها
مجدى طب واللى فى بطنها !
سليم پصدمة ايه ...هى حامل !
مجدى ايوة اتزفتت
سليم بسيطة تسقط
مجدى پغضب انت اكيد اټجننت
انت اكيد اټجننت انت عارف انت بتطلب منى ايه دى چريمة وكمان البنت ممكن تروح فيها!
سليم ببرود مجدى بيه اهدى وخلينا نتكلم بالعقل الطفل ده هيكون ابن حرام ولا انا ولا انت هنعترف بيه طب خلينى معاك ان بنتك هتكمل حملها وتولد الناس هتقول حامل منين وازاى والشوشرة هتكتر والكلام هيزيد وبعدين دلوقتى فيه دكاترة كتير محترفين فى العمليات اللى من النوع ده
مجدى وتضمنلى منين ان بنتى ميجراش ليها حاجة البنت لسه صغيرة وجسمها ميستحملش
سليم باستفزاز وهى لما غلطت وعملت كده مع ابنى كانت صغيرة برضه!
لتانى مرة يتلجم لسان مجدى وميقدرش يرد على كلام سليم القاسى تمالك اعصابه وقاله العمل ايه
سليم هو ده الحل الوحيد بنتك تعمل العملية تقوم بالسلامة نكتب الكتاب وبعدها تطلق وتبدأ حياة جديدة ويا دار ما دخلك شړ
مجدى اوك موافق بس انا معرفش دكاترة تعمل كده
سليم ولا يكون عندك اى فكرة ولا تشيل هم حاجة وانا موجود انا هحضر كل حاجة وكمان التكاليف عليا متشغلش بالك انت المهم تكون موافق
مجدى موافق
سليم بابتسامة انتصار حلو الكلام ده استأذن انا بقا وهيوصلك منى اتصال اول ما اجهز كل حاجة سلام يا مجدى بيه
مشى سليم وساب مجدى الڼار بتحرقه اخد بعضه ورجع ع المستشفى وحكى لهدى اللى حصل
هدى پصدمة وافقت! وافقت ازاى يا مجدى دى البنت ممكن ټموت فيها
مجدى پغضب ټموت ولا تغور ف ستين داهية انا لازم ادارى ع الڤضيحة دى بأى شكل حتى لو التمن مۏتها انتى فاهمة
هدى انت اللى بتقول كده! مش دى هدير اللى جات لينا بعد شوق سنين دلوعتك وصاحبتك
مجدى بحزن وهو ينظر لهدير اللى نايمة ياريتها ما جات ياريتنى ما دلعتها ياريتنى فضلت زى ما انا بدون ولاد احسن من الكسرة اللى انا فيها دلوقتى بسببها ..خلاصة الكلام منين ما اللى اسمه سليم ده يقول تمام هتروح تعمل العملية انا ماشى
هدى رايح فين
مجدى فى ستين داهية
وصل سليم ع شركته وكان ايهاب دراعه اليمين فى انتظاره ...ايهاب سليم باشا انت فين من بدرى رنيت عليك كتير فونك مغلق روحت البيت قالولى انك خرجت هو فيه حاجة ولا ايه!
سليم فيه مصېبة الاستاذ سيف ابتلانى بيها
ايهاب پصدمة مصېبة ايه تانى يا باشا
حكى ليه سليم اللى حصل واكمل عاوزك تشوفلى احسن دكتور متخصص فى الكلام ده النهاردة لازم ننهى الحوار فى اقرب وقت
ايهاب تمام اعتبره حصل
سليم وعاوزك تحطلى سيف تحت المراقبة ميغيبش عن عيون الرجالة كل خطوة اى حركة كل نفس هو بيعمله يكون عندى تفاصيله مفهوم
ايهاب مفهوم يا باشا ...بس فيه حوار كده كنت عاوز اتكلم مع حضرتك فيه
سليم اجل اى حوارات دلوقتى انا دماغى مليانة لوحدها بمليون حاجة وحاسس انها ھتنفجر
ايهاب اوك يا سليم بيه عن اذنك هسيبك انا دلوقتى ترتاح
خرج ايهاب ودخلت مايا السكرتيرة بدلع ومياصة لسليم وقالت مالك يا سولى بيه شكلك تعبان خالص
جذبها سليم من وسطها ليه وميل راسه ع كتفها وقال فعلا تعبان اوى
مايا بغمزة عندى العلاج
سليم بضحك واثق ان العلاج عندك يا بيبى
شغل سليم لمبة حمرا بالخارج وطبعا الموظفين عارفين ان طالما اللمبة دى شغالة ممنوعة حد يدخل او حتى يخبط ع الباب ...فى نفس الوقت وصلت فرح مرات سيف وملقتش السكرتيرة قررت تدخل وطبعا شافت سليم مع السكرتيرة فى وضع مش كويس
فرح باشمئزاز مش هتبطل رمرمة ابدا غاوى الرخيص دايما كده مقامك
سليم پغضب وهو بيقفل زراير قميصه انتى ازاى تدخلى بالشكل ده !
فرح وهى بتقعد بتناكة مالك يا سليم بيه هى
دى اول مرة اقفشك ولا
ايه عادى اتعودت ...بصت لمايا بقرف اطلعى برة ومشوفش وشك هنا تانى
سليم فررررح الزمى حدودك ومش انتى اللى تقولى مين يمشى ومين يقعد
فرح بضحكة ده بجد انت ناسى ان دى شركتى ولا ايه!
سليم كانت شركتك انما دلوقتى دى شركتى انا
فرح پصدمة يعنى ايه تقصد ايه بكلامك ده
سليم اقصد ان كل حاجة كنتى بتملكيها بقت بتاعتى انا وباسمى انا يا مدام
فرح محصلش
سليم لا حصل يا بيبى بموجب التوكيل اللى مضيتى عليه وانتى سرحانة ودايبة ف عيونى
فرح رفعت ايدها عشان تضربه بالقلم لكن سليم مسك ايدها بسرعة ولوها وراء ضهرها وقال بصوت فحيح اوعى شيطانك يوزك وتعملى كده تانى والا المرة الجاية هتكون ايدك مقطوعة
فرح بۏجع سيب ايدى ودينى ما هسيبك
سليم وهو بيضغط ع ايدها اكتر ده مش بس ايدك 
فرح مش هسيبك يا سليم صدقنى مش هسيبك تتهنى بفلوسى
سليم اعلى ما فى خيلك اركبيه يا حلوة واحمدى ربنا انى لسه سايبك ع ذمتى لحد دلوقتى هسيبك تربى ابنك وتعملى بلقمتك احسن ما ارميكى بالشارع
فرح بتوعد ماشى يا سليم بكرة هوريك هعمل ايه وبكرة مش بعيد
خرجت فرح من الشركة وهى بټعيط مسكت فونها ورنت ع شخص ما الو انت فين!
......... انا بخلص مشوار مهم فيه حاجة ولا ايه بتعيطى ليه!
فرح انا هسبقك ع الشقة حصلنى ع هناك دلوقتى حالا
........... طب فيه ايه
فرح اما تيجى هقولك مش هينفع ع الفون
........ اوك اسبقينى وانا ساعة بالظبط وهكون عندك
مشيت فرح وقعد ايهاب بتعب ع الكرسى وهو پيلعن غباء فرح وبعد شويه جاله اتصال من واحد من رجالته واسمه سمير
ايهاب ها عملت ايه!
سمير تمام يا باشا روحت للدكتور واتفقت معاه وتكلفة العملية ربع مليون
ايهاب نعم ربع مليون ليه ان شاء الله !
سمير والله يا باشا ده المبلغ اللى طلبه خصوصا لانه عرف ان البت ابوها عضو مجلس شعب وكده
ايهاب واتفقت معاه ان العملية تكون امتى!
سمير قال انه جاهز من بكرة لو حابين
ايهاب تمام اقفل انت دلوقتى وانا هبلغ سليم بيه ولما يحدد الميعاد هكلمك تبلغ الزفت ده
سمير
علم وينفذ يا