أنانية زوج
زواج تقليدي عائلي و أطفال الزوج بيشتغل أعمال حرة ومستواه المادي كويس مرتبط بوالدته بشكل أكبر من العادي وتقريبا مش بيعمل حاجة غير بإذنها وكمان بيسمع كلام أخواته في كل صغيرة وكبيرة من 6 سنين تقريبا ظهرت على الزوجة أعراض غريبة ورم في أحد الثديين وفي الأول قالوا خراج عادي وخدت علاج ومفيش تحسن وبعد فترة ظهر التشخيص الصحيح سړطان في الثدي !
كنا عند الدكتور لما ودينا له نتايج التحليل والأشعة وهو كان معايا الدكتور قال إن الاصاپة في المراحل الأولي وإن شاء الله نتيجة العلاج مضمونة كان بيحاول يطمني ويخفف من ړعبي وخۏفي وإحنا خارجين من عند الدكتور جوزي نزل قدامي على السلم من غير ما يقول ولا كلمة وروحني وبعدين خرج من البيت في الليلة دي بات في بيت أهله سألت عنه تاني يوم قالولي سافر في شغل تليفونه مقفول على طول وبعد كام يوم وصلتني قسيمة طلاقي !
أم الزوج بررت فعل ابنها بأنه مش ناقص مصاريف وعلاج وقرف وأبوكي وأهلك أولي بيكي
حاولت الزوجة توصل لجوزها بكل الطرق مكانتش لسه قالت لأهلها أي حاجة كان نفسها جوزها يقف جنبها وتتعالج من غير ما حد من أهلها يعرف ومكانش ينفع تروح لأهلها بتلات أطفال لأن أبوها حريص قوي وبخيل جدا بس هي مش بتشتغل ولما ملاقتش فايدة إنها توصل لجوزها اللي بيتهرب منها ملقتش قدامها غير بيت أبوها الأب قالها ببساطة أنتي بنتي لكن دول مش عيالي ناس أبوهم أولي بيهم
ودت العيال بيت أهل جوزها غصبن عنها لأنها كانت في الفترة دي كمان تعبانة جدا جسمانيا ونفسيا حاولت تتصل بجوزها توصيه يراعي العيال على الأقل لحد ما تخف لكنه ما ردش عليها بعد يومين راحت تطمن على عيالها لقتهم نايمين على الأرض في شقة ستهم تحت والبنت مرات أعمامها عاملينها خدامة مكملتش خمس سنين وبيخرجوها في الضلمة تجيب عيش العيال أول ما شافوا أمهم اترموا في حضنها وفضلوا يبكوا ويمسكوا فيها ويقولولها متسبييناش يا ماما ستو وعمو بيضربونا
خدت عيالها وصممت إنها تشحت عليهم ولا ترجعهم بيت جدهم تاني أخوها وأختها ساعدوها من ورا أبوها وأتاجرت شقة صغيرة واشتغلت مع كوافيرة عشان تأكل عيالها أبوهم رفض يبعت لهم مليم ومكانش فيها حيل لمحاكم وقضايا وهي مريضة أخواتها ساعدوها وأهل الخير كمان وخدت مساعدة من الجمعية الشرعية وكملت علاجها اتداينت
