هو عشان مبخلفش البيت كله يجي عليا

هو علشان مبخلفش فالكل فى البيت ييجى عليا كده 
هى دى مش حكمه ربنا يعنى 
انا مش عارفه الناس دى نوعها ايه 
النهارده كان سبوع سلفتى وانا واقفه لقيت حماتى بتقولى وايدها ع كتفى شدى حيلك يا شوق عاوزين نفرح بعوضك
بصتلها وعينى كلها غيظ من كلامها 
وقولتلها لما احمد يرجع من السفر بس حاضر يا ماما

شالت ايدها من عليه
وقالت هاتو الغربال وفعلا مسكت الغربال وهى بتبص ليه وقالت اسمع كلام امك واسمع كلام ابوك وفضلوا كلهم يضحكوا وانا قلبى بيعيط من جوه لقيت سلفتى العقربه شالت ابنها وقالت خودى يا شوق شليه وادعى بس بتتعوج وقالت يمكن ربنا يديكى 
ردت حماتى وقالت والله مفيش فايده وكلهم قعدوا يضحكوا
وبيدسوا عليا لمجرد انى مش بخلف لقيت نفسى خرجت بره وجسمى بيرتعش وحسيت انى مرهقه وسندت بإيدى ع الباب وهما كلهم جوه مبسوطين وحسيت ان التفكير ھيموتنى وطلعت ع شقتى وفتحت الباب وقفلته وحسيت بصوت بيكلمنى ويقولى اشمعنى انتى اللى مبتخلفيش اټجننت وبقيت ادور فالشقه هو فى ايه بالظبط 
انا ايه اللى بيجرالى انا حاسه انى جسمى بيتكتف وكأنى حد ربطنى انا مش عارفه اتحرك وبقيت اكلم نفسى وقولت دى اوهام وقومت من مكانى وقولت انا هنزل السبوع احسن انا لو قعدت لوحدى هتجنن وقومت دخلت الحمام وغسلت وشى ونزلت السبوع وكلهم مبسوطين وانا تعيسه من جوايا من جرحهم ليه ومن كلامهم الچارح 
ولمحت بعينى شريف اخو جوزى واقف يبص عليا اوى 
لقيت سلفتى بصوت واطى وبتقولى انتى عمرك ما هتحملى انتى ارض بور خلى بالك انا جبت عروسه لجوزك وحماتك عارفه
بس انا قولتلها شكرا والف مبروك مقدما
أميره شوق انتى جبله مزعلتيش
شوق وازعل ليه انا هطلق 
وقولت فى
سرى
انتى اللى خربتى ع نفسك 
بس اميره سلفتى قالتلى انتى عاوزه تتطلقى يا شوق
قولتلها اه علشان جوزى يتجوز ويجيب عيل علشان تفرحوا بيه وتعملوا سبوع حلو زى ده 
مش انتى خلاص شوفتى عروسه
وحماتى جت واحنا بنتكلم وبرضه مش مبطله وقالت تعالى يا أميره كلمى اشرف جوزك يا ست الستات وانا الڼار بتغلى جوايا 
اما بالنسبه لأحمد جوزى مش فارقه كتير ع طول مسافر وانا اللى عايشه فى غلب ومعايره هنا